YOILU 1
1
1Yiana-yaka na lii languna i MIRI lai Yoilu anana i Patuilu.
Na hawina-na na banjaru Ihirailu rukuna ba na-pambuta-ha kabala da ihi wokada
2Patingingu ha dimi ama bokulu;
eti wànguwa dimi ha mbutami tau la Yahunda.
Mbàda ninguka mahama tuna yiana la rehimi,
jàka ndia la rehida da bokumi la mangilu?
3Peka-njawa nuna na matumbu da anami;
ka da-palundu-nya la anada na rukuna nuna.
Ka darongu-mbuya ana ha-ndalaru ma-pandutungu,
ka dapakei-nya la hili ana umbuku.
4Da kabàba kabala da panda taü danguda,
da-rànjaku la wo - woka hi da-pambuta-ha da ihida.
Jàka nggàraha da pahili-na na hau kabàba,
na-pambuta-ha paraï kabàba ma-pandutungu.
5Hadangu-wa ha dimi makàli maüku!
Dàngu hiiwa dimi makàli unungu!
Nadu da angguru mabidi
pambàda wàhi-haka welingu la ngarumi.
6Da kabàba kabala da-kaluluku-nya na tananda;
da-kapingatu dàngu nda pataü-ha danguda,
da ngànduda hama dàka ngàndu bai hingaha.
7Da pingi angguru-nda da-pamànji-ha,
da pingi kapilitu-nda jiaha da pola-adaka.
Da binuha da polada,
hi lupa da bara da karàngga-da.
8Mihiiwa ha banjaru, hama ana karia ma-handuka
na mahiinya na metina na matanggu-nya na pambuha-na.
9Da uhu nggàndumu dàngu da angguru da-payilangu-ka
welingu la Umana i MIRI.
Ka hawina-danyaka da ratu,
da ma-tuturu palumu-nya i MIRI.
10Da woka damija-ka nàhu.
Na tana na ringu langu dàngu na handuka;
nadu ba dambuta ba damànji da uhu nggàndumu,
da pingi angguru nda da tuu wuada,
da mina haitungu danjàpu-ka.
11Ha ma-raïngu, mi-padudurungu-wa!
Ha madai woka angguru, mihiiwa!
Nadu da uhu nggàndumu dàngu da kamànggihu dambuta nda ningu kaweida, dàngu mbuu ndàba da ihi woka damau.
12Da pingi wua ai la maràda da-marokutu ndàba:
da pingi angguru, àpilu, kapilitu, kuruma dàngu njalima.
Hi nda na-hawola-apa na rayatu.
13Ha dimi ratu ma-lumungu la ngia pawotu maraku,
kalambungu-wa karungu dàngu hiiwa.
Tamawa la Umana i MIRI kai hii kanjupu-ya na rudungu,
nadu ba nda ningu tanda maraku angguru dàngu uhu nggàndumu nduma na Alamu.
14Wua-nyawa pareta na banjaru-mi,
ka na-puaha, pakada-nya na pulu pamba bata bokulu!
Dunda-nyawa na liku uru dàngu da ama bokulu
dàngu nggubulu-na na ma-ngiangu la Yahunda,
ka damai la Umana i MIRI Ala,
pa-hamayangu dàngu pawara karai pa-ndulangu-na Nyuna.
15Na Loduna i MIRI mareni-nanyaka, na lodu pa-maringgingu;
na rehi pa-tàkangu-na kabu i Hupu Mambiha.
16Ba da-tàlaru pa-mbutangu
da pangangu-nda la hangga matanda,
la Uma Alanda
nda ningu-apa kayaka hawola.
17Da wini dameti la tana màdu marokutu.
Nda ningu-apa uhu nggàndumu ka pahàmu,
da dàndaku da-kalukutu da-tanyànggaru.
18Da banda mopu da-kangua mbota monungu;
nda ningu-apa maràda rumba ndumada.
Da kabàba mbimbimbu da-kariku.
19Lai Nyumu, ou MIRI kukarai pa-ndulangu
nadu da maràda rumba damàdu marokutu,
da pingi ai damàdu hi dameti da-kàrangu
beri ruku epiha.
20Jiapa da banda bohu la omangu
dawara-nggau Nyumu pakarai pa-ndulangu.
Nda da-ngalangu-a nyuda papàda-ya na madauda,
nadu damàdu ndàba da luku.
Currently Selected:
YOILU 1: KAM
Highlight
Share
Compare
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
