YERIMIA 52
52
Na njoruna na Yeruhali
(2 Hang. 24:18–25:7)
1I Hendikia dua kambulu hau ndau-naka na ndaungu lurina ba nanjadi hanganji Yahunda. Hakambulu hau ndauna ba na-pareta nyuna la Yeruhali. Na tamuna na inana Hamutàlu-ya, anana i Yerimia welingu la paraingu Lipuna. 2Hama tuna i Hanganji Yuyakimu, nyuna i Hendikia nanjala-mbu lai MIRI. 3I MIRI hàngga nda uku-nanya na ma-mandapu-nya na Yeruhali dàngu na tau Yahunda hi lupa nawàngga-ha dàngu nda naopa-anja.
Tunaka nu i Hendikia patula ngganggangu-nanyaka hanggangu lai Nembukatunehàru hanganji Mbambilu, 4tuna nuduka i Nembukatunehàru hi natàka dàngu mbuu ndàbada da kanguhuru pabera-na hi da-nàhaku-ya na Yeruhali la tànggalu hakambulu wulangu hakambulu la ndaungu pahiwa wàna na pareta-na i Hendikia. Nyuda dawulu maüda la hambeli paraingu, da-pahadangu kangeli pa-nggupulu wàngu 5tàka hi da-nggupulu pangala-nya na paraingu nuna lundu ndaungu pa-hakambulu hau wàna na pareta-na i Hendikia. 6La tànggalu hiwa wulangu patu la ndaungu nunama, ba jiaya nambana halawàla-na na rimbangu hi lupa nda ningu ndoku-mapa pangana na rayatu, 7na kangeli paraingu tumbuku-nanyaka muhu. La rudungu nuna, jiapa-kai da tau Mbambilu ba talànga nggupulu-danya na paraingu, mbuu ndàbada da tanatara Yahunda palai-danyaka hanggangu la Lolangu Yorundangu. Nyuda dali ningu la ànda ma-pàlaku la woka ngia pambawa la uma hanganji, hàla hi daluhu li ningu la pindu bokulu na ma-panua-nja da kangeli ba dàmbuda lai nu. 8Tàka da tanatara Mbambilu keha-madanya i Hanganji Hendikia, dàngu hi dayàpa-ya la ma-ndidaru Yeriku. Mbuu ndàba da tau la hanggana dapalai wàru-maanya. 9Tunaka nu hi da-karia-nya i Hanganji Hendikia lai Hanganji Nembukatunehàru la paraingu Ripula la ngaba Hamàtu, ka panggàna-danyaka hukungu meti. 10La paraingu nunambu da anana ba pameti-ha la hangga matana, dàngu mbuu ndàbada da mapawai ngaba la pareta Yahunda pa-pameti-mbuha. 11Hàlaka nu i Hendikia hi rukiha da wua matana, hàla hi tunya nggilibàhi tàka hi ngàndiya la Mbambilu. Lai nu hi patama-nya la uma kapàtangu, dàngu nda ana luhu-mana welingu lai nu lupa la rehi metina.
Ba pamija-ya na Umana i Miri
(2 Hang. 25:8-17)
12La tànggalu hakambulu wulangu lima la ndaungu pa-hakambulu hiwa wàna na pareta-na i Nembukatunehàru hanganji Mbambilu, mai-nanyaka la Yeruhali na haàtu na ma-tamungu Nembuharandàngu. Nyuna jiaya na ma-panaungu dàngu na ngorada da ma-karaha-ya i Nembukatunehàru. 13I Nembuharandàngu natunu-ya na Umana i Miri, na uma hanganji, dàngu da umada mbuu ndàbada da ma-pangora la Yeruhali. 14Hàla da tau pa-karia-na hi da-nyungguru-ha da kangelina na paraingu. 15Tunaka nu na rayatu na mani-kinyapa la paraingu, nu da tau mahupu màhi paràma da marihi, da tau mila dàngu da tau da mambàda palai la ngaba tau Mbambilu, na-palaü-nja la Mbambilu paraïna i Nembuharandàngu. 16Tàka hawiangu na rayatu na mamila halawàla na manda ningu bandangu, namàta-nja la Yahunda, na-paràha-nja pa-paloku-ha da woka angguru dàngu da woka hawiangu.
