Ezekiel 40

Ginmawokiwang’ ba Jabila pi Hekalu

1I rundi pier ario wi abije mi ng’eca mwa, i thekri mi rundine, i ceng’ mir apaje mi dwi, i rundi apar wi ang’wende yo ng’ei goyo adhura, i ceng’ maeno nino, cing Yehova ni i wia, man etera kuca. 2#Nyu 21:10I ginmawokiwang’ pa Mungu etera i ng’om Israel, man eketha piny wi got ma wiu dit, ka ma giratada mir adhura ni i wie yor ariwa ma piny. 3#Nyu 11:1; 21:15Man etera kuca; man, nen, dhanu nuti, ma nenne calu nen mi mola, ku thol mi pamba i cinge, ku bol mi poropiny; man ecungo i dhugang’. 4E dhanune wacu ira kumae, Wod dhanu, nen ku weng’i, man iwinj ku ithi, man iketh cwinyi kum gin ceke m’abinyutho iri; kum jukeli kuni kara anyuthgi iri: yer gin ceke m’ineno ni ot mir Israel.

5 # 1 Ub 6:1-38; 2 Kei 3:1-9 Man nen, gang’kidi m’utiekn ot yo woko gbur, man bol mi poropiny ni i cing’ ng’atuca ma kaborne bot abusiel, fili bot man laccing’ kubang’e kubang’e: kum kumeno eporo kalac mi ot, bot acel; man kadongone, bot acel. 6Elund ebino ba dhugang’ ma nen yo nyangu, man cidho giratadane: man eporo riu mi dhugang’, kalacne bol acej; man riu mucelo, kalacne bol acel. 7Man kusika mi kur kubang’e kubang’e kaborne bol acel, man kalacne bol acel; man ka ma thwolo i kind kusika mi kur bot abic; man riu mi dhugang’ i ng’et pondot yo ba ot en e bol acel. 8Eporo pondot bende mi dhugang’ yo ba ot, bol acel. 9Elund eporo pondot mi dhugang’, bot abora; man mbegine, bot ario; man pondot mi dhugang’ eni yo ba ot. 10Man kusika mi kur mi dhugang’ yo nyangu gin adek i ng’ete ma yo kucel, man adek i ng’ete mucelo; gin adek gi mi por acel: man mbegine gi mi por acel i ng’ete ma yo kucel, man i ng’ete mucelo. 11Man eporo kalac mi kamondo mi dhugang’, bot apar; man kabor mi dhugang’, bot apar wi adek; 12man apoka, i wang’ kusika mi kur, bot acel i ng’ete acel man apoka, bot acel i ng’ete mucelo; man kusika mi kur, bot abusiel i ng’ete kucel, man bot abusiel i ng’ete mucelo. 13Man eporo dhugang’ ugambre kum dhu wi ot mi kusika mi kur acel utundo kum dhu wi ot mi mucelo, kalacne bot pier ario wi abic; dhugola kum dhugola. 14Etimo mbegi bende, bot pier abusiel; man lelagang’ utundo kum mbegine, utieko dhugang’ gbur. 15Man ugambre i wang’ dhugang’ i kamondo utundo i wang’ pondot ma yor i ie mi dhugang’ne en e bol pier abic. 16Man wang’ot m’ubedo acika ni ba kusika mi kur, man ba mbegine ma yo i dhugang’ gbur, man ba gin m’ugure bende kumeca; man wang’ot ni yor i ie gbur; man thith ni wi mbegi kubang’e kubang’e.

17Elund etera i lelagang’ ma yo woko; man nen, kusika nuti man ka m’athora, ma jutimo ni lelagang’ gbur: kusika pier adek ni wi ka m’athora. 18Man ka m’athora ni i ng’et dhugang’, m’ulokre yo ba kabor mi dhugang’, en e ka m’athora ma yo piny. 19Elund eporo kalacne ugambre i dhugang’ ma yo piny cil kum wang’ lelagang’ ma yor i ie ma yo woko, bot dak acel, yo nyangu man yor ariwa ma malu bende.

20Man dhugang’ mi lelagang’ ma yo woko ma neno yor ariwa ma malu, eporo kaborne ku kalacne. 21Man kusikane mi kur gin adek i ng’ete kucel man adek i ng’ete mucelo; man mbegine ku gin m’ugurene lubo tok por mi dhugang’ ma kwong’ane: kaborne bot pier abic, man kalacne bot pier ario wi abic. 22Man wang’ode, ku gin m’ugurene, ku thithne, gilubo tok por mi dhugang’ ma neno yo nyangu; man giidho malu i bang’e ku giratada abiro; man m’ugurene ni i wang’gi. 23Man dhugang’ nuti i kum lelagang’ ma yor i ie yo ba dhugang’ mucelo yor ariwa ma malu ku yo nyangu bende; man eporo ugambre kum dhugang’ utundo kum dhugang’ bot dak acel.

