Zekaria 3

Ɔsɔfopanyin No Ho Oyikyerɛ

1Na ɔkyerɛɛ me Josua, ɔsɔfopanyin no, dɛ ogyina EWURADZE no bɔfoe no enyim, na Satan gyina n’abanyimfa rotoatoa no. 2Na EWURADZE no bɔfoe no see Satan dɛ, Satan e, EWURADZE ntwuw w’enyim; nyew, EWURADZE a ɔasan mu eyi Jerusalɛm no ontwuw w’enyim. Aso dɛm banyin yi nntse dɛ gyantsia a woehwim efi gya mu? 3Nna Josua hyɛ ntar fi, na ogyina ɔbɔfo no enyim. 4Na ɔbɔfo no kaa kyerɛɛ hɔn a wogyinagyina n’enyim no, dɛ, Hom nyi ntar fi no mfi no ho. Na ɔsee Josua dɛ, Hwɛ, mama w’emumuyɛ efi wo ho kɔ, na mebɛhyɛ wo ebirɛmpɔn ntar. 5Nna mesee dɛ, Hom mfa asɔfokyɛw a ɔyɛ fɛw nsoa ne tsir. Nna wɔdze asɔfokyɛw a ɔyɛ fɛw soaa ne tsir, na wɔhyɛɛ no ntar; nna EWURADZE bɔfoe no gyina hɔ. 6Na EWURADZE bɔfoe no see Josua dɛ, 7Mbrɛ dɔm EWURADZE se nye yi: Sɛ ebɛnantsew m’akwan do, na esie m’ahyɛdze a, ɔno na wo so ebɔhwɛ me fie nsɛm do, na aweɔn m’abangua so, na mama enya hɔn a wogyina ha yi ntamu beebi egyina. 8Ao ɔsɔfopanyin Josua, ɔwo na wo mfɛfo a wɔtsetse w’enyim, afei hom ntsie; na wɔyɛ nyimpa a wɔyɛ asɛnkyerɛdze: na, hwɛ, medze m’akowaa, Abaw no, bopue aba. 9Na hwɛ, ɔbo a medze ato Josua enyim no; enyiwa esuon wɔ ɔbo kor do: hwɛ, mubokrukye no nkrukyei no, dɔm EWURADZE na ɔse, na mibeyi asaase no n’emumuyɛ da kor. 10Da no mu, dɔm EWURADZE na ɔse, hom mu nyimpa biara bɛfrɛfrɛ ne nyɛnko aba wenyindua na adɔmbadua ase.

Currently Selected:

Zekaria 3: MFANBRP

Highlight

Copy