Nahum 2
2
Ninive N’asehwe
1Ɔwo Ninive, gyina yie, kora w’akoradze do,
sera kwan no do,
mia w’asen mu,
hyɛ w’ahoɔdzen mu dzen papaara
osiandɛ nyia obubu mu pɔsɔpɔsɔ no rofow aba wo do.
2Na EWURADZE dze Jakob ne kɛseyɛ reba bio,
dɛ Israel kɛseyɛ:
ɔno a atopamfo ato no pan,
na wɔasɛɛ ne wenyindua abaw no.
3N’akatakyi kyɛm ho aber,
no dɔm mbarimba efurafura serdaa:
ntseaseanam fram dadzegya
wɔ n’ahosiesie da no mu,
na wɔwosow mpeaa no ma ɔyɛ hu.
4Ne ntseaseanam no
abobɔ adam wɔ abrɔn mu, wɔsesɛ ho wɔ nguabɔ mu;
hɔn hwɛbea tse dɛ ngyatsɛn,
na woguan dɛ enyinam.
5Ɔka mu frɛ n’akofo etsitsir:
wofintsiw hɔn nantsew mu;
wɔyɛ har kɔ ne fasu no ho,
na wosiesie akatabo no.
6Naaso woebuebue esutsen ano mbobokɛse no dada,
na ahemfi no edwuruw.
7Wɔaka no ahyɛ, wɔada n’adagyaw edzi, wɔasoa no kɔ,
na ne mbaawa dze
mborɔnoma ndze si nkrum,
wɔnyan hɔn akoko.
8Na Ninive dze, ɔtse dɛ nsutaae
fi ne tsetseberdo: naaso woguan;
wɔkeka mu dɛ, Hom ngyina, hom ngyina;
naaso obiara annhwɛ n’ekyir.
9Hom mfom sika,
hom mfom dwetɛ:
na n’akoradze
na n’adanmudze fɛɛfɛw no dɔɔ so papaapa.
10Ao Ninive! Hwɛ mbrɛ esi atɔ, ayɛ hahoo, na ayɛ amamfo a:
w’akoma anan, w’anankoroma sesɛ ho,
na w’asen nyina mu guan wo,
na w’enyim na atow fitaa yi.
11Wo ngyata bɔn no wɔ henfa,
na ngyatafɔr no hɔn edzidzibea no,
mbrɛ nkyɛ ogyatanyin na ogyataber,
na ogyataba nantsew, na obi nnyi hɔn hu no?
12Ogyata tsetseew dza ɔso ne mba mu esinesin,
na okunsakunsae maa n’aber no, na ɔdze afonam hyɛɛ n’etu ma,
na ɔdze ntsetsewee
hyɛɛ n’abɔn ma.
13Hwɛ, menye wo enya, dɔm EWURADZE na ɔse, na mebɛhyew wo ntseaseanam wɔ wusiw mu, na afona bedzi wo ngyatafɔr: na mubotwitwa w’afonam efi asaase do, na wɔrenntse w’abɔfoe ndze bio.
Currently Selected:
Nahum 2: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
