Ezekiel 46

1Rwoth Yehova wacu kumae Dhugang’ mi lelagang’ ma yor i ie ma neno yo nyangu bibedo acika i ceng’ mi tic abusiel; ento jubiyabe i ceng’ sabatu, man i ceng’ mi dwi ma por jubiyabe, 2Man jaditmawijo bimondo i yo mi pondot mi dhugang’ ma yo woko, man ebicungo i ng’et mbegi mi dhugange; man julam biyiko lam m’awang’a pare ku lam mi kwiocwiny pare, man ebirwo wi riu mi dhugang’; ebilund wok woko; ento jubiciko dhugang’ ungo cil uthieno. 3Man dhanu mi ng’om birwo i dhugola mi dhugang’ maeno i wang’ Yehova i ceng’ sabatu man i dwi ma por. 4Man lam m’awang’a ma jaditmawijo bithiero ni Yehova bibedo nyithi rombe abusiel ma mulima mbe i kumgi ku nyog rombo ma mulima mbe i kume i ceng’ sabatu; 5man lam mi mogo bibedo kukunju mi nyog rombo, man lam mi mogo mi nyithi rombe calu ecopo mio, man amorpi mi mo mi kukunju.

6Man i ceng’ mi dwi ma por ebibedo thwon dhiang’ m’aradu ma mulima mbe i kume, man nyithi rombe abusiel, ku nyog rombo; gibibedo ma mulima mbe i kumgi: 7man ebiyiko lam mi mogo, ku kunju mi thwon dhiang’, man kukunju mi nyog rombo, man mi nyithi rombe calu ecopo mio, man amorpi mi mo mi kukunju. 8Man kinde ma jaditmawijo bimondo, ebimondo ku yo mi pondot mi dhugang’, man ebiwok woko kud i yoje. 9Ento kinde ma dhanu m’i ng’om bibino i wang’ Yehova i agba ma juketho, ng’atu m’umondo ku yo dhugang’ ma yor ariwa ma malu nirwo biwok woko ku yor i dhugang’ ma yor ariwa ma piny; man ng’atu m’umondo ku yor i dhugang’ ma yor ariwa ma piny biwok woko ku yor i dhugang’ ma yor ariwa ma malu; ebidwogo ku yor i dhugang’ m’emondo kudo ngo, ento ebiwok woko atira i wang’e. 10Man jaditmawijo, kinde ma gimondo, ebimondo i kindgi; man kinde ma giwok woko, gibiwok woko karacelo. 11Man i agba kud i ceng’ ma dit ma jung’olo lam mi mogo bibedo kukunju mi thwon dhiang’, man kukunju mi nyog rombo, man mi nyithi rombe calu ecopo mio, man amorpi mi mo mi kukunju. 12Man kinde ma jaditmawijo biyiko lam ma ku berocwiny, lam m’awang’a kadi lam mi kwiocwiny calu lam ma ku berocwiny ni Yehova, ng’atu moko biyabu ire dhugang’ ma neno yo nyangu; man ebiyiko lam m’awang’a pare ku lam mi kwiocwiny pare, calu etimo i ceng’ sabatu; ebilund wok woko; man yo ng’ei wok woko pare ng’atu moko biciko d ugange.

13Man ibiyiko nyathi rombo ma rundine acel ma mulima mbe i kume ni lam m’awang’a ni Yehova ku ba rupiny ku pa rupiny: ku ba rupiny ku ba rupiny ibiydke. 14Man ibiyiko lam mi mogo karacelo kude ku ba rupiny ku ba rupiny, ng’ete mir abusiende mi kukunju, man ng’ete mir adege mir amorpi mi mo, kara uyom mogo ma yom; lam mi mogo ni Yehova, thiri thiri ku lembang’ola ma thiri thiri. 15Gibiyiko nyathi rombo, ku lam mi mogo, man mo kumeni, ku ba rupiny ku ba rupiny, ni lam m’awang’a ma thiri thiri.

16Rwoth Yehova wacu kumae: Tek jaditmawijo mio giramia ni wote moko, en e aba pare, ebibedo mi wote; en e piny migi ma gibedo ko ni aba. 17#Law 25:10Ento tek emio giramia kum aba pare ni jatic, pare acel ebibedo pare cil i rundi mi gony; e ebilund dwogo ba jaditmawijo; ento pir aba pare, ebibedo ni wote. 18Mange ke jaditmawijo bigamu kum aba mi dhanu pare ngo, m’ekab kogi woko kud i piny migi; ebimio aba ni wote kud i piny pare ma dhe, kara ku julal dhanu para kubang’gi kubang’gi ng’atuman ku dhu piny pare. 19Elund etera kucjri kamondo, ma ni i ng’et dhugang’, i kusika ma leng’ ma mi julam, ma neno yor ariwa ma malu: man, nen, kaka nuti i ng’ete ma yor i ng’eye yo reto. 20Man ewacu ira kumae, Maeni ka ma julam bitedo ie lam mi kier man lam mi dubo, man ka ma gibitedo ie lam mi mogo; kara ku gikelgi woko i lelagang’ ma yo woko, kara gidwok dhanu leng’. 21Elund etera woko i lelagang’ ma yo woko, man eketho akadhu kum gui ang’wen, mi lelagang’; man, nen, i gui mi lelagang’ kubang’e kubang’e lelagang’ nuti. 22I gui ang’wen mi lelagang’ lelagang’ nuti ma jutwodo ku gang’, kaborne bot pier ang’wen man kalacne pier adek: maeni ang’wen i gui gi mi por acel. 23Man gang’ nuti gbur i igi, i kum gin ang’wen gbur, man jutimo ka tedo the gange gbur. 24Elund ewacu ira kumae, Maeni udi mi tedo, ka ma jutim mi ot bitedo ie lam mi dhanu.

Currently Selected:

Ezekiel 46: AB1970

Highlight

Copy

Compare