YERIMIA 12
12
I Yerimia na-pangodungu lai MIRI
1“Jàka kutuya la hanggamu na palakara-nggu ou MIRI, jiangu-maka duna na lohangu ba Nyumu ma-padeningu. Ba tuna nyungga ku-rinjungu pa-paàra-nggau Nyumu rukuna na ma-padeningu: Nggikina duna hi na mbokaru bia na tau akatu? Nggikina duna hi jia niyai na tau nda patutungu na maningu pangala-na? 2Mu-pamula-ha nyuda hama tuna da ngara matumbu, hida-paamu, hi datumbu, dàngu hi dawua. Naingu-na nyuda ba dapanii-ya na maha - hàmu rukumu Nyumu, tàka daa la etida, làti duna nda da-wàrihu-akau Nyumu. 3Tàka Nyumu, dou MIRI, mutanda-ka. Muita-ka jàka nggàra ulanggu, dàngu mupi-manya jàka nggikina na papàda etinggu hanggangu lai Nyumu. Ndutuha nuda da tau akatu ka daluhu; ngàndiha nyuda hama tuna na mbimbi la ngia parupu-ha. Mangganja hi lupa natàka na rehina ba hambàli-ha nyuda. 4Lundu pira mandai-manapa ba namàdu na tana yiana dàngu ba namalaï na rumbana la hau woka - hau woka? Da ma-hawurungu dàngu da banda hawiangu dameti paraï ruku akatu-na na banjaru-ma. Dapanii nyuda, ba nda jia ita-anggunya napa na ura dedida nyuda,”#nda jia ... nyuda; na hau pa-haleli ndai: I MIRI nda naita-aya na ura dedida, wàda. wàda.
5Napanii i MIRI, “Ha Yerimia, jàka munjili-ka nu pa-parimbungu dàngu tau, nggiki peku-naka nyumu bau parimbungu dàngu njara? Jàkau mangàdatu la tana mambiru, nggiki-muka jàka ninggau la wuku jemi la hingina na Yorundangu? 6Mbàda kaleka-danggauka jiapa ka jiaha da angu wiki-mbumu; da-kikungu-mbu pa-nàhaku-kau nyumu. Àmbu waiduha nyuda, jiapa ka da-minangu da kareuku-da,” wàna.
I MIRI nabiti karia-nya na banjaru-na
7Napanii i MIRI, “Nda ku-ihili-anyapa na ngia pa-ngiangu-nggu, mbàda dunjaku-nggunyaka na tana na pamangu-nggu, tàka na banjaru-nggu na panamu-nggu mbàda pakata-nggunyaka la limada da muhuna. 8Na banjaru papindi-nggu nalawa-ngga Nyungga; hama tuna na hinga la omangu tuna numbu nyuda ba da-kangaü-ngga Nyungga. