HAKARIA 5

Na harii mata rukuna na kuluru karàta na ma-hawurungu

1Kuhili kanandarui, nu ka ita-nggunyaka na hau mbuku pa-kulurungu ba na-hawurungu hu dita. 2Na-paàrangu na papalewa jàka nggàra-ya na paita-nggu. “Hau mbuku pa-kulurungu na-mahawurungu hu dita. Hiwa metiru-na madita-na tàka na mbalaru-na, patu para dua metiru-na,” wanggu ba kuhema-ya.

3Hàla hi napanii-ngga, “La huratu pa-kulurungu nuna pa-tulihu-ya na ràtungu ndumana yiana na tana nggubulu-na. La hapapa hangga huratu, pa-tulihu-ya nimbihu-na na ma-manganga, pa-paluhu-ya welingu la paraingu yiana. Tàka la hili hangga hapapa-nai pa-tulihu-ya ba pa-paluhu-mbuya, nimbihu-na na tau mahara kambàliku. 4Napanii i MIRI Hupu Mambiha ba puha-nanya napa nuna na ràtungu la uma nimbihu tau ma-manganga dàngu la uma nimbihu tau mahara kambàliku. Da uma nuda napa nanggàna mànuha ràtungu hi lupa tanyungguru watuha,” wàna.

Na harii mata rukuna na kawini la katanga

5Hili wudaku wànai nuna na papalewa hi napanii, “Tàngaru! hili ningui manàmu-nya!” wàna.

6“Nggàraya nu?” wànggu ba ku-paàrangu.

Nahema, “Katanga-ya ba hauna. Nuna jia-yaka na ninu maüna na njala#Da pa-haleli ndai da manda pirada: njala; Imbarani: mata. nggubulu-na yiana na na tana nggubulu-na,” wàna.

7Nuna na katanga ningu ndàbi tambura-na. Ba talànga kanandaru-nggunya tabunggahu-nanyaka na ndàbina hi itaya daa la katanga na haàtu kawini ma-mandapu.

8Napanii na papalewa, “Nina na kawini ninu maüna na akatu-ya,” wàna. Hàla hi na-roduku belinya na kawini hu daa la katanga hi na-panggàbi-nya na katanga. 9Ba ku-tàngaru-ka hu dita kuita-ha da tau kawini da madua ma-hawuru tubangga nyungga. Ningu ruu kàpa kapingatu-da hama tuna ruu kàpa langgokaru. Dapiti-ya nuna na katanga hi da-hawuru ngàndiya.

10Ku-paàra-nya na papalewa, “Nggi ngàndi nidanya na katanga?” wànggunya.

11Nahema, “La Mbambilu, napa lai nu da-pahada-nya na uma marapu ndumana. Jàka hàla-yaka na uma marapu, pa-bànjalu lai nuyaka na katanga ka marubuku-nya,” wàna.

Currently Selected:

HAKARIA 5: KAM

Highlight

Compare

Copy