PADUDURUNGU 1
1
Na mayila-na na Yeruhali
1Kanjupu malinggitu-ya la Yeruhali la rehi nàhu,
na paraingu ma-kanjupu mbabu làti àmangu.
Àmangu na-mangunju la honga banjaru dangu,
nàhu beri kawini meti leiyaka.
Àmangu paraingu parihi marakungu-ya,
nàhu pa-atangu-yaka.
2Lundu njàpu rudungu ba nahii padudurungu,
da wai matana da-njànjaru la papuna.
Nda haàtu-ma welingu la pambuha-naka
ma-mbuhangu pa-pamanda-nya.
Na-kaleka-nya anguna
da mambàda pa-mbelingu panjadi muhu.
3Na ma-mandapu-nya la Yahunda da-dunjaku-nya na tanada,
rukuna ba atanja dàngu kanjupu mayila-ha.
Nàhu ngiangu-danyaka la honga banjaru dangu
tàka nda ningua pa-ngiangu ngia pa-mandangu dàngu mambiru-da.
Na-nggupulu-ha muhu
la rehi mayila-da.
4La lodu bokulu
nda ningua mamai la Uma Ala.
Da ana karia matanggu ludu da-mayila,
dàngu da ratu dahali ura.
Nda ningua tauda da pindu bokulu,
na paraingu Hiungu na-panggàbalu-nya hawina.
5Da muhuna da-bunjuku
ba mbàda pangia wawa-duhaka.
I MIRI ma-pamayila-ya,
ba dira dangu njalaya.
Da ma-mandapu-nya pa-tanawangu-haka,
hi dundilu-ha la ngia pa-tanawangu.
6Na bunjuku-na na paraingu Yeruhali
lii ndai la rehi na ma-làpahu-ayaka.
Da liku uruna dalua-yaka pa-lamanga hama tuna ruha ma-kanjupu manjuu.
Nda nggiki-mada hanggangu la muhu mayaulu-ha.
7Ba na-tanyungguru dàngu ba na-mayila-ka,
na Yeruhali na-pangàda-nya na rehi na ma-làpahu,
ba dadangu-ipa da banda da malanja-na;
jàka nggiki hamana ba na-tamaï la lima muhu na ma-mandapu-nya,
dàngu ba nda haàtu-mbu mamai pandula-ya.
Da muhu-naka riki pàku-adanya ba daita-ya tanyungguru-na.
8Na Yeruhali na pa-iraku wikina
ba nawunda njala ma-iraku.
Mbuu ndàbana na mawotu-nya làti àmangu,
nàhu da-pawawa-yaka ba itaya kalulu-na.
Nahali urana,
ba mbàda makia-naka.
9Na iraku-na paita lohangu-ya
tàka nda na-kawela-anya jàka nggàraya napa na manjadi la wikina.
Kanjupu halawàla-ya na tanyungguru-na,
tàka nda haàtu-mbu maomba-ya.
Na karaiya na mila etina i MIRI,
ba mbàda talu-daka da muhuna.
10Mbuu ndàba da banda da malanja-na nawàhi-haka paraï da muhuna.
Naita-ha ba datama-nya na Uma Ala,
jiapa-kai ka na-pahiringu i MIRI na matuna nu
la tau mànda banjaru-na Nyuna.
11Wàngu halida urada
ba da himbu lurida da ma-mandapu-nya;
danjepa malanja ma-pawilingu wàngu roti,
ka pa-daingu lurida dàngu ka àmbu dameti.
Nawara na Yeruhali, “Ou MIRI, tàngaru-ka,
hamata-ya mbuu ndàba na mayila-nggu,” wàna.
Na Yeruhali nahali urana
12“Ha dimi tau manàhu-nggai la ànda, tàngaru-wa dàngu hamata-ya!#Ha dimi ... hamata-ya! jàka ndia: Ha dimi tau manàhu-nggai la ànda, ka ndai ihili-anya?
Ningu ihu mayila mahama bokulu-nya na papàda-nggu nàhu,
na mayila pa-panggàna-nangga i MIRI,
ruku hànggana na manda najaru?
13Welingu la awangu na-papurungu epi na ma-pamutungu lundu la wini etinggu.
Nabata-ngga hiru la hangganggu hi kiri njorunggu.
Tàka hi namàta-ngga ba didi mehaka
pamayila panua likungu pinjaya na lodu.
14Napiti ndàbaha da njalanggu, hi nahondu bohuru-ha,
tàka hi na-pahàngalu-nya la nggorunggu, hi na-palamanga-ka mbotuda.
I MIRI na-pajàma-ngga la muhu;
nda ku-payatangu-a pa-rawaku-ha nyuda.
15Mbuu ndàba da mini kaborangu-nggu nda nareki-aha paraïna i MIRI.
