PADUDURUNGU 2
2
I MIRI nahuku-nya na Yeruhali
1I MIRI na-paluangu limana la mbenina,
na Hiungu na-panggàbalu-nya kapàtangu.
Na bokulu-na na Ihirailu ba hama jangga awangu-ya,
mbàda kapàha-nanyaka la tana.
Ba nambeni i MIRI,
na Umana la Hiungu nda na-ihili-mbunya.
2Nimbihu-da da maràda pa-rumbangu la tana Yahunda,
na-pamija-ha dàngu nda pa-aïngu-na.
Da ngia pa-torungu ma-pahangindi-nya na tana nuna
na-tumburu-ha lupa da tanyungguru.
Nuna na pa-maràmba dàngu da liku uruna
na panjoru-ha hi dangia-wawa.
3La mbenina na ma-hanjulangu,
napata-ya na kapingatu-na na Ihirailu.
Ba na-kaluluku-nda muhu,
nda nabihu-a pa-pandulangu.
Hama tuna epi ma-panyara ma-patàlaru-ya mbutana,
tuna numbu ba nambeni ndàbanda nyuta i MIRI.
4Hama tuna na muhu, na-pandàngi-ya na tandai panana
hi na-pahangga-nya na wua panana lai nyuta.
Mbuu ndàba na tau na ma-pahàmu etita,
na pameti pambuta-ya.
Na hamborutu-nya na mbenina hama tuna epi
la kuru paraingu Yeruhali yiana.
5I MIRI hama tuna muhu-yaka;
na-nàhaku-ya na Ihirailu lundu na-tanyungguru.
Na-pamija-ha da ngia pa-torungu dàngu uma maràmba-na,
hi na-patàka-nya handuka dira matiki la ma-mandapu-nya na Yahunda.
6Na-pamija-ya na Umana
na ngia pa-pauhi-na na banjaru-na la palumu-nya Nyuna.
Na-pawiti-nya hi na-maromba-nja tau
da lodu Hangahu dàngu da lodu bokulu.
Rukuna ba dira mbeniya i MIRI,
mbàda jukaru-nanjaka da ratu dàngu da maràmba.
7I MIRI na-tebuku-ya na ngia pawotu maraku matua-na,
hi na-dunjaku-nya na Uma wikina;
namàta-nya na muhu pa-nyungguru-ha da kangeli-na.
La ngia pa-lumungu dàngu la ngia pambabu-nda àmangu,
na-paoingu na muhu ruku bunjuku-na.
8Mbàda bota-nanyaka i MIRI
ba lupangu nyungguru-ha da kangeli la Hiungu.
Mbàda hukutu-nahaka nuda da kangeli,
kapeku pamija-ha mbutada.
Da kangeli dàngu da lewatu,
nàhu mbàda pabundu watu-haka mbuu ndàbada.
9Da pindu bokulu-na na-hungguru-nja tana,
da kapala patuna dambata ndàba;
na maràmba dàngu da ama bokulu la pareta la ngia pa-wàrungu-haka.
Nda pa-papeka-ànjapa da Ukuna i MIRI;
nda da-ngalangu-apa pa-bowangu da wunangu welingu lai MIRI.
10Da ama bokulu paraingu jiapa ba pàdi wàda ba da-uhuku la tana;
datunja kumburu tana da katiku-da,
dàngu da kalambungu karungu tanda handuka.
Da ana karia-mbu da karuduku tàka la tana da katiku-da.
11Dambua da matanggu paraï pahii pa-nutakungu,
kanjupu mangonangu-ya na ndewanggu.
Na-làjaru na etinggu ba kuita-ya hadànjalu-na na banjaru;
dàngu ba dameti widi da ana rara la a - ànda la paraingu.
12Dawàngu paonja pahii ba dakarai pangangu pa-ngunungu la inada.
Hama tuna tau ma-manua-ha ba danjoru la a - ànda
hi dameti la baba inada.
13Dou Yeruhali, Parai Hiungu pa-mbuhangu,
da kanànda-mu hama bokulu tehiku lerangu-ya.
Nggikina wànggu-aka
ka ku-wuangu omba eti?
Nàdu, ndedi ninguma ma-mayila hama tuna nyumu.
Langatàka nda ningua ma-ngalangu pa-pahàmu beliya na ngeramu.
14Da pa-patàka-danggau da wunangu,
ma-kambàliku dàngu ma-kakòlulu-ma-aha.
Ndedima da-pahakubu-ha da njalamu,
hi lupa rukuna nuna ndau panjilungu-a.
Tàka kareuku ma-kambàliku ma-payila etima-aya
na pa-patàka-danggau.