24Man etera yor ariwa ma piny, man, nen, dhugang’ nuti m’ulokre yor ariwa ma piny: man eporo mbegine ku gin m’ugurene calku por maeni. 25Man wang’ot ni i ie man i gin m’ugurene gbur, calu wang’ot maeno: kaborne bot pier abic, man kalacne bot pier ario wi abic. 26Man giratada abiro nuti ma idho i bang’e, man gin m’ugurene ni i wang’gi; man ebedo ku thith, acel i ng’ete kucel, man mange, i ng’ete mucelo, wi mbegine. 27Man dhugang’ nuti kum lelagang’ ma yor i ie yor ariwa ma piny: man eporo ugambre i dhugang’ utundo kum dhugang’ ma yor ariwa ma piny bot dak acel.

28Elund etera ba lelagang’ ma yor i ie i ng’et dhugang’ ma yor ariwa ma piny: man eporo dhugang’ ma yor ariwa ma piny calku por maeni; 29man kusika mi kume, ku mbegine, man gin m’ugurene, calku por maeni: man wang’ot ni i ie man i gin m’ugurene, calku por maeni: man wang’ot ni i ie man i gin m’ugurene gbur; kaborne bot pier abic, man kalacne bot pier ario wi abic. 30Man gin m’ugurene nuti gbur, kadongone bot pier ario wi abic, man kalacne bot abic. 31Man gin m’ugurene gilokri yo ba lelagang’ ma yo woko; man thith ni wi mbegine: man kaidho i bang’e bedo ku giratada abora.

32Man etera i lelagang’ ma yor i ie yo nyangu: man eporo dhugang’ calku por maeni; 33man kusika mi kurne, ku mbegine, ku gin m’ugurene, calku por maeni; man wang’ot ni i ie man i gin m’ugurene gbur; kaborne bot pier abic, man kalacne pier ario wi abic. 34Man gin m’ugurene gini yo ba lelagang’ ma yo woko, man thith ni wi mbegine, i ng’ete kucel, man i ng’ete mucelo: man kaidho i bang’e bedo ku giratada abiro.

35Man etera ba dhugang’ ma yor ariwa ma malu: man epore calku por maeni; 36kusika mi kume, ku mbegine, man gin m’ugurene: man wang’ot ni i ie gbur; kadongone bot pier abic, man kalacne bot pier ario wi abic. 37Man mbegine gini yo ba lelagang’ ma yo woko; man thith ni wi mbegine, wi ng’ete kucel, man wi ng’ete mucelo: man kaidho m’i bang’e bedo ku giratada abora.

38Man kusika ku dhugolane ni i ng’et mbegi kum dhugang’; gilwoko lam m’awang’a keca. 39Man i pondot mi dhugang’ mesa ario nuti i ng’ete kucel, man mesa ario i ng’ete mucelo, kara juthum lam m’awang’a ku lam mi dubo ku lam mi kier i wie. 40Man i ng’ete acel yo woko, i kaidho mi kamondo mi dhugang’ yor ariwa ma malu, mesa ario nuti; man mesa ario ni i ng’ete mucelo, ma mi pondot mi dhugang’. 41Mesa ang’wen ni i ng’ete kucel, man mesa ang’wen ni i ng’ete mucelo, i ng’et dhugang’; mesa abora, ma githumo lam i wie. 42Man mesa ang’wen nuti mi lam m’awang’a, mi kidi m’apaya, kaborne bot acel ku katumbla, man kalacne bot acel ku katumbla, man kadongone bot acel; ka ma giketho i wie jamthum mi lam m’awang’a ku lam, 43Man gol, kadongone laccitig’, jung’abu yor i ie gbur: man ring’o mi girathiera ni wi mesane.

44Man kusika mi juwer ni i lelagang’ ma yor i ie yo woko, ni i dhugang’ ma yor i ie, ma ni i ng’et dhugang’ ma yor ariwa ma malu; man gineno yor ariwa ma piny; acel i ng’et dhugang’ ma yo nyangu ma neno yor ariwa ma malu. 45Man ewacu ira kumae, Kusika maeni, ma neno yor ariwa ma piny, en e mi julam, jugwok mi kur mi ot, 46man kusika ma neno yor ariwa ma malu, en e mi julam, jugwok mi kur mi pemblam: maeni gi wot Zadok, ma kud i kind wot Lawi gibino ceng’ni ba Yehova kara gitim ire. 47Man eporo lelagang’, kaborne bot dak acel, man kalacne bot dak acel, ng’ete ang’wen rom rom; man pemblam ni i nyim ode.

48Elund etera ba pondot mi ode, man eporo mbegi mi pondot kubang’e kubang’e, bot abic i ng’ete kucel, man bot abic i ng’ete mucelo: man kalac mi dhugang’ en e bot adek i ng’ete kucel, man bot adek i ng’ete mucelo. 49Kabor mi pondode bot pier ario, man kalacne bot apar wi acel: en e ku raidh ma giidho ko malu i bang’e: man mbegi ma dit ni i ng’et mbegi, acel i ng’ete kucel, man i ng’ete mucelo.

Currently Selected:

Ezekiel 40: AB1970

Highlight

Copy

Compare