YERIMIA 28
28
I Yerimia dàngu na Wunangu Hananya
1La ndaungu nunama#Na hau pa-haleli ndai: La ndaungu nunama; Imbarani: La ndaungu nunama la pakiringu-na na pareta-na. la wulangu lima la ndaungu papatu wàna na pareta-na i Hanganji Hendikia, i Hananya anana i Anjuru, haàtu wunangu welingu la paraingu Nggimbiungu, napanii-ngga nyungga daa la Umana i Miri. La hanggada da ratu dàngu na rayatu na-paniingga 2ba tuna yia na paniina i MIRI Mahupu-mbiha, Ala Ihirailu, “Na kapàru-na na hanganji Mbambilu ku-palamanga-yaka. 3La rehi dàmbu ndaungu na manàmu-nya napa Nyungga ku-pabeli-nja da malanja welingu la Umanggu, da pambàda palaü-na la Mbambilu paraïna hanganji Nembukatunehàru. 4Napa Nyungga ku-karia beli-mbunya i Yuyakingu anana i Yuyakimu hanganji Yahunda, anguda mbuu ndàbana na tau Yahunda da pambàda kariangu la Mbambilu. Langatàka, napa Nyungga ku-palamanga-ya na kapàru-na na Mbambilu. Nyungga, MIRI, mambàda panii,” wàna.
5La hanggada da ratu dàngu mbuu ndàbana na rayatu na ma-ndolaku la Umana i Miri, kupanii dànya i Hananya, 6“Hàmudu! Mili àru nuna na panyura-mu ka na-palangatàkangu, dàngu i MIRI ka nangàndi beli langatàka-ha welingu la Mbambilu da malanja Umana i Miri hamanai mbuu ndàbana na tau da pa-wàrungu lai nàhu. 7Tàka nyumu, Hananya, dàngu nyimi mbuu ndàbami, ha rayatu, patingi-nya yiana: 8Da wunangu, ba ndedi jiaya na rehinda nyuta mbàda nyura-mada-nyaka nu na pabera, na ura pàda lupa na panyaki pa-nggàbalungu napa na-handauni hàlaha da banjaru dangu dàngu da pa-hanganji da makapa - pàru. 9Tàka na wunangu na manyura-ya na peku na lànyapu, hi pekuna la pawaiya nyuna ba wunangu papalewa langatàka-na i MIRI-ya, mbulungu jàka jia ndàba-yaka hama tuna ba wàna,” wànggunya.
10Hàla, i Hananya na-rambitu-ya na kàlatu welingu la kahuki-nggu dàngu hi na-poraku-ya. 11La hanggana mbuu ndàbana na rayatu na mamàtu lai nu, panii-nanyaka, “Napanii i MIRI ba tuna yiaka na pawàna Nyuna napa ba na-poraku-ya na kàlatu na pa-pabuku-na i Hanganji Nembukatunehàru la kahuki-na mbuu ndàbana na banjaru; napa i MIRI nawunda-ya nuna la dalu dàmbu ndaungu yiana,” wàna. Hàlaka laku-nggunyaka duku.
12Ndedi nggi mandaina ba hàla patuna nu, i MIRI na-palewa-ka 13palua lai Hananya la papanii-nya yiana, “Napanii i MIRI ba peku biana nyumu pa-poraku kàlatu ai, tàka napa Nyuna na-pahilu-nya kàlatu bàhi. 14Napanii i MIRI Mahupu-mbiha, Ala Ihirailu, ba wotu-nanya kàlatu bàhi napa la kahuki mbuu ndàbana na banjaru yiana, dàngu napa da-paatangu wikida lai Nembukatunehàru, hanganji Mbambilu. Napanii-mbu i MIRI ba na-pakata-mbunja napa da banda bohu la kuaha-na i Nembukatunehàru,” wàna.
15Nuda mbuu ndàbada ku-patàka-nja lai Hananya, hàla hi kuhilu panii, “Rongu ha Hananya! I MIRI nda na-palewa-akau nyumu; mbàda pawiti-munyaka na banjaru yiana pawaiya na panii kambàliku. 16Jia ba tuna i MIRI wiki-maka na mapanii ba pamolu-nanggauka napa welingu la pinu tana. La ndaungu nàhu-maka bau meti nyumu, nadu bau paràha-nya na banjaru yiana palawa-nya i MIRI,” wànggunya.
17Ka la ndaungu nuna-madua-ka la wulangu pihu, ba nameti i Hananya.
Currently Selected:
YERIMIA 28: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
