Hoseya 12

1Efraim ukakre ku yamu, man elubo tok yamu ma yo nyangu: emedo ndra ku nyoth thiri thiri; man gitimo lembariba kud Ascur, man gitero mo i Misiri. 2Yehova bedo ku piem bende ku Yuda, man ebisendo Yakobo calku yo pare; e ebiculo ire calku giratima pare. 3#Tha 25:26#Tha 32:24-26Emaku ufunytiend umin kud i ic; e i awobi pare ebedo ku tego ku Mungu; 4#Tha 28:10-22eyo, ebedo ku tego wi malaika, man esagu; eywak, man epaku dhoge ire: enwang’e i Beth-el, man waweco wakude kuca, 5en e Yehova, Mungu mir udul; Yehova en e nyinge mi poi. 6Ka kumeno lokri ba Mungu peri: gwok kisa ku lembapoka, man ikur Mungu peri thiri thiri.

7En e jakuloka, mukero mir abombi ni i cinge: epiaru dimo wijo. 8Man Efraim uwacu kumae, Andha alony, anwang’u jupiny ira: i tic mi muli para ceke gibinwang’u kier moko ngo i ia ma en e dubo. 9#Law 23:42, 43Ento an a Yehova Mungu peri ugambre kud i ng’om Misiri, abiketho wubedo i hema kendo calu i ceng’ mir agba mi rwo. 10Ayero ni jubila bende, man amedo ginmawokiwang’; man ku cing’ jubila atimo lembabola. 11Gilead en e kieri? gi gin mi ndra kende; i Gilgal gilamu thwoni dhiang’; eyo, pemblam migi calu udhuru mi thuthu mi podho. 12#Tha 29:1-20Man Yakobo ringo i podho mir Aram, man Israel utimo pi dhaku, man pi dhaku ekwayu rombe. 13#Ai 12:50, 51Man Yehova wodho Israel ku i Misiri ni kum jabila, man ebedo agwoka ni kum jabila. 14Efraim unyayu ng’ecwiny m’akeca: ka kumeno jubiweko rimbe i wie, man Rwoth pare bidwoko cac pare i wie.

Currently Selected:

Hoseya 12: AB1970

Highlight

Copy

Compare