15Mbuu ndàbana na tau na manàhu-nya, da-kamibi-nggau,
ba mbàda mija-muka nggubulu-mu.
Dapi - pimbilungu katiku-da ba dàngu paniida,
“Jia-yaka ni na paraingu madira manandangu, na paraingu pa-hamela wàna na pinu tana?” wàda.
16Mbuu ndàba da muhumu da tàngaru-ya na matamu wàngu kabuuraü-da,
dariki hangijiru-nggau nyumu.
Dapanii, “Mbàda pamànji-manyaka nina na paraingu!
Hina-duka hi natàka na rehi napane - nedima!” wàda.
17I MIRI mbàda pahàra-nanyaka na pangàdungu-na
na pambàda pakaka-na dàngu na pa-panamu-nanda àmangu.
Na-pamija-ta dàngu nda pa-aïngu,
nawua-nya talu na muhunda.
Na-pawiti-nya na hawola-da
ba daita-ya na njorunda.
18Ha dimi kangeli-na na Yeruhali, warawa lai MIRI!
Pa-njànjaru wai mata hama tuna luku ma-lulungu lodu rudungu.
Hii pangalangu-ma, àmbi hànangu-du
lundu nanjili na ihimi!
19Tiangu hada - tiangu hadangu-ma la rudungu
la pa-kaladaku paràba-ya na ihi etimu lai MIRI.
Kamahingu-wa ka namila-nja eti
da anamu da ma-rimbangu
dàngu da mameti widi la a - ànda ma-pawikitungu.
20MIRI, tàngaru-hawa nyuda da pa-pajàra-mu!
Ka mbàda ninguka nu pa-palua-mu lima tungu nu?
Ba dangangu ana mbuhada da ina,
da ratu dàngu da wunangu ba-pameti-ha la Uma matua-mu.
21Ma-kaweda bidi tau dameti tanyalangu la ngarangia,
bidi mini bidi kawini dameti manjurangu la hapanda.
La lodu hànggamu,
uhambàli-ha dàngu nda mila etimu.
22Udundanja da muhuma da pa-mangàdatu-ma
la pawunda mbabu mbana eti la winggiru-ma.
Da-pameti ndàbaha da pa-kabida-ma da panamu-ma.
La lodu mbenimu, nda haàtu-mbu ma-ngalangu pawala wikina la papalai.
Currently Selected:
PADUDURUNGU 2: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
PADUDURUNGU 2
2
I MIRI nahuku-nya na Yeruhali
1I MIRI na-paluangu limana la mbenina,
na Hiungu na-panggàbalu-nya kapàtangu.
Na bokulu-na na Ihirailu ba hama jangga awangu-ya,
mbàda kapàha-nanyaka la tana.
Ba nambeni i MIRI,
na Umana la Hiungu nda na-ihili-mbunya.
2Nimbihu-da da maràda pa-rumbangu la tana Yahunda,
na-pamija-ha dàngu nda pa-aïngu-na.
Da ngia pa-torungu ma-pahangindi-nya na tana nuna
na-tumburu-ha lupa da tanyungguru.
Nuna na pa-maràmba dàngu da liku uruna
na panjoru-ha hi dangia-wawa.
3La mbenina na ma-hanjulangu,
napata-ya na kapingatu-na na Ihirailu.
Ba na-kaluluku-nda muhu,
nda nabihu-a pa-pandulangu.
Hama tuna epi ma-panyara ma-patàlaru-ya mbutana,
tuna numbu ba nambeni ndàbanda nyuta i MIRI.
4Hama tuna na muhu, na-pandàngi-ya na tandai panana
hi na-pahangga-nya na wua panana lai nyuta.
Mbuu ndàba na tau na ma-pahàmu etita,
na pameti pambuta-ya.
Na hamborutu-nya na mbenina hama tuna epi
la kuru paraingu Yeruhali yiana.
5I MIRI hama tuna muhu-yaka;
na-nàhaku-ya na Ihirailu lundu na-tanyungguru.
Na-pamija-ha da ngia pa-torungu dàngu uma maràmba-na,
hi na-patàka-nya handuka dira matiki la ma-mandapu-nya na Yahunda.
6Na-pamija-ya na Umana
na ngia pa-pauhi-na na banjaru-na la palumu-nya Nyuna.
Na-pawiti-nya hi na-maromba-nja tau
da lodu Hangahu dàngu da lodu bokulu.
Rukuna ba dira mbeniya i MIRI,
mbàda jukaru-nanjaka da ratu dàngu da maràmba.
7I MIRI na-tebuku-ya na ngia pawotu maraku matua-na,
hi na-dunjaku-nya na Uma wikina;
namàta-nya na muhu pa-nyungguru-ha da kangeli-na.