17Da kambaniru wudu dàngu da kareta la Umana i MIRI dàngu hamanai na mbàlu wudu da-beraya paraï tau Mbambilu, hàla mbuu ndàbada da wuduna da-palaü-nja la tananda. 18Nyuda da-palaü-mbunja da malanja jiada: da pahuru wàngu, na pangia aü la ngia pawotu maraku, da pakakahu palita, da maku pa-pandema wàngu ria banda kameti maraku parupu, da maku patunu wàngu dupa, dàngu mbuu ndàbada da malanja wudu hawiangu da pawàngu ba lumungu. 19Da malanja àmahu marara mabara, papohu ndàbanja da maku kudu dàngu kanai wàla epi, da maku kanai ria banda kameti maraku parupu, kanai aü, da tandai palita, da maku kanai dupa, dàngu da maku angguru paburi wàngu maraku angguru pawotu, mbuu ndàbada nuda i Nembuharandàngu wiki mapiti-ha. 20Da malanja wudu pa-pandoi-na i Hanganji Halomu ndumana na Umana i Miri, nu da kambaniru dua mbungu, da kareta, na mbàlu dàngu da hakambulu dua ngiu hapi da matema-ya na mbàlu nuna, mbuu ndàbada nda uku mbotuha, hi lupa nda patimba-nja. 21-22Nuda da kambaniru wudu ba dua mbunguda hama-maada: nimbihu-da najangga-da 8 metiru, na winggiru-da 5,3 metiru, dàngu na unuda nakòbu. Na timbina na wudu 75 milimetiru. Dita la kapuka-da nimbihu-da da kambaniru ningu katiku-da, da janggada 2,2 metiru. La winggiru-da da katiku kambaniru ninja da pa-unangu pa-panandangu wànja wua ndalima, mbuu ndàbada wudu-mbuha. 23Da wua ndalima la pinu pa-unangu la nimbihu-da da katiku kambaniru hangahu-da, na nyuna hiwa kambulu nomu-ada da pangita weli wangu.
Ba paleli-nja da tau Yahunda la Mbambilu
(2 Hang. 25:18-21, 27-30)
24Hinggilu-da nuda, i Nembuharandàngu nayàpa-ya na Ratu Bokulu Haraya, i Hapanya na wakilu-na, tau madua haàtu da tau madaiya na pindu Umana i MIRI, 25ba tau mapihu-ha da mapanau mehanya na hanganji da maninja-pa la paraingu, na ngora pabera, na wakilu ngora pabera na matanggu paloku-ha da mangu tanatara, dàngu tau nomu kambulu-ya na tau bokulu hawiangu. 26Mbuu ndàbada da tau nuda nakaria-nja lai Hanganji Nembukatunehàru la paraingu Ripula, 27la ngabana la Hamàtu. Lai nu pa-mayila-danjaka, hàla hi pameti-ha.
Tuna nuduka ba palaü-nja da tau Yahunda welingu la tanada, tàka hi ngàndiha la ngia pawàrungu; 28-30mbuu ndàbada tau 4.600-ha. I Nembukatunehàru na-palaü pandutu - pandutu-nja tuna yia: tau 3.023-ha la ndaungu papihu wàna na pareta-na, tau 832-ha welingu la Yeruhali la ndaungu pa-hakambulu walu wàna na paretana, dàngu tau 745-ha na pa-palaü-na i Nembuharandàngu la ndaungu padua kambulu tailu wàna na pareta-na i Nembukatunehàru.
31La tànggalu dua kambulu lima wulangu pa-hakambulu dàmbu wàna, la ndaungu patailu kambulu pihu wàna ba hàla pangàndi-ya i Yuyakingu la ngia pa-wàrungu-ya, i Ewilu-Marondàku-ka na ma-hanganji la Mbambilu. La ndaungu nuna-maka ba na-paitangu mila etina lai Yuyakingu, tàka hi na-pahàla-ya welingu la uma kapàtangu, 32dàngu ba na-paloku dàngu hàmunya. I Yuyakingu nawua-nya ngia pa-mandapu marihi jangga welingu la hanganji - hanganji hawiangu da angu wàrungu-na la Mbambilu. 33-34Pa-pahiangu-ya la pa-pahilu-nja da paki uma kapàtangu-na dàngu na-pangalangu-na nimbihu lodu la ngala lurina pekuna pangangu la uma hanganji, dàngu nimbihu lodu nawua-nya ndui tuda paluri wàna.
