ԱՌ ԵՓԵՍԱՑԻՍ ԹՈՒՂԹ Գլուխ Ա
Գլուխ Ա
ԸԿ.
1Պաւղոս, առաքեալ Յիսուսի Քրիստոսի կամօքն Աստուծոյ, սրբոց որ են #1։1 Յոմանս պակասէյԵփեսոս, եւ հաւատացելոց #1։1 Յոյնն. ի Քրիստոս Յիսուսի Քրիստոս. 2շնորհք ընդ ձեզ եւ խաղաղութիւն յԱստուծոյ Հօրէ մերմէ եւ ի Տեառնէ Յիսուսէ Քրիստոսէ։
3Օրհնեալ է Աստուած եւ Հայր Տեառն մերոյ Յիսուսի Քրիստոսի, որ օրհնեաց զմեզ ամենայն հոգեւոր օրհնութեամբ յերկնաւորս ի Քրիստոս. 4որպէս ընտրեաց զմեզ նովաւ յառաջ քան զլինելն աշխարհի, լինել մեզ սուրբս եւ անարատս առաջի նորա սիրով։ 5Յառաջագոյն սահմանեաց զմեզ յորդեգրութիւն ի ձեռն Յիսուսի Քրիստոսի ի նոյն՝ ըստ հաճութեան կամաց իւրոց, 6ի գովեստ փառաց շնորհաց իւրոց, որով զուարճացոյց զմեզ Սիրելեաւն. 7որով ունիմք զփրկութիւն ի ձեռն արեան նորա, զթողութիւն մեղաց ըստ մեծութեան շնորհաց իւրոց. 8որ առաւելաւ ի մեզ ամենայն իմաստութեամբ եւ գիտութեամբ։ 9Եցոյց մեզ զխորհուրդս կամաց իւրոց ըստ հաճութեան իւրում, զոր յառաջագոյն եդ #1։9 Ոմանք. յինքեաննովաւ, 10ի տնտեսութիւն լրման ժամանակաց, բովանդակել զամենայն Քրիստոսիւ, որ ինչ յերկինս եւ որ ինչ յերկրի ի նոյն, 11որով եւ վիճակեցաք յառաջագոյն հրաւիրեալք՝ ըստ յառաջադրութեանն #1։11 Բազումք. նորաԱստուծոյ, որ զամենայն յաջողէ ըստ խորհրդոց կամաց իւրոց. 12լինել մեզ ի գովեստ փառաց նորա՝ յառաջագոյն յուսացելոցս ի Քրիստոս. 13որով եւ դուք իբրեւ լուարուք զբանն ճշմարտութեան, զաւետարանն փրկութեան ձերոյ, որով եւ հաւատացեալ կնքեցայք Հոգւոյն Սրբոյ աւետեաց. 14որ է առհաւատչեայ ժառանգութեան մերոյ, ի փրկութիւն #1։14 Յոյնն. սեպհականութեան, կամ՝ ստացուածոյնուաճութեան, ի գովեստ փառաց նորա։
ԸԴ.
15Վասն այնորիկ եւ ես իբրեւ լուայ զհաւատսն ձեր որ ի Տէր Յիսուս, եւ զսէրն որ ընդ ամենայն սուրբս, 16ոչ դադարեմ ի գոհանալոյ վասն ձեր՝ յիշել զձեզ յաղօթս. 17զի Աստուած Տեառն մերոյ Յիսուսի Քրիստոսի, Հայրն փառաց, տացէ ձեզ զհոգին իմաստութեան եւ յայտնութեան գիտութեամբն իւրով. 18լուսաւոր առնել զաչս #1։18 Բազումք. սրտից ձերոցսրտից՝ առ ի գիտելոյ #1։18 Յոյնն. ձեզմեզ զի՛նչ է յոյս կոչման նորա, եւ զի՛նչ է մեծութիւն փառաց ժառանգութեան նորա ի սուրբս, 19եւ զի՛նչ է առաւելութիւն մեծութեան զօրութեան նորա ի մեզ հաւատացեալս՝ ըստ յաջողութեան կարողութեան զօրութեանն իւրոյ, 20զոր յաջողեաց ի Քրիստոս, զի յարոյց զնա ի մեռելոց, եւ նստոյց ընդ աջմէ իւրմէ յերկնաւորս 21ի վերայ ամենայն իշխանութեան եւ պետութեան եւ զօրութեան եւ տէրութեան եւ ամենայն անուան անուանելոյ, ոչ միայն յաշխարհիս յայսմիկ, այլ եւ՝ ի հանդերձելումն. 22եւ զամենայն ինչ հնազանդ արար ի ներքոյ ոտից նորա, եւ զնա եդ գլուխ ի վերայ ամենայն իրիք եկեղեցւոյ, 23որ է մարմին նորա, լրումն՝ որ զամենայն յամենայնի լնու։
Currently Selected:
ԱՌ ԵՓԵՍԱՑԻՍ ԹՈՒՂԹ Գլուխ Ա: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
