ԱՌ ԵՓԵՍԱՑԻՍ ԹՈՒՂԹ Գլուխ Բ
Գլուխ Բ
1 Եւ դուք որ մեռեալն էիք ի մեղս ձեր եւ յանցանս, 2յորս երբեմն գնայիք ըստ #2։2 Այսինքն՝ գնացիցյաւիտենի աշխարհիս այսորիկ, ըստ իշխանին իշխանութեան օդոյս, այսոյ՝ որ այժմս ընդմտեալ է յորդիսն ապստամբութեան. 3յորս եւ մեք ամենեքեան շրջէաք երբեմն ի ցանկութիւնս մարմնոյ մերոյ, եւ առնէաք զկամս մարմնոյ եւ զմտաց, եւ էաք #2։3 Յոյնն. ի բնէարդարեւ որդիք բարկութեան իբրեւ այլքն։
ԸԶ.
4Այլ Աստուած որ մեծն է ողորմութեամբ, վասն բազում սիրոյն իւրոյ զոր սիրեացն զմեզ, 5մինչդեռ մեռեալն էաք ի մեղս մեր, կենդանիս արար զմեզ ի Քրիստոս. (#2։5 Յոյնն. շնորհօք ապրեցարուքքանզի շնորհօք ապրեցաք՝՝.) 6ընդ նմին յարոյց, եւ ընդ նմին նստոյց յերկնաւորս ի Քրիստոս Յիսուս։ 7Զի ցուցցէ ի յաւիտեանսն որ գալոցն են՝ զառաւել մեծութիւն շնորհացն իւրոց քաղցրութեամբ ի մեզ ի Քրիստոս Յիսուս։ 8Զի շնորհօք #2։8 Ի բազումս պակասէնորա էք փրկեալք ի ձեռն հաւատոցն. եւ այս ոչ ի ձէնջ, այլ Աստուծոյ պարգեւ է. 9ոչ ի գործոց, զի մի՛ ոք պարծեսցի։ 10Զի նորա արարած եմք՝ հաստատեալք Քրիստոսիւ Յիսուսիւ ի գործս բարութեան, յորս յառաջագոյն պատրաստեաց Աստուած, զի ի նոյնս գնասցուք։
11Վասն որոյ եւ դուք յիշեցէք զի երբեմն հեթանոսք էիք մարմնով, (որ կոչեցեալն են անթլփատութիւն յանուանեալ թլփատութենէ անտի մարմնաւոր ձեռագործին,) 12զի էիք ի ժամանակին յայնմիկ առանց Քրիստոսի, եւ օտարացեալք յառաքինութենէն Իսրայելի, եւ տարագիրք յուխտից աւետեացն, եւ յոյս ինչ ոչ ունէիք եւ անաստուածք էիք յաշխարհի։ 13Իսկ այժմիկ ի ձեռն Յիսուսի Քրիստոսի դուք որ երբեմն հեռաւորքն էիք՝ մերձաւորք եղերուք արեամբն Քրիստոսի։ 14Զի նա է խաղաղութիւն մեր որ արար զերկոսեան մի, եւ զմիջնորմն ցանկոյն քակեաց, զթշնամութիւն ի մարմնի իւրում. 15եւ զօրէնս պատուիրանացն հրամանօքն՝ խափանեաց. զի զերկոսին հաստատեսցէ ինքեամբ ի մի նոր մարդ, եւ արասցէ խաղաղութիւն. 16եւ հաշտեցուսցէ զերկոսին միով մարմնով ընդ Աստուծոյ խաչիւն իւրով. քանզի սպան զթշնամութիւն յանձին իւրում։ 17Եւ եկն աւետարանեաց խաղաղութիւն ձեզ հեռաւորաց, եւ խաղաղութիւն՝ մերձաւորաց. 18զի նովաւ ունիմք զնուաճութիւն երկոքին միով Հոգւով առ Հայր. 19ապա այսուհետեւ ոչ էք օտարք եւ պանդուխտք, այլ քաղաքակիցք սրբոց եւ ընտանիք Աստուծոյ, 20շինեալք ի վերայ հիման առաքելոց եւ մարգարէից, որոյ է գլուխ անկեանն Քրիստոս Յիսուս. 21յորում ամենայն շինուածն յօդեալ եւ պատշաճեալ՝ աճէ ի տաճար սուրբ Տերամբ, 22յորում եւ դուք ընդ նմին շինիք ի բնակութիւն Աստուծոյ Հոգւով։ ՎՋ
Currently Selected:
ԱՌ ԵՓԵՍԱՑԻՍ ԹՈՒՂԹ Գլուխ Բ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
