Zekaria 7

Nyankopɔn Tsia Enyido Akɔnkyen

1Na ɔbaa dɛ ɔhen Darius n’ahendzi afe a otsia anan mu no, EWURADZE n’asɛm baa Zekaria hɔ wɔ bosoom a otsia akron a ɔno nye Kislev no, ne da a otsia anan mu no. 2Nna Bɛtɛlfo asoma Sarezer na Regem-melek, na hɔn nyimpa aba dɛ wɔmbɔkotow nserɛ EWURADZE n’enyimpa, 3na wombisa dɔm EWURADZE ne fie asɔfo no na nkɔnhyɛfo no, dɛ, Aso munsu wɔ bosoom a otsia enum no mu, na menkyen kɔm, dɛ mbrɛ mayɛ no wɔ mfe pii mu yi? 4Nna dɔm EWURADZE n’asɛm baa mo hɔ, dɛ, 5Ka kyerɛ asaase no do man nyina, na asɔfo no na bisa hɔn dɛ, Ana hom yɛɛ akɔnkyen dzii awerɛhow wɔ bosoom a otsia enum na esuon mu mfe eduosuon yi no, hom kyeen kɔm yi maa emi mara anaa? 6Na sɛ hom dzidzi, na hom nom a, hom nndzi mma homankasa homho, na hom nnom mma homankasa homho anaa? 7Aso nnyɛ nsɛm yi na EWURADZE nam nkɔnhyɛfo a wodzii kan no do tseaa mu wɔ ber a Jerusalɛm da ho wɔ hɔ na hom tse mu no, na ɔyɛɛ prɔmprɔm a no nkurow etwa no ho ehyia, na wɔtse Pomu afamu na ɔbɔn mu no?

Seanntse No Nsunsuando

8Na EWURADZE n’asɛm baa Zekaria hɔ, dɛ, 9Mbrɛ dɔm EWURADZE aka nye yi, dɛ, Hom mbu nokwar atsɛn, na nyimpa biara nkyerɛ mbɔbɔrhu na ayamuhyehye wɔ no nua do: 10na mma hom nntseetsee okunafo na egyankaba, ɔnana na ɔbɔbɔfo; na mma hom mu biara mmfa no nua ho adwembɔn. 11Naaso wɔammpen dɛ wobetsie, na wɔkoakoaa hɔn mbatsir, na wosisiiw hɔn aso, amma wɔaanntse. 12Nyew, wɔyɛɛ hɔn akoma dɛ dɛnkyɛmbo, amma wɔaanntse mbra no, na nsɛm a dɔm EWURADZE nam no sunsum do maa nkɔnhyɛfo a wodzii kan no bɛkae no: dɛm ntsi na ebufuw kɛse fiir dɔm EWURADZE hɔ bae no. 13Na dɛ mbrɛ emi mefrɛɛ hɔn na woenntsie no, dɛmara na hɔn so wɔbɛtsea mu afrɛ me na mirinntsie, dɔm EWURADZE na ɔse; 14na medze ekyinehyia mframa bɔɔ hɔn petsee amanaman nyina a wonnyim hɔn no mu. Dɛm na asaase no bɛyɛɛ amamfo wɔ hɔn ekyir, dɛ obiara ammfa do annsan: osiandɛ wɔmaa asaase fɛɛfɛw no yɛɛ afo.

Currently Selected:

Zekaria 7: MFANBRP

Highlight

Copy