Currently Selected:
YERIMIA 52: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YERIMIA 52
52
Na njoruna na Yeruhali
(2 Hang. 24:18–25:7)
1I Hendikia dua kambulu hau ndau-naka na ndaungu lurina ba nanjadi hanganji Yahunda. Hakambulu hau ndauna ba na-pareta nyuna la Yeruhali. Na tamuna na inana Hamutàlu-ya, anana i Yerimia welingu la paraingu Lipuna. 2Hama tuna i Hanganji Yuyakimu, nyuna i Hendikia nanjala-mbu lai MIRI. 3I MIRI hàngga nda uku-nanya na ma-mandapu-nya na Yeruhali dàngu na tau Yahunda hi lupa nawàngga-ha dàngu nda naopa-anja.
Tunaka nu i Hendikia patula ngganggangu-nanyaka hanggangu lai Nembukatunehàru hanganji Mbambilu, 4tuna nuduka i Nembukatunehàru hi natàka dàngu mbuu ndàbada da kanguhuru pabera-na hi da-nàhaku-ya na Yeruhali la tànggalu hakambulu wulangu hakambulu la ndaungu pahiwa wàna na pareta-na i Hendikia. Nyuda dawulu maüda la hambeli paraingu, da-pahadangu kangeli pa-nggupulu wàngu 5tàka hi da-nggupulu pangala-nya na paraingu nuna lundu ndaungu pa-hakambulu hau wàna na pareta-na i Hendikia. 6La tànggalu hiwa wulangu patu la ndaungu nunama, ba jiaya nambana halawàla-na na rimbangu hi lupa nda ningu ndoku-mapa pangana na rayatu, 7na kangeli paraingu tumbuku-nanyaka muhu. La rudungu nuna, jiapa-kai da tau Mbambilu ba talànga nggupulu-danya na paraingu, mbuu ndàbada da tanatara Yahunda palai-danyaka hanggangu la Lolangu Yorundangu. Nyuda dali ningu la ànda ma-pàlaku la woka ngia pambawa la uma hanganji, hàla hi daluhu li ningu la pindu bokulu na ma-panua-nja da kangeli ba dàmbuda lai nu. 8Tàka da tanatara Mbambilu keha-madanya i Hanganji Hendikia, dàngu hi dayàpa-ya la ma-ndidaru Yeriku. Mbuu ndàba da tau la hanggana dapalai wàru-maanya. 9Tunaka nu hi da-karia-nya i Hanganji Hendikia lai Hanganji Nembukatunehàru la paraingu Ripula la ngaba Hamàtu, ka panggàna-danyaka hukungu meti. 10La paraingu nunambu da anana ba pameti-ha la hangga matana, dàngu mbuu ndàbada da mapawai ngaba la pareta Yahunda pa-pameti-mbuha. 11Hàlaka nu i Hendikia hi rukiha da wua matana, hàla hi tunya nggilibàhi tàka hi ngàndiya la Mbambilu. Lai nu hi patama-nya la uma kapàtangu, dàngu nda ana luhu-mana welingu lai nu lupa la rehi metina.
Ba pamija-ya na Umana i Miri
(2 Hang. 25:8-17)
12La tànggalu hakambulu wulangu lima la ndaungu pa-hakambulu hiwa wàna na pareta-na i Nembukatunehàru hanganji Mbambilu, mai-nanyaka la Yeruhali na haàtu na ma-tamungu Nembuharandàngu. Nyuna jiaya na ma-panaungu dàngu na ngorada da ma-karaha-ya i Nembukatunehàru. 13I Nembuharandàngu natunu-ya na Umana i Miri, na uma hanganji, dàngu da umada mbuu ndàbada da ma-pangora la Yeruhali. 14Hàla da tau pa-karia-na hi da-nyungguru-ha da kangelina na paraingu. 15Tunaka nu na rayatu na mani-kinyapa la paraingu, nu da tau mahupu màhi paràma da marihi, da tau mila dàngu da tau da mambàda palai la ngaba tau Mbambilu, na-palaü-nja la Mbambilu paraïna i Nembuharandàngu. 16Tàka hawiangu na rayatu na mamila halawàla na manda ningu bandangu, namàta-nja la Yahunda, na-paràha-nja pa-paloku-ha da woka angguru dàngu da woka hawiangu.
