YERIMIA 39
39
Na kanabu-na la Yeruhali
(2 Hang. 25:1-7; Yerm. 52:3b-11)
1La wulangu hakambulu la ndaungu pahiwa wàna na pareta-na i Hendikia hanganji Yahunda, i Nembukatunehàru hanganji Mbambilu mai-nanyaka dàngu nggubulu-na na kanguhuru pabera-na, hi na-hànjalu-ya na Yeruhali. 2La tànggalu hiwa wulangu patu ndaungu hakambulu hau na paretana i Hanganji Hendikia, tàndalu-nanyaka muhu na kangeli paraingu, 3hi dawàhi-ya na Yeruhali.#dawàhi-ya na Yeruhali; na kareuku yiana pa-palelingu-ya welingu la njàpuna na kawudu 38. Mbuu ndàbada da mapawai ngabana na hanganji Mbambilu damai hi dalua pa-mandapu la Pindu Bokulu Padua. La hongada nyuda ninja i Neringgàlu Harehiru, i Hàmanggaru Nembu, i Hàrahekingu kapala uma hanganji, i Neringgàlu Harehiru Ràbamàku dàngu da parawira hawiangu.#Da tamu dàngu da pànggatu la ndalaru yiana nda da-lohangu-a.
4Ba daita hàla-yaka nuna na madedi paraïna i Hanganji Hendikia dàngu nggubulu tanatara-na, palai-danyaka hanggangu la Yorundangu la rudungu nunama. Na ànda ngia palida hanàhu-da la woka ngia pambawa la uma hanganji, hi daluhu ningu la pindu bokulu na ma-panua-nja da dàmbu da kangeli lai nu. 5Ba tuna da tanatara Mbambilu keha-madanja dàngu hi dayàpa-ya i Hendikia la malinjaku Yeriku. Tunaka nu hi ngàndiya nyuna la Hanganji Nembukatunehàru la paraingu Ripula la ngaba Hamàtu, hàla panggàna-danyaka hukungu meti. 6La paraingu lai numa ba pameti-ha da anana la hangga matana, dàngu mbuu ndàbada da mapawai ngaba la pareta Yahunda pa-pameti-mbuha. 7Hàlaka nu i Hendikia hi rukiha da wua matana, hàla hi tunya nggili bàhi dàngu hi ngàndiya la Mbambilu. 8Ba talànga tunaka nu da tau Mbambilu tunu-danyaka na uma hanganji dàngu da umana na rayatu, lupa nyungguru-danjaka da kangeli-na na Yeruhali. 9La njàpuna, na rayatu da maninja la paraingu, dàngu da tau da mambàda palai la ngaba tau Mbambilu, na-dundilu-ha la Mbambilu paraïna i Nembuharandàngu, na kimunda pamba Mbambilu. 10Hawiangu na rayatu na malalu milana da manda ningu bandangu, pa-bànjalu-ha la Yahunda, dàngu hi wuanja woka angguru dàngu woka.
Ba pahàla-ya i Yerimia
11I Hanganji Nembukatunehàru na-paràha-nya i Nembuharandàngu na kimunda pambana, pa-paluhu pareta matuna yia, 12“Luawa kai himbuya i Yerimia, dàngu kai mangga pahàmu-nya. Àmbi nggi - nggiki-diminya; pa-namatu-manya jàka nggàra pakarai-na,” wàna. 13Tàka i Nembuharandàngu anguda da tau madua parawira jangga, nu i Nembuhambàngu dàngu i Neringgàlu-Harehiru, hàmanai mbuu ndàbada da parawira Mbambilu hawiangu, 14damai papiti-ka welingu la talora uma hanganji. Hi da-pakata-ngga lai Nggandalia anana i Ahikàmu umbuku-na i Hapàngu, na matanggu karia belingga mangu hàmunggu. Ka ndàdiku-nggunyaka duku la honga rayatu.
Ba ràndiya i Embitu-Meliku
15Ba la uma kapàtangu la talora uma hanganji-kapa, na paràha-ngga i MIRI 16papeka-nya i Embitu-Meliku tau Hundangu ba tuna yia na paniina i MIRI Mahupu-mbiha, Ala Ihirailu, “Hama tuna ba wànggu àmangu napa ku-patàka-nya na paraingu yiana na pa-tàlaru wàngu, dàngu nda pa-mbokaru wàngu-aya. Napa muita mata-maya nuna ba nanjadi. 17Na nyuna Nyungga, MIRI, napa ku-katindi-kau. Nyumu napa nda pa-pakatangu-akau la tau pa-mangàdatu-mu. 18Nyumu napa nda pa-pameti-akau, nadu napa Nyungga ku-pamara-kau. Na lurimu napa namara nadu nyumu bau handera lai Nyungga. Nyungga, MIRI, mambàda panii,” wàna.
Currently Selected:
YERIMIA 39: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
