Popular Bible Verses from ԱՌ ԿՈՂՈՍԱՑԻՍ ԹՈՒՂԹ Գլուխ Գ

Share

ներել միմեանց, շնորհել իրերաց, եթէ ուրուք զումեքէ տրտունջ ինչ իցէ. որպէս Աստուած Քրիստոսիւ՝՝ շնորհեաց ձեզ, նոյնպէս եւ դուք։

Զվերինն խորհեցարուք, մի՛ զայս որ յերկրի աստ է։

զոր ինչ առնիցէք՝ սրտի մտօք գործեսջիք, իբրեւ Տեառն եւ ոչ իբրեւ մարդկան։

Զգեցարուք այսուհետեւ իբրեւ ընտրեալք Աստուծոյ, սուրբք եւ սիրեցեալք, զգութ, զողորմութիւն, զքաղցրութիւն, զխոնարհութիւն, զհեզութիւն, զերկայնմտութիւն.

Զի բանն Քրիստոսի բնակեսցէ ի ձեզ առատապէս, ամենայն իմաստութեամբ ուսուցանել եւ խրատել զմիմեանս, սաղմոսիւք եւ օրհնութեամբք եւ երգովք հոգեւորօք՝ եւ շնորհօք օրհնել ի սիրտս ձեր զԱստուած։ Եւ զամենայն զոր եւ առնիցէք բանիւք եւ արդեամբք, զամենայն յանուն Տեառն Յիսուսի արասջիք. գոհացողք լինիջիք զԱստուծոյ եւ զՀօրէ նովաւ։

Եւ ի վերայ այսր ամենայնի զսէրն՝ որ է զօդ կատարմանն.

Ե թէ յարերուք ընդ Քրիստոսի, ապա զվերինն խնդրեցէք, ուր Քրիստոսն նստի ընդ աջմէ Աստուծոյ։

եւ խաղաղութիւնն Քրիստոսի հաստատեսցի ի սիրտս ձեր, յոր եւ կոչեցարուքն միով մարմնով. եւ գոհացողք լինիջիք։

Սպանէք այսուհետեւ զանդամս ձեր զերկրաւորս. ի բաց ընկեցէք՝՝ զպոռնկութիւն, զպղծութիւն, զբիծ, զցանկութիւն չարեաց, եւ զագահութիւն՝ որ է կռապաշտութիւն.

Քանզի մեռարուք, եւ կեանքն ձեր ծածկեալ են ընդ Քրիստոսի յԱստուած։

Արդ ի բաց թօթափեցէք եւ դուք զայն ամենայն. զբարկութիւն, զսրտմտութիւն, զչարութիւն, զհայհոյութիւն, զխեղկատակութիւն ի բերանոց ձերոց։

Մի՛ ստէք միմեանց. մերկացարուք զհին մարդն գործովքն իւրովք. եւ զգեցարուք զնորն՝ նորոգեալ ի գիտութիւն ըստ պատկերի Արարչին իւրոյ.

Արք, սիրեցէք զկանայս ձեր, եւ մի՛ դառնացուցանէք զնոսա՝՝։

Որդիք, հնազանդ լերուք ծնողաց ձերոց յամենայնի, զի այն է հաճոյ առաջի Տեառն։

Կանայք, հնազանդ լերուք արանց ձերոց, որպէս եւ վայել է ի Տէր։