Mika 7
7
Bɔn Adɔɔ So
1Adze ayɛ me!
Mayɛ dɛ ɔpɛber eduaba a wɔatsew,
dɛ wenyinaba a woedzi no mpɛpɛw:
siaw a wodzi biara nnyi hɔ;
mo kɔn adɔ adɔmba abakan beree.
2Onyamesuronyi ayew asaase do,
na obiara nntsen wɔ adasamba mu:
hɔn nyina tsetsɛw bɔgya;
hɔn mu nyimpa biara sua no nua efir.
3Hɔn nsa ebien nyina gu emumuyɛdze do dɛ wɔreyɛ no mbɔdzen do;
safohen bisa mboaba, na tsɛmbuafo ayɛ krado regye mboaba;
na nyimpa kɛse no, ɔka ne kra no mbusupɛ:
mbrɛ wɔbɔ mu wen nye yi.
4Hɔn mu dza oye kyɛn biara tse dɛ ohwirom:
tɔɔtsenyɛnyi biara a ɔkyɛn no, omuo sen nsoɛban:
w’aweɔmfo da no, wo sera da no, aba;
afei na hɔn basabasayɛ bɛba.
5Mma mmfa wo werɛ nntwer obiara,
mma mmfa wo werɛ nnhyɛ ɔnyɛnko berɛbo mu:
weɔn w’ano wɔ ɔbaa
a ɔda wo bo mu no mpo ho.
6 #
Mat 10.35-36; Luk 12.53 Na ɔbabanyin sesar n’egya,
ɔbabaa soɛr tsia ne na
na asew soɛr tsia n’asew;
na nyimpa n’atamfo nye nankasa ne fienyimpa.
EWURADZE Dze Nkwagye Bɛba
7Na emi dze, EWURADZE na mobɔhwɛ no kwan;
mobɔtweɔn mo nkwagye Nyankopɔn:
minyim dɛ me Nyankopɔn betsie me.
8Ao me tamfo, mma nndzi me eduwa:
sɛ mohwe ase a, mobɔsoɛr;
na sɛ metse sum mu a,
EWURADZE bɛyɛ kan ama me.
9Mobɔsoa EWURADZE n’ebufuhyew no,
osiandɛ mayɛ bɔn etsia no;
ekodu dɛ obedzi m’asɛm ama me,
na oebua me atsɛn:
ɔdze me bɛba kan mu,
na mahwɛ ne tsenenee no.
10Nna me tamfo bohu,
na enyito akata no do; ɔno a ɔsee me dɛ,
EWURADZE wo Nyankopɔn no wɔ henfa no?
M’enyiwa bohu no;
afei na wobetsiatsia no do
dɛ abrɔn mu dɛtse.
11Da a wɔdze tow w’afasu no reba!
Da no mu na w’ahe no bɔkɔ ekyirekyir.
12Da no mu na wobefi
Asiria na Egypt nkurow mu ebodu wo nkyɛn,
na woefi Egypt araa ekodu Esutsen no ho,
na wofi po ho akɔ po ho,
na wofi bepɔw ho akɔ bepɔw ho.
13Naaso asaase no bɛyɛ amamfo
osian no mu atsefo no ntsi,
wɔ hɔn nyɛe no nsowee ntsi.
14Fa wo poma nyɛn wo man,
w’egyapadze mbowakuw
a wɔabɔ apetse wɔ Karmel etsifi no:
ma wondzidzi wɔ Basan na Gilead dɛ tsetse nda no mu.
15Mebɛma oehu anwanwadze
dɛ nda a ifii Egypt bae no.
16Amanaman bohu na hɔn enyi ato hɔn mbanyindze nyina ho:
wɔdze hɔn nsa botuatua hɔn ano,
hɔn aso besisiw.
17Wɔbɛtafer huntuma dɛ abowatsena;
dɛ asaase mbowa a wɔtsen famu,
na wɔdze ahohim befi hɔn dabew aba:
wɔdze suro bɛba EWURADZE hɛn Nyankopɔn nkyɛn,
na wɔabɔ hu wɔ wo ntsi.
18Woana na ɔtse dɛ ɔwo, Nyankopɔn a edze emumuyɛ kyɛ,
na epa w’egyapadze
nkaa no hɔn mbrato ho?
Innsie w’ebufuw daa,
osiandɛ mbɔbɔrhu na epɛ.
19Ebɛsan ebenya hɛn ho ayamuhyehye;
edze w’ananadze betsiatsia hɛn emumuyɛ do:
na ɔwo ebɔtow hɛn bɔn nyina
egu po bun mu.
20Ɔwo edze nokwar no bɛma Jakob,
na edze mbɔbɔrhu ama Abraham,
dɛ mbrɛ ekaa ntam kyerɛɛ hɛn egyanom
wɔ tsetse nda mu no.
Currently Selected:
Mika 7: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
