YERIMIA 30
30
Na paràndi-na i MIRI la banjaru-na
1I MIRI, Ala Ihirailu, 2napanii-ngga nyungga, “Tulihu-ya la hau mbuku mbuu ndàbana na pambàda panii-nggunggau. 3Nadu napa natàka na rehina ba ku-pajia beliya welingu, na banjaru-nggu na Ihirailu dàngu na Yahunda. Napa ku-karia belinya la tana na pambàda wua-nggunja da boku la mangilu-da. Na tana nuna napa dahilu màngi belinya. Nyungga, MIRI, mambàda panii,” wàna.
4I MIRI napanii-nya na banjaru Ihirailu dàngu Yahunda,
5“Nyungga ku-patingi-manyaka
na kanjaïku-na na tau na ma-bàrangu etina,
na lii kanjaïku-na na tau ma-mangàdatu
na manda mangunya na luri peku hàmu.
6Kamangu pangàda-ya dàngu pa-manginjiru-ya!
Peku-naka na mini ba na-habolangu anarara?
Jàka tuna nu nggikina hi ku-itangu
nimbihu tau mini na ma-tawàla bara matana
dàngu na ma-pamàndungu kambuna wàngu limana
hama tuna na kawini na ma-patikingu pa-habola?
7Na lodu mbàringu tàka-nanyaka,
na lodu na manda ningu hamangu.
La banjaru-nggu, na lodu nuna lodu panda ngudu wàngu etiya;
ba tuna nyuda napa ku-pamara-ha,” wàna.
8I MIRI Mahupu-mbiha nahili paniinya na banjaru-na, “Jàka era tàkana na lodu nuna, na kàlatu na pa-pahàngalungu la kahuki-mu napa ku-poraku-ya dàngu da nggili bàhimu napa ku-pukalu-ha. Nda jia hili ata-akaipa la tau hangàdangu. 9Napa mi-pa-atangu wikimi lai Nyungga, MIRI Alami, dàngu la haàtu wàla wuana i Ndautu napa na pawotu-nggu pa-hanganji.
10Ha banjaru-nggu Ihirailu, àmbi mangàdatu-du!
Ha atanggu Yakupu, àmbi ridu eti!
Napa nyimi ku-pamara-kai dàngu da wàla wuami
welingu la tana ma-maliru ngia pa-tanawangu-mi.
Napa nyimi mi-kabeli
hi mi-ndàdiku dàngu mambiru-mi la tanami.
Na lurimi napa na-mànjaku;
nda ningu-apa pa-mangàdatu-mi.
11Napa Nyungga kumai tàka napa hi ku-pamara-kai.
Da banjaru ngia pa-paiha-nggunggai
napa ku-patàlaru ndàbaha,
tàka nyimi dimi nda tunggunggai nua.
Deningu-mana ba ndai mara-a welingu la hukungu
tàka na hukungu pa-panggàna-nggunggai mamola-maya pa-namatu-nya na pawàngu.
Nyungga, MIRI, mambàda panii,” wàna.
12Na panii i MIRI la banjaru-na,
“Na hidumu lalu mbotuya,
nda ningua muruna na manua-mu.
13Nda ninguma haàtu mabihu pa-paloku-kau,
nda ningu muruda da manggàri-mu,
nda pa-monungu-ma nyumu la pa-mandangu.
14Mbuu ndàbada da yoramu da-maromba-nggauka;
nda dahilu bihu-apa pa-pangàda-nggau nyumu.
Hama tuna muhuka ba mbàda hànjalu-nggunggai dàngu ba kuhuku-nggai wàngu mbàna eti,
nadu ba dadangu da panjipu-mi dàngu da-bokulu da panjala-mi.
15Àmbi hilu hali urami rukuda da manua-mi,
nadu ba nda pa-monungu-apa kau hàmu beli.
Hi tuna nu nahuku-nggunggai
ba dadangu da panjipu-mi dàngu da-bokulu da panjala-mi.
16Tàka nàhu mbuu ndàbada da mawàlu-nggai napa pa-wàlungu-ha,
dàngu mbuu ndàbada da muhumi napa pa-palaüngu-ha la ngia pa-wàrungu.
Napa ku-kapidihu-ya na ma-kapidihu-kai,
napa kuramba-nya na maramba-nggai.
17Jiapa-kai ka napanii na muhumu,
‘Pa-warungu-yaka na Hiungu,
dàngu nda ningua ma-tanara-ya,’ ka wàna,
tàka na nyuna napa ku-pahayandalu belikai,
da manua-mi napa kutunja muruda,” wàna.
18Na hili panii i MIRI:
“Nyimi, banjaru-nggu napa kumila-nggai eti
dàngu hi ku-pajia beliya hama tuna welingu na ngerami la tana wiki la luku wikimi.
Na Yeruhali napa pahada belinya,
na uma hanganji-na napa pa-pahàmu-ya.
19Da ma-mandapu-nya napa dawotu wàngga ludu,
hi dapayaa aungu paraï pambaha eti.
Ku-pawiti-nya ka natembi-ha tau dàngu nda pa-pawawa-ahapa,
tàka na danguda pabo - bonjangu-mananya.
20Na banjaru-mu ku-padedi beliya hama tuna la wungana ba na-mehangu talu,
hi nahili ndolaku ba banjaru-nggunya.
Napa kuhuku-mbunja mbuu ndàbada da ma-kapidihu-ha.
21-22Na hanganji na ma-pareta-kai
paweli-na la banjaru wikimi.
Nawàngu kalongga eti ba na-hurungu lai Nyungga
jàka era paau-nggunya pamai la hangganggu.
Nadu nggamu matoru mbeni
pa-hurungu lai Nyungga wàngu eti wikina?
Napa banjaru-nggunggaika nyimi
tàka Nyungga Ala-minggaka.
Nyungga, MIRI mapanii-ya nuna,” wàna.
23-24Na hànggana i MIRI beri làpuru-ya, beri ngilu mbangatu ma-làndahungu deninja da tau akatu, dàngu nda jia pànjangu-ana jàka ndedi-madu jia hàlaya na pa-pakaka-na. Napa la lodu malamiri hi napinya paraï banjaru-na Nyuna na ngerana nuna.
Currently Selected:
YERIMIA 30: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
