Zekaria 4

Kandzeadua Ho Oyikyerɛ

1Na ɔbɔfo a ɔnye me kasae no baa bio, na obenyaan me dɛ nyimpa a woenyan no efi ne nda mu. 2Na obisaa me dɛ, Ihu ebɛnadze? Na mubuaa dɛ, Muhu kandzeadua a ne nyina yɛ sika, na no ngotoa taa n’etsifi, na ne nkandzea esuon no wowɔ do; ndodobɛn esuon wɔ nkandzea a wɔwɔ n’etsifi no do nkorkor: 3#Nyi 11.4 na ngondua ebien sisi ne nkyɛnmu, kor si ngotoa no n’enyimfa, na kor so si n’abankum. 4Na mibisaa ɔbɔfo a ɔnye me kasae no, dɛ, Mo wura, iyinom ebɛnadze a? 5Nna ɔbɔfo a ɔnye me kasae no buae see me dɛ, Aso innyim iyinom n’adzeban? Na mesee dɛ, Mo wura, oho. 6#Ezra 5.2 Nna obuae see me dɛ, Iyi nye EWURADZE n’asɛm a ɔbaa Zerubabel hɔ, dɛ, Ɔnnam w’ahoɔdzen do, ɔnnam wo tum do, mbom ɔnam mo sunsum do, dɔm EWURADZE na ɔse. 7Ao bepɔw kɛse, woana nye wo? Ebɛdan asaase tɛtɛr wɔ Zerubabel enyim: na ɔdze etsifi bo no bopue aba abɔbɔ do ose dɛ, Adom, adom mbra do. 8Na EWURADZE n’asɛm baa me nkyɛn bio dɛ, 9Zerubabel ne nsa na ɔatow fie yi fapem; na ne nsa na obowie so; na ɔwo ehu dɛ dɔm EWURADZE na ɔasoma me wo nkyɛn. 10#Nyi 5.6 Na kaansa wobuu edwuma yi n’ahyɛse kakrabaa yi enyimtsia mpo a, ber a wobohu promo no wɔ Zerubabel ne nsamu no, hɔn enyi bɛgye na wobedzi ehurusi. Nkandzeadua esuon a ihunii no yɛ EWURADZE n’enyiwa; wokyin dzi akɔnaaba wɔ asaase do. 11Nna mubuae, na mibisaa no dɛ, Ebɛnadze nye ngondua ebien yi a wosisi kandzeadua no n’enyimfa na n’abankum yi? 12Na mibisaa no bio dɛ, Ebɛn ngondua abaw ebien nye iyinom yi a wɔwɔ sika ano ebien a ohue sika ngo fa mu yi? 13Na obuaa me see dɛ, Aso innyim iyinom hɔn adzeban? Na mesee dɛ, Mo wura, oho. 14Na ɔsee dɛ, Iyinom nye nyimpa beenu a wɔasera hɔn ngo a wogyinagyina asaase nyina EWURADZE nkyɛn no.

Currently Selected:

Zekaria 4: MFANBRP

Highlight

Copy