La ngia pa-lumungu dàngu la ngia pambabu-nda àmangu,
na-paoingu na muhu ruku bunjuku-na.
8Mbàda bota-nanyaka i MIRI
ba lupangu nyungguru-ha da kangeli la Hiungu.
Mbàda hukutu-nahaka nuda da kangeli,
kapeku pamija-ha mbutada.
Da kangeli dàngu da lewatu,
nàhu mbàda pabundu watu-haka mbuu ndàbada.
9Da pindu bokulu-na na-hungguru-nja tana,
da kapala patuna dambata ndàba;
na maràmba dàngu da ama bokulu la pareta la ngia pa-wàrungu-haka.
Nda pa-papeka-ànjapa da Ukuna i MIRI;
nda da-ngalangu-apa pa-bowangu da wunangu welingu lai MIRI.
10Da ama bokulu paraingu jiapa ba pàdi wàda ba da-uhuku la tana;
datunja kumburu tana da katiku-da,
dàngu da kalambungu karungu tanda handuka.
Da ana karia-mbu da karuduku tàka la tana da katiku-da.
11Dambua da matanggu paraï pahii pa-nutakungu,
kanjupu mangonangu-ya na ndewanggu.
Na-làjaru na etinggu ba kuita-ya hadànjalu-na na banjaru;
dàngu ba dameti widi da ana rara la a - ànda la paraingu.
12Dawàngu paonja pahii ba dakarai pangangu pa-ngunungu la inada.
Hama tuna tau ma-manua-ha ba danjoru la a - ànda
hi dameti la baba inada.
13Dou Yeruhali, Parai Hiungu pa-mbuhangu,
da kanànda-mu hama bokulu tehiku lerangu-ya.
Nggikina wànggu-aka
ka ku-wuangu omba eti?
Nàdu, ndedi ninguma ma-mayila hama tuna nyumu.
Langatàka nda ningua ma-ngalangu pa-pahàmu beliya na ngeramu.
14Da pa-patàka-danggau da wunangu,
ma-kambàliku dàngu ma-kakòlulu-ma-aha.
Ndedima da-pahakubu-ha da njalamu,
hi lupa rukuna nuna ndau panjilungu-a.
Tàka kareuku ma-kambàliku ma-payila etima-aya
na pa-patàka-danggau.
15Mbuu ndàbana na tau na manàhu-nya, da-kamibi-nggau,
ba mbàda mija-muka nggubulu-mu.
Dapi - pimbilungu katiku-da ba dàngu paniida,
“Jia-yaka ni na paraingu madira manandangu, na paraingu pa-hamela wàna na pinu tana?” wàda.
16Mbuu ndàba da muhumu da tàngaru-ya na matamu wàngu kabuuraü-da,
dariki hangijiru-nggau nyumu.
Dapanii, “Mbàda pamànji-manyaka nina na paraingu!
Hina-duka hi natàka na rehi napane - nedima!” wàda.
17I MIRI mbàda pahàra-nanyaka na pangàdungu-na
na pambàda pakaka-na dàngu na pa-panamu-nanda àmangu.
Na-pamija-ta dàngu nda pa-aïngu,
nawua-nya talu na muhunda.
Na-pawiti-nya na hawola-da
ba daita-ya na njorunda.
18Ha dimi kangeli-na na Yeruhali, warawa lai MIRI!
Pa-njànjaru wai mata hama tuna luku ma-lulungu lodu rudungu.
Hii pangalangu-ma, àmbi hànangu-du
lundu nanjili na ihimi!
19Tiangu hada - tiangu hadangu-ma la rudungu
la pa-kaladaku paràba-ya na ihi etimu lai MIRI.
Kamahingu-wa ka namila-nja eti
da anamu da ma-rimbangu
dàngu da mameti widi la a - ànda ma-pawikitungu.
20MIRI, tàngaru-hawa nyuda da pa-pajàra-mu!
Ka mbàda ninguka nu pa-palua-mu lima tungu nu?
Ba dangangu ana mbuhada da ina,
da ratu dàngu da wunangu ba-pameti-ha la Uma matua-mu.
21Ma-kaweda bidi tau dameti tanyalangu la ngarangia,
bidi mini bidi kawini dameti manjurangu la hapanda.
La lodu hànggamu,
uhambàli-ha dàngu nda mila etimu.
22Udundanja da muhuma da pa-mangàdatu-ma
la pawunda mbabu mbana eti la winggiru-ma.
Da-pameti ndàbaha da pa-kabida-ma da panamu-ma.
La lodu mbenimu, nda haàtu-mbu ma-ngalangu pawala wikina la papalai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)