ԱՌ ԿՈՂՈՍԱՑԻՍ ԹՈՒՂԹ Գլուխ Գ
Գլուխ Գ
1 Եթէ յարերուք ընդ Քրիստոսի, ապա զվերինն խնդրեցէք, ուր Քրիստոսն նստի ընդ աջմէ Աստուծոյ։ 2Զվերինն խորհեցարուք, մի՛ զայս որ յերկրի աստ է։ 3Քանզի մեռարուք, եւ կեանքն ձեր ծածկեալ են ընդ Քրիստոսի յԱստուած։ 4Իսկ յորժամ Քրիստոս յայտնեսցի, կեանքն ձեր, յայնժամ եւ դուք ընդ նմա յայտնեսջիք փառօք։
5Սպանէք այսուհետեւ զանդամս ձեր զերկրաւորս. #3։5 Ի Յունին պակասէի բաց ընկեցէք՝՝ զպոռնկութիւն, զպղծութիւն, զբիծ, զցանկութիւն չարեաց, եւ զագահութիւն՝ որ է կռապաշտութիւն. 6վասն #3։6 Յոյնն. որոցորոյ գայ բարկութիւն Աստուծոյ ի վերայ որդւոցն անհաւանութեան. 7որովք եւ դուք երբեմն գնայիք, մինչ կենդանիքն էիք ի նոսա։ 8Արդ ի բաց թօթափեցէք եւ դուք զայն ամենայն. զբարկութիւն, զսրտմտութիւն, զչարութիւն, զհայհոյութիւն, զխեղկատակութիւն ի բերանոց ձերոց։ 9Մի՛ ստէք միմեանց. մերկացարուք զհին մարդն գործովքն իւրովք. 10եւ զգեցարուք զնորն՝ նորոգեալ ի գիտութիւն ըստ պատկերի Արարչին իւրոյ. 11ուր ոչ է Հրեայ եւ ոչ հեթանոս, թլփատութիւն եւ անթլփատութիւն, խուժ, դուժ, Սկիւթացի, ծառայ, ազատ. այլ ամենայն եւ յամենայնի Քրիստոս։ 12Զգեցարուք այսուհետեւ իբրեւ ընտրեալք Աստուծոյ, սուրբք եւ սիրեցեալք, զգութ, զողորմութիւն, զքաղցրութիւն, զխոնարհութիւն, զհեզութիւն, զերկայնմտութիւն. 13ներել միմեանց, շնորհել իրերաց, եթէ ուրուք զումեքէ տրտունջ ինչ իցէ. որպէս #3։13 Ի Յոյն օրինակաց ոմանք. Տէր, այլք. ՔրիստոսԱստուած Քրիստոսիւ՝՝ շնորհեաց ձեզ, նոյնպէս եւ դուք։ 14Եւ ի վերայ այսր ամենայնի զսէրն՝ որ է զօդ կատարմանն. 15եւ խաղաղութիւնն #3։15 Ոմանք. ԱստուծոյՔրիստոսի հաստատեսցի ի սիրտս ձեր, յոր եւ կոչեցարուքն միով մարմնով. եւ գոհացողք լինիջիք։
ԱԵ.
16 # 3։16 Ի Յունին պակասէ Զի բանն Քրիստոսի բնակեսցէ ի ձեզ առատապէս, ամենայն իմաստութեամբ ուսուցանել եւ խրատել զմիմեանս, սաղմոսիւք եւ օրհնութեամբք եւ երգովք հոգեւորօք՝ #3։16 Ի Յունին պակասէեւ շնորհօք օրհնել ի սիրտս ձեր զԱստուած։ 17Եւ զամենայն զոր եւ առնիցէք բանիւք եւ արդեամբք, զամենայն յանուն Տեառն Յիսուսի արասջիք. գոհացողք լինիջիք զԱստուծոյ եւ զՀօրէ նովաւ։
18Կանայք, հնազանդ լերուք արանց ձերոց, որպէս եւ վայել է ի Տէր։ 19Արք, սիրեցէք զկանայս ձեր, եւ #3։19 Յոյնն. մի՛ դառնասջիք առ նոսամի՛ դառնացուցանէք զնոսա՝՝։ 20Որդիք, հնազանդ լերուք ծնողաց ձերոց յամենայնի, զի այն է հաճոյ առաջի Տեառն։ 21Հարք, մի՛ զայրացուցանէք զորդիս ձեր, զի մի՛ տրտմեսցին։ 22Ծառայք, հնազանդ լերուք տերանց ձերոց յամենայնի, մի՛ առ ականէ ծառայութեամբ իբրեւ մարդահաճոյք, այլ միամտութեամբ սրտի երկնչել ի Տեառնէ. 23զոր ինչ առնիցէք՝ սրտի մտօք գործեսջիք, իբրեւ Տեառն եւ ոչ իբրեւ մարդկան։ 24Գիտասջիք զի ի Տեառնէ առնուցուք զհատուցումն ժառանգութեան #3։24 Ի բազումս պակասէձերոյ. քանզի Տեառն Քրիստոսի ծառայէք։ 25Իսկ ապիրատն ընկալցի ըստ իւրում ապիրատութեանն, զի չիք ակնառութիւն #3։25 Ի բազումս պակասէառաջի Աստուծոյ՝՝։
Currently Selected:
ԱՌ ԿՈՂՈՍԱՑԻՍ ԹՈՒՂԹ Գլուխ Գ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
