Zefania 1
1
EWURADZE N’atsɛmbu da
1 #
2 Ahe 22.1—23.30; 2 Mbe 34.1—35.27 EWURADZE n’asɛm a ɔbaa Hezekia ne ba Amaria, ne ba Gedalia, ne ba Kusi, ne ba Zefania hɔ, wɔ Judahen Josia, Amon ne ba no, n’aber do.
2Mebɛpra adze nyina
efi asaase enyi akɔ koraa, EWURADZE na ɔse.
3Mebɛpra nyimpa na mbowa akɔ;
mebɛpra sor ntumbowa,
na po mu nam,
na fintsidua aka emumuyɛfo ho akɔ; na mubotwa nyimpa
efi asaase enyi egu, EWURADZE na ɔse.
4Na mebɛtsen me nsa wɔ Juda do,
na Jerusalɛm atsefo nyina do;
na mubotwa Baal ne nkaa biara efi bea yi do.
Na mebɛpepa hɔn abosomfo asɔfo na EWURADZE n’asɔfoe
a wɔapow no no nyinara edzin efi asaase do;
5nye hɔn a wɔkotow sɔr wimu ndzɛmba
wɔ adan etsifi.
Mebɛsɛɛ hɔn so a wɔkeka emi EWURADZE me dzin ho ntam
na wɔsan so keka Milcam ho ntam no,
6na hɔn so a wɔasan efi m’ekyir;
na hɔn a wɔnnhwehwɛ emi EWURADZE,
na eso wommbisa m’ekyir kwan no.
7Yɛ dzinn wɔ EWURADZE Nyankopɔn enyim:
na EWURADZE ne da no abɛn:
na EWURADZE esiesie okum afɔr,
ɔatsew hɔn a ɔafrɛ hɔn no ho.
8Na ɔbɛba dɛ EWURADZE no kum afɔr da no mu no
mebɛtsea asafohemfo no, na ahenmba no,
na hɔn a wɔhyɛ ananaben ntar nyina.
9Na da no mu mebɛtsea hɔn a wohuruw tra abowano,
na wɔdze enyimpisɛm na ndaadaa hyɛ
hɔn wura ne fi ma no.
10Na da no mu no, EWURADZE na ɔse,
osu ne dede fi Nam Abotsen no ano aba,
na ewuotwa efi kurofa a otsia ebien no mu,
na ɔsɛɛ kɛse efi akoko no do aba.
11Hom ntwa ewuo, hom a hom tse Maktes,
osiandɛ eguadzifo no nyina ennwie yie:
hɔn a wɔsoaa hɔn dwetɛ no nyina woetwitwa hɔn egu.
12Na ɔbɛba wɔ ber no mu dɛ medze nkandzea mobɔhwehwɛ Jerusalɛm mu;
na mebɛtsea nyimpa a
woegyaa hɔnho ama bɔn
na wɔka wɔ hɔn akoma mu dɛ,
EWURADZE rennka
ho hwee no.
13Na wɔbɛfa hɔn ahonyadze afo,
na hɔn efi atɔ pan: ɛhɛɛ,
wobesisi adan,
na wɔrenntsena mu:
na wɔbɛtsetsɛw wenyin nture,
na wɔronnom mu nsa.
14EWURADZE ne da kɛse no abɛn,
abɛn, na ɔrepɛ ntsɛm dɛ,
EWURADZE ne da no ne ndze no yɛ nwen dɛ;
ɔkatakyi rekeka mu wɔ hɔ yayaayaw.
15Da no yɛ ebufuw da,
ɔfona na ahoguan da,
ɔsɛɛ na amamfoyɛ da,
sum na kusuwwyɛ da,
nsuwusiw na sum kebii da,
16akasamu na ehubɔ da a ɔreba
nkuropɔn a wɔagye ho ban
na aban atsentsen do.
17Na medze ahoguan bɛba nyimpa do,
ma wɔaanantsew dɛ efurafo,
osiandɛ wɔayɛ bɔn etsia EWURADZE:
na wobohue hɔn bɔgyaa egu dɛ huntuma,
na wɔatow hɔn honam so egu dɛ sumina.
18Eso hɔn sika na hɔn dwetɛ
runntum nngye hɔn
wɔ EWURADZE n’ebufuw da no mu;
na ne nyinkun gya no
bɛmen asaase no nyina:
na odwuruw, ɛhɛɛ, odwuruw a ɔyɛ hu,
na ɔdze bodwuruw hɔn a wɔtse asaase no do nyina.
Currently Selected:
Zefania 1: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