Na-pamàtungu tanatara ka da-tàlaru mbuu ndàba da bidi mininggu.
Nataro - rohaku-ya na banjaru-nggu hi lundu na-làjaru,
hama tuna tau mapohu wua angguru.
16Nuna-duyaka na ma-pawitingu hi da-njànjaru da wai matanggu,
nda ningua ma-pahalembiru dàngu ma-paomba.
Na banjaru-nggu nda nggàra-apa maningu-nya,
ba narihi-pa pa-kawaha na muhu.
17Ku-jakarungu limanggu pakarai pa-ndulangu,
tàka nda ningua ma-wuangu omba eti.
Welingu la nggi - nggini, na-pangàndingu muhu i MIRI;
damai pabera-ka.
Da-paluangu limada hama tuna kangudu-ka,
hama tuna mawau muhungu-ka la hongada.
18Tàka jiaya i MIRI duna na ma-padeningu,
ba mbàda pangga-nggunyaka na hupu liina.
Tingi-kawa, ha dimi ba - banjaru-ka,
tàngaru-kawa ni la mayila-nggu.
Da bidi mini da bidi kawini-nggu pa-tanawangu-ha,
hi dundilu-ha la ngia pa-wàrungu.
19Kupaau-nja da kandua hàmu etinggu
tàka nyuda da-kaleka-ngga.
Mbutada da ratu dàngu da ngora banjaru
dameti mbuta la a - ànda la paraingu.
Ba talànga himbuda pangangu ka torungu paluri.
20Ou MIRI! Hamata-kawa,
na-mangginggitu dàngu nda nangudu na etinggu,
na-lujuru rukuda da njalanggu àmangu.
La a - ànda ningu pa-pameti,
la kuru uma ningu mameti.
21Ou MIRI! Tingiya na padudurungu-nggu,
nda ningua maomba-ka.
Da muhunggu da hawola,
bau pawiti-nya na hanggàmaru-nggu.
Patàka-nyawa na lodu panjanji-mu;
pawiti-nyawa ka da-mayila hama tuna nyungga.
22Hamata-hawa mbuu ndàba da akatu-da nyuda,
dàngu palua-njawa lima hama tuna bau palua-ngga lima nyungga,
ruku mbuu ndàbada da njala pawunda-nggu lai Nyumu.
Ku-kaihiku la mayila,
na-hawina dàngu nalàlu na etinggu,” wàna.
Currently Selected:
PADUDURUNGU 1: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
PADUDURUNGU 1
1
Na mayila-na na Yeruhali
1Kanjupu malinggitu-ya la Yeruhali la rehi nàhu,
na paraingu ma-kanjupu mbabu làti àmangu.
Àmangu na-mangunju la honga banjaru dangu,
nàhu beri kawini meti leiyaka.
Àmangu paraingu parihi marakungu-ya,
nàhu pa-atangu-yaka.
2Lundu njàpu rudungu ba nahii padudurungu,
da wai matana da-njànjaru la papuna.
Nda haàtu-ma welingu la pambuha-naka
ma-mbuhangu pa-pamanda-nya.
Na-kaleka-nya anguna
da mambàda pa-mbelingu panjadi muhu.
3Na ma-mandapu-nya la Yahunda da-dunjaku-nya na tanada,
rukuna ba atanja dàngu kanjupu mayila-ha.
Nàhu ngiangu-danyaka la honga banjaru dangu
tàka nda ningua pa-ngiangu ngia pa-mandangu dàngu mambiru-da.
Na-nggupulu-ha muhu
la rehi mayila-da.
4La lodu bokulu
nda ningua mamai la Uma Ala.
Da ana karia matanggu ludu da-mayila,
dàngu da ratu dahali ura.
Nda ningua tauda da pindu bokulu,
na paraingu Hiungu na-panggàbalu-nya hawina.
5Da muhuna da-bunjuku
ba mbàda pangia wawa-duhaka.
I MIRI ma-pamayila-ya,
ba dira dangu njalaya.
Da ma-mandapu-nya pa-tanawangu-haka,
hi dundilu-ha la ngia pa-tanawangu.
6Na bunjuku-na na paraingu Yeruhali
lii ndai la rehi na ma-làpahu-ayaka.
Da liku uruna dalua-yaka pa-lamanga hama tuna ruha ma-kanjupu manjuu.
Nda nggiki-mada hanggangu la muhu mayaulu-ha.
7Ba na-tanyungguru dàngu ba na-mayila-ka,
na Yeruhali na-pangàda-nya na rehi na ma-làpahu,
ba dadangu-ipa da banda da malanja-na;
jàka nggiki hamana ba na-tamaï la lima muhu na ma-mandapu-nya,
dàngu ba nda haàtu-mbu mamai pandula-ya.
Da muhu-naka riki pàku-adanya ba daita-ya tanyungguru-na.