17Da kambaniru wudu dàngu da kareta la Umana i MIRI dàngu hamanai na mbàlu wudu da-beraya paraï tau Mbambilu, hàla mbuu ndàbada da wuduna da-palaü-nja la tananda. 18Nyuda da-palaü-mbunja da malanja jiada: da pahuru wàngu, na pangia aü la ngia pawotu maraku, da pakakahu palita, da maku pa-pandema wàngu ria banda kameti maraku parupu, da maku patunu wàngu dupa, dàngu mbuu ndàbada da malanja wudu hawiangu da pawàngu ba lumungu. 19Da malanja àmahu marara mabara, papohu ndàbanja da maku kudu dàngu kanai wàla epi, da maku kanai ria banda kameti maraku parupu, kanai aü, da tandai palita, da maku kanai dupa, dàngu da maku angguru paburi wàngu maraku angguru pawotu, mbuu ndàbada nuda i Nembuharandàngu wiki mapiti-ha. 20Da malanja wudu pa-pandoi-na i Hanganji Halomu ndumana na Umana i Miri, nu da kambaniru dua mbungu, da kareta, na mbàlu dàngu da hakambulu dua ngiu hapi da matema-ya na mbàlu nuna, mbuu ndàbada nda uku mbotuha, hi lupa nda patimba-nja. 21-22Nuda da kambaniru wudu ba dua mbunguda hama-maada: nimbihu-da najangga-da 8 metiru, na winggiru-da 5,3 metiru, dàngu na unuda nakòbu. Na timbina na wudu 75 milimetiru. Dita la kapuka-da nimbihu-da da kambaniru ningu katiku-da, da janggada 2,2 metiru. La winggiru-da da katiku kambaniru ninja da pa-unangu pa-panandangu wànja wua ndalima, mbuu ndàbada wudu-mbuha. 23Da wua ndalima la pinu pa-unangu la nimbihu-da da katiku kambaniru hangahu-da, na nyuna hiwa kambulu nomu-ada da pangita weli wangu.
Ba paleli-nja da tau Yahunda la Mbambilu
(2 Hang. 25:18-21, 27-30)
24Hinggilu-da nuda, i Nembuharandàngu nayàpa-ya na Ratu Bokulu Haraya, i Hapanya na wakilu-na, tau madua haàtu da tau madaiya na pindu Umana i MIRI, 25ba tau mapihu-ha da mapanau mehanya na hanganji da maninja-pa la paraingu, na ngora pabera, na wakilu ngora pabera na matanggu paloku-ha da mangu tanatara, dàngu tau nomu kambulu-ya na tau bokulu hawiangu. 26Mbuu ndàbada da tau nuda nakaria-nja lai Hanganji Nembukatunehàru la paraingu Ripula, 27la ngabana la Hamàtu. Lai nu pa-mayila-danjaka, hàla hi pameti-ha.
Tuna nuduka ba palaü-nja da tau Yahunda welingu la tanada, tàka hi ngàndiha la ngia pawàrungu; 28-30mbuu ndàbada tau 4.600-ha. I Nembukatunehàru na-palaü pandutu - pandutu-nja tuna yia: tau 3.023-ha la ndaungu papihu wàna na pareta-na, tau 832-ha welingu la Yeruhali la ndaungu pa-hakambulu walu wàna na paretana, dàngu tau 745-ha na pa-palaü-na i Nembuharandàngu la ndaungu padua kambulu tailu wàna na pareta-na i Nembukatunehàru.
31La tànggalu dua kambulu lima wulangu pa-hakambulu dàmbu wàna, la ndaungu patailu kambulu pihu wàna ba hàla pangàndi-ya i Yuyakingu la ngia pa-wàrungu-ya, i Ewilu-Marondàku-ka na ma-hanganji la Mbambilu. La ndaungu nuna-maka ba na-paitangu mila etina lai Yuyakingu, tàka hi na-pahàla-ya welingu la uma kapàtangu, 32dàngu ba na-paloku dàngu hàmunya. I Yuyakingu nawua-nya ngia pa-mandapu marihi jangga welingu la hanganji - hanganji hawiangu da angu wàrungu-na la Mbambilu. 33-34Pa-pahiangu-ya la pa-pahilu-nja da paki uma kapàtangu-na dàngu na-pangalangu-na nimbihu lodu la ngala lurina pekuna pangangu la uma hanganji, dàngu nimbihu lodu nawua-nya ndui tuda paluri wàna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)