PANGERANGU 5
5
Lii kamahingu rukuna na njuraku
1Patingi-nggawa, ha ananggu! Katana-yawa na lii panaungu manggàna-nggu dàngu na kanandingu ma-jàngapu na pa-papeka-nggunggau, 2ka peku pimunya nggiki hamana bau luri panggolu dàngu bau pa-kareuku tau pingungu. 3Na kawini ànga,#Na kawini ànga; jàka ndia: na papaha tau hawiangu. na kareuku-na hama làngga manggaluangu-ya, tàka da papanii-na da-pawànda eti, 4na nyuna jàka na-làpahu-ka mbuu ndàbana, na ma-ndàdiku jiaya na puri paita dàngu na mayila-maaka. 5Nyuna na-ruruhu-kau papuru la pangia tau meti; na ànda ngia palina ma-hanggangu la parai tau metiya. 6Nda na-padaingu-a la ànda na ma-hanggangu la luri; nda napàda-anya ba mbàda hiliru-naka welingu la ànda nuna.
7Jia ba tuna, oi anakeda, patingi-nyawa na papanii-nggu, dàngu àmbu jia talarahu-munya. 8Wiliru-nyawa na kawini tungu nu! Àmbu hangiri-mbuya na umana. 9Jàkau panggolu dànya nuna na kawini, napa na-mbulangu na patembi wàngukau dàngu na lurimu ba bidi tau-kaupa naramba-nya tau manda pingu pa-panamu la anguna. 10Da pawulu-mu nangaa pambuta-ha tau hawiangu, dàngu da wunda njilimu namangu-nja tau panda tandamu. 11Tunaka nu hiu hali uramu jàka nalàlu-ka na ihimu ba nangaa pambuta-ya wai mahidu. 12Tàka hiu panii, “Ai, ka nggikina hi kuhuda-nya na lii panaungu? Ka nggikina hi nda kubihu jàka hàngga nàrungga? 13Nda ku-mbuhangu parongu-ha da nggurunggu dàngu nda kubihu patundu-nja nyuda. 14Nda pambuti-nya hi jia nda ningu bia wilinggu#Nda pambuti-nya ... wilinggu; jàka ndia: natika paruha-ka-amangu na tamunggu. la matana i madangu,” wàmu.
15Jia ba tuna tuturu-wa la papaha wikimu dàngu kau paora-nya na mbuhangu-mu la nyunama-a. 16Nda ningua linguna lai nyumu bau pangangu eti pakati puhu dàngu tau nda papaha-mu. 17Na pangangu eti pakati puhu tungu nu mbulungu ndumamu nyumu dàngu na papaha-amu, nda dàngu tau hawiangu-a. 18Jia ba tuna màtawa kau pa-ohangu dàngu papaha wikimu; pangangu eti pakati puhuwa dàngu bidi kawini na pambàda pahamu – 19nu na bidi kawini manandangu na ma-pahalimu bai hawurungu. Màtawa na manandangu-na ka na-pawiti-nya na-mangànjilu-munya dàngu nambuha weli eti-nanggau ka jiaya na-mataru-munya. 20Nggàra linguna bau mbuhanya na kawini hawiangu, ha ananggu? Nggàra nduma-naka bau panggolu-danya na kawini ànga? 21I MIRI naita hàlaya napawu - wunda-naka na tau pinu tana. La nggini biaya nalaku ningu na tau pinu tana hamata-mananya paraïna i MIRI. 22Na njala tau akatu beri hamana na kambia na ma-hanggàpitu-ya nyuna wiki. 23Nyuna nameti-ma ba nda na-kataku lii panaungu. Na nduba nda halindingu-na jiaya na mangàndi-ya la làjaru.
Currently Selected:
PANGERANGU 5: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)