YERIMIA 37
37
Na pa-kamahi-na i Hendikia lai Yerimia
1La rehi pukalu-nanya i Yuyakingu anana i Yuyakimu paraïna i Nembukatunehàru hanganji Mbambilu, wotunanyaka i Hendikia anana i Yuhia pa-hanganji la Yahunda. 2Na nyuna i Hendikia hamangui ba hapajia-ha da mapawai ngabana dàngu na rayatu-na nda datundu-anya na lii langu pawua-nanja i MIRI la ngarunggu nyungga.
3I Hanganji Hendikia na-palewa-ya i Yukuhàlu anana i Helimia, dàngu i Ratu Hapanya anana i Maaheya la pakarai-ka ka ku-hamayangu lai MIRI Ala nduma pahàmu wàna na banjaru. 4La rehi nuna nyungga ndedi pa-patamangu-aka la uma kapàtangu dàngu peku palua pa-maingu bianggu-pa la honga rayatu. 5Da tanatara Mbambilu talànga nggupulu-danya na Yeruhali, tàka ba darongu-yaka ba mbàda hadangu-daka da tanatara Mehiru la pa-pabera, ka kandulingu-danyaka.
6I MIRI, Ala Ihirailu, na-palewa-ka 7papanii tunggu yia la papalewa-na i Hendikia, “Panii-nyawa i Hendikia, ‘Na tanatara Mehiru na ma-talànga nàmunya yiahu la pandula-kau, napa da-punjilungu hi dabeli. 8Hàla napa da tau Mbambilu da-kabeli hi da-hànjalu-ya yiana na paraingu lupa datalu dàngu hi datunu-ya. 9Nyungga, MIRI, kupeka hahanggai, ka àmbi panyonga wikimi bai pangàda-nya napa da tau Mbambilu nda dabeli-apa. Nadu nyuda jiangu-ma duda dabeli. 10Ka jiapa-kai mitalu hàlaya na tanatara Mbambilu hi lupa jia-kihaka da tau da ma-manua mandàkangu daa la maü - maü terada, ba tuna napa da-hadangu hi datunu hàlaya na paraingu yiana,’ wàna,” wàminya.
I Yerimia ba yàpaya dàngu ba puhiya la uma kapàtangu
11Da tanatara Mbambilu da-kandulingu welingu la Yeruhali nadu da tanatara Mehiru ba ndàharu hanggangu-dudanya lai nu la paraingu. 12Ka dunjaku-nggunyaka la Yeruhali hi kulaku la ngaba Mbanyamingu la pakeiya na ndumanggu ba pa-beringu tana kangeha ma-pa-kalembingu. 13Tàka ba kutàka-ka la Pindu Bokulu Mbanyamingu, na kimunda tanatara na mapawai ngaba lai nu napàtu-ka hi napanii, “Nyumu palai-munyaka la ngaba tau Mbambilu!” wànangga. (Na parawira nuna Yeria-ya na tamuna, nyuna anana i Helimia-ya dàngu umbuku-na i Hananya-ya.)
14Kuhema nyungga, “Nda tuba-ana! Ka kupalai la ngaba muhu nda wànggu-a,” wànggunya. Tàka i Yeria nda na-patingingu-a. Yàpa-ma-anangga hi nangàndi-ka la hangga ba hapajia-ha da mapawai ngaba la paeta. 15Tàka nyuda mbeni nda uku-dangga, dàngu hi da-wuangu pareta la papalu-ka dàngu hi dapundi-ka la umana i Yunatàngu, na hakaratarihu nanggara. Na uma nuna datu-yaka uma kapàtangu. 16Tàka nyungga da-patama-ngga daa la hau lobaku la kubu tana, dàngu mandaima ba pàtuka lai nu.
17Tunaka nu i Hanganji Hendikia na-palewa tau pa-karia-ngga la hanggana la uma hanganji. Lai nu na-paàra winingga napa hi ningu lii pa-patàkangu welingu lai MIRI.
“Ningu,” wànggunya. Hàla hi ku-pangala-nya, “Tamu umbu, napa nyumu pa-pakatangu kau la hanganji Mbambilu,” wànggunya. 18Hàlaka nu ka paàra-nggunyaka, “Nggàraka pa-akatu-nggu lai nyumu Tamu Umbu jàka ndia la hapajia-ha da mapawai ngaba lai nyumu, jàka ndia la rayatu, hi kiri patama-mungga nyungga la uma kapàtangu? 19Nggihaka da wunangu-mu da mapanii ba nda nabera-akau nyumu dàngu na paraingu yiana paraïna hanganji Mbambilu, ba wàda? 20Nàhu, Tamu Umbu pa-ngarangu, màla àru kau patingi-nya na pa-kamahi-nggu yiana. Màtangu àru pa-pangàndi belingga la uma kapàtangu la umana i Yunatàngu, napa kumeti-du lai nu,” wànggunya.
21Ka wuangu-nanyaka pareta i Hanganji Hendikia ka puhika la uma kapàtangu la talora uma hanganji. Jia-duyaka hi ku-enganggu lai nu dàngu nimbihu lodu dawua-ngga roti welingu la ngia patunu roti lupa danjàpu ndàba da roti parima hahangu wàngu la paraingu nuna.
Currently Selected:
YERIMIA 37: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
