Amos 7
7
Ginmawokiwang’ Adek mi Nyoth: Bonyo, Mac man Thol M’atira
1Rwoth Yehova nyutho ira kumeni: man, nen, ecwio bonyo i thekri mi loth mi giratwia ma cen; man, nen, en e giratwia ma cen yo ng’ei nyar m’ubimo nyaru. 2Man etimbre nia, kinde ma gidaru camu lum mi ng’om, alund awacu kumae, E Rwoth Yehova, akwei, wek woko: Yakobo bicungo nenedi? kum e nok. 3Yehova loko cwinye pi maeni kumae: Ebibedo nuti ngo, Yehova wacu.
4Rwoth Yehova nyutho kumeni ira: man, nen, Rwoth Yehova lwong’o pi piembri ma ku mac; e ewang’u pi ma dit, man eyenyo ewang’ ng’om kot. 5Alund awacu kumae, E Rwoth Yehova, weki, akwei: Yakobo bicungo nenedi? kum en e nok. 6Yehova loko cwinye pi maeni: Maeni bende bibedo nuti ngo, Rwoth Yehova wacu.
7Enyutho ira kumeni: man, nen, Rwoth ucungo i ng’et gang’kidi ma jutimo ku thol m’atira, ku thol m’atira i cinge. 8E Yehova wacu ira kumae, Amos, ineno ang’o? Man awacu kumae, Thol m’atira. Rwoth ulund uwacu kumae, Nen, abiketho thol m’atira i kind dhanu para Israel; abikadhu akadha kendo ngo mange kud i ng’etgi; 9man ka ma malu pa Isak bibedo ni uvuru, man jubidwoko kamaleng’ mir Israel ni uvuru; e abiai kum ot pa Yeroboam ku palamularu.
Amos Giku Amazia
10Amazia ma jalam mi Beth-el ulund uoro kwenda ba Yeroboam m’ubimo mir Israel, ewacu kumae, Amos uthubo ali i kumi i kind ot mir Israel: ng’om copo ciro lembe pare ceke ngo. 11Kum Amos uwacu kumae, Yeroboam bitho ku palamularu, e jubiyaku Israel kud i ng’om pare andha. 12Amazia bende wacu ni Amos kumae, In i jaeulembe, cidhi, ring cen i ng’om Yuda, man icam kwen kuca, ieu lembe de kuca: 13ento kud ieu lembe mange kendo i Beth-el; kum en e kamaleng’ p’ubimo, man en e odker. 14Amos ulund uloko lembe, man ewacu ni Amazia kumae, An a jabila ngo, kadok wod jabila de ngo; ento an a jakwac, man jalwer kum duru; 15e Yehova gama ku tok udul rombe, man Yehova wacu ira kumae, Cidhi, cu ni dhanu para Israel. 16Ka kumeno kawono winj lembe pa Yehova: Iwacu kumae, Kud ieu kum Israel, man kud iketh lembe peri podh kum ot pa Isak; 17ka kumeno Yehova wacu kumae: Cegi bibedo won asara i adhura, man woti ku nyigi bipodho ku palamularu, man jubipoko ng’om peri ku wang’piny; man in giri ibitho i ng’om m’ucido, e jubiyaku Israel kud i ng’om pare andha.
Currently Selected:
Amos 7: AB1970
Highlight
Copy
Compare
Share
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.