8Na Yeruhali na pa-iraku wikina
ba nawunda njala ma-iraku.
Mbuu ndàbana na mawotu-nya làti àmangu,
nàhu da-pawawa-yaka ba itaya kalulu-na.
Nahali urana,
ba mbàda makia-naka.
9Na iraku-na paita lohangu-ya
tàka nda na-kawela-anya jàka nggàraya napa na manjadi la wikina.
Kanjupu halawàla-ya na tanyungguru-na,
tàka nda haàtu-mbu maomba-ya.
Na karaiya na mila etina i MIRI,
ba mbàda talu-daka da muhuna.
10Mbuu ndàba da banda da malanja-na nawàhi-haka paraï da muhuna.
Naita-ha ba datama-nya na Uma Ala,
jiapa-kai ka na-pahiringu i MIRI na matuna nu
la tau mànda banjaru-na Nyuna.
11Wàngu halida urada
ba da himbu lurida da ma-mandapu-nya;
danjepa malanja ma-pawilingu wàngu roti,
ka pa-daingu lurida dàngu ka àmbu dameti.
Nawara na Yeruhali, “Ou MIRI, tàngaru-ka,
hamata-ya mbuu ndàba na mayila-nggu,” wàna.
Na Yeruhali nahali urana
12“Ha dimi tau manàhu-nggai la ànda, tàngaru-wa dàngu hamata-ya!#Ha dimi ... hamata-ya! jàka ndia: Ha dimi tau manàhu-nggai la ànda, ka ndai ihili-anya?
Ningu ihu mayila mahama bokulu-nya na papàda-nggu nàhu,
na mayila pa-panggàna-nangga i MIRI,
ruku hànggana na manda najaru?
13Welingu la awangu na-papurungu epi na ma-pamutungu lundu la wini etinggu.
Nabata-ngga hiru la hangganggu hi kiri njorunggu.
Tàka hi namàta-ngga ba didi mehaka
pamayila panua likungu pinjaya na lodu.
14Napiti ndàbaha da njalanggu, hi nahondu bohuru-ha,
tàka hi na-pahàngalu-nya la nggorunggu, hi na-palamanga-ka mbotuda.
I MIRI na-pajàma-ngga la muhu;
nda ku-payatangu-a pa-rawaku-ha nyuda.
15Mbuu ndàba da mini kaborangu-nggu nda nareki-aha paraïna i MIRI.
Na-pamàtungu tanatara ka da-tàlaru mbuu ndàba da bidi mininggu.
Nataro - rohaku-ya na banjaru-nggu hi lundu na-làjaru,
hama tuna tau mapohu wua angguru.
16Nuna-duyaka na ma-pawitingu hi da-njànjaru da wai matanggu,
nda ningua ma-pahalembiru dàngu ma-paomba.
Na banjaru-nggu nda nggàra-apa maningu-nya,
ba narihi-pa pa-kawaha na muhu.
17Ku-jakarungu limanggu pakarai pa-ndulangu,
tàka nda ningua ma-wuangu omba eti.
Welingu la nggi - nggini, na-pangàndingu muhu i MIRI;
damai pabera-ka.
Da-paluangu limada hama tuna kangudu-ka,
hama tuna mawau muhungu-ka la hongada.
18Tàka jiaya i MIRI duna na ma-padeningu,
ba mbàda pangga-nggunyaka na hupu liina.
Tingi-kawa, ha dimi ba - banjaru-ka,
tàngaru-kawa ni la mayila-nggu.
Da bidi mini da bidi kawini-nggu pa-tanawangu-ha,
hi dundilu-ha la ngia pa-wàrungu.
19Kupaau-nja da kandua hàmu etinggu
tàka nyuda da-kaleka-ngga.
Mbutada da ratu dàngu da ngora banjaru
dameti mbuta la a - ànda la paraingu.
Ba talànga himbuda pangangu ka torungu paluri.
20Ou MIRI! Hamata-kawa,
na-mangginggitu dàngu nda nangudu na etinggu,
na-lujuru rukuda da njalanggu àmangu.
La a - ànda ningu pa-pameti,
la kuru uma ningu mameti.
21Ou MIRI! Tingiya na padudurungu-nggu,
nda ningua maomba-ka.
Da muhunggu da hawola,
bau pawiti-nya na hanggàmaru-nggu.
Patàka-nyawa na lodu panjanji-mu;
pawiti-nyawa ka da-mayila hama tuna nyungga.
22Hamata-hawa mbuu ndàba da akatu-da nyuda,
dàngu palua-njawa lima hama tuna bau palua-ngga lima nyungga,
ruku mbuu ndàbada da njala pawunda-nggu lai Nyumu.
Ku-kaihiku la mayila,
na-hawina dàngu nalàlu na etinggu,” wàna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)