Ezekiel 42

1Elund etera woko i lelagang’ ma yo woko, yo ba yor ariwa ma malu: man etera i kusika ma ni yor i wang’ ka m’ukoc, man ma ni yor i wang’ giragoma yor ariwa ma malu. 2I wang’ kabor mi bot dak acel en e dhugola ma yor ariwa ma malu, man kalacne en e bot pier abic. 3I wang’ bot pier ario ma mi lelagang’ ma yor i ie, man ma yor i wang’ ka m’athora ma mi lelagang’ ma yo woko, ni i kum pondode ma ku malu i wang’e adek. 4Man yo ma kalacne bot apar ni i wang’ kusika yor i ie, en e yo mi bot acel; man dhugolane gini yor ariwa ma malu. 5Nie kusika ma yo malune gin adundo moko; kum ponde ma ku malu gikabu ku ba maeni, ma sagu ma ba ma piny ku m’i diere, i giragomane. 6Kum gini i ode ma malu adek, man gibedo ku mbegi ngo calu mbegi mi lelagang’: ka kumeno ma malu bedo diny ma sagu ma yo piny ku m’i diere ugambre i ng’om. 7Man gang’ ma ni yo woko kum ng’et kusika, yo ba lelagang’ ma yo woko i wang’ kusika, kaborne bot pier abic. 8Kum kabor mi kusika ma ni i lelagang’ ma yo woko en e bot pier abic: man, nen, bot dak acel ni i wang’ hekalu. 9Man ku the kusika maeni kamondo nuti i ng’ete ma yo nyangu, ka jumondo i igi kud i lelagang’ ma yo woko.

10Kusika nuti i kathuth mi gang’ mi lelagang’ yo nyangu, i wang’ ka m’ukoc, man i wang’ giragoma. 11Man yo mi wang’gi en e calu nen mi yo mi kusika ma ni yor ariwa ma malu; calku kaborne e kalacne de bedo kumeca: man kawokne gi calu ayine, man calu dhugolane. 12Man calku dhugola mi kusika ma ni yor ariwa ma piny e dhugola nuti i wi yo, en e yo ndhu i wang’ gang’ ma yo nyangu, ka jumondo i igi.

13Elund ewacu ira kumae, Kusika ma yor ariwa ma malu, man kusika ma yor ariwa ma piny, ma ni i wang’ ka m’ukoc, gi kusika ma leng’, ka ma julam ma ni ceng’ni kum Yehova bicamu ie gin ma leng’ m’usagu: gibiketho gin ma leng’ m’usagu kuca, ku lam mi mogo, man lam mi dubo, man lam mi kier; kum kakeca e leng’. 14Kinde ma julam gimondo, gibilund wok woko kud i kamaleng’ i lelagang’ ma yo woko ngo, ento gibiketho kendi migi ma gironyo ka gitimo giratima kuca: kum gi leng’: man gibironyo kendi mange, man gibibino ba gin ma mi dhanu.

15Nie kinde m’edaru poro ot ma yor i ie, ekela woko ba dhu yo mi dhugang’ ma neno yo nyangu, man epore gbur. 16Eporo ng’ete ma yo nyangu ku bol mi por upodho bol dak abic, ku bol mi por gbur. 17Eporo ng’ete ma yor ariwa ma malu bol dak abic ku bol mi por gbur. 18Eporo ng’ete ma yor ariwa ma piny bol dak abic ku bol mi por. 19Elokre ba ng’ete ma yo reto, man eporo bol dak abic ku bol mi por. 20Epore i ng’ete ang’wen: ebedo ku gang’kidi gbur, kaborne bol dak abic, man kalacne de bol dak abic, kara utim apoka i kind gin ma leng’ ku gin ma sai.

Currently Selected:

Ezekiel 42: AB1970

Highlight

Copy

Compare