YUHUA 3
3
Ba dapala-ya na Luku Yorundangu na banjaru Ihirailu
1La lodu haromu-na dahada mba - mbarungu i Yuhua dàngu nggubulu-na na banjaru Ihirailu, hi da-dunjaku-nja da kalibaru uma terada la Hitimu, hi dalaku la Luku Yorundangu. Pahadangu-danyaka uma terada lai nu la panedi-nya na rapa palada. 2Ba tailu mbua lodu-naka na ma-làpahu, lua-danyaka la nggubulu kalibaru uma tera ba hapajia-ha da liku uru, 3hi dapanii-nya na banjaru Ihirailu, “Jàkai ita-haka da ratu ba daduku-ya na Pàti Pa-ràndingu-na i MIRI Alami, ihadangu-mbu nyimi welingu la kalibaru uma tera kai ndàkiha nyuda, 4nyudaka napa da ma-paita-nggai ànda, nadu ba ndedi ndokuma imai lai yiahu. Na nyuna àmbu lalu lihi pàku-minya nu na Pàti Pa-ràndingu, kiku marau bianya welingu la hau kilu marauna,” wàda.
5Napanii i Yuhua la banjaru Ihirailu, “Ihawari-wa wikimi, ba wunda-nanya pa-hangàtaru la hongami nyimi haromu i MIRI,” wàna. 6Hàla, nawua-nja pareta ba hapajia-ha da ratu i Yuhua ka dadanda-nya na Pàti Pa-ràndingu ka dalaku mangilu-nya na banjaru Ihirailu. Ka pahàra-danyaka na papanii-na i Yuhua la hupu liina.
7I MIRI napanii-nya i Yuhua, “Pakiringu la lodu nàhu ka tau bokulu-ya wànggu nggauka, hi lupa natembi-kau paraï nggubulu-na na banjaru Ihirailu dàngu ka dapiinya ba kudidi karaha kau nyumu hama tuna nadidi karaha-nggunya i Muha. 8Ba tuna wua-njawa nàhu pareta da ratu ba hapajia-ha da maduku-ya na Pàti Pa-ràndingu, jàka datàka la luku, ka datama la wai nu la luku hi da-ndolaku la hingina,” wàna.
9Ka paau-nanjaka da tau Ihirailu i Yuhua, hi napanii, “Maiwa kai patingi-nya na pareta-na i MIRI Alami. 10-11Ba talànga ndàharungu-mi napa, jiangu-ma ba nawàngga paluhu-ha i MIRI da tau Kanaàngu, Heti, Hewi, Perihu, Nggiringgahi, Amori dàngu Yembuhu. Napai itaya ba ninya i Ala maluri la pahiku-mi nyimi, jàka napala mangilu-nggainya na Luku Yorundangu na Pàti Pa-ràndingu-na i Miri na MIRI panggubulu awangu. 12Ipindiwa nàhu tau hakambulu madua – haàtu welingu la nimbihu kabihu banjaru Ihirailu. 13Jàka da-ndolaku-ka napa la wai la Luku Yorundangu da ratu ba hapa-jiaha da maduku-ya na Pàti Pa-ràndingu-na i Miri napa na-manggàtahu na arihu waina; tàka na wai na malulungu weli diangu na-harundangu napa la hau pangia,” wàna.
14-15La rehi nu talànga jia pàkuya na rehi muti, tàka hama tuna ba kàli wànguna na mbinu lembaru na Luku Yorundangu.
Ba da-hadangu welingu la kalibaru uma terada da tau Ihirailu ka palaya na Luku Yorundangu dalaku mangilu da ratu ba hapajia-ha ba dàngu ngàndi-danya na Pàti Pa-ràndingu. Tàka ba da-tunggulu kika daa la luku da ratu, 16-17manggàtahu-nanyaka na arihu-na na luku. Mbara dia la mamarau, na-rindingu na wai la Andamu nu na paraingu la perana na paraingu Hàratàngu. Na wai mbara luru na ma-lulungu la Tehiku Meti, namihi ailulu-ma, hi peku palada da tau Ihirailu la tana madu hanggangu la tubana la Yeriku. Da ratu ba hapajia-ha da maduku-ya na Pàti Pa-ràndingu ndolaku pangalangu-madanya la padua luku lundu natàka ndàba la hapapa na tau Ihirailu.
Currently Selected:
YUHUA 3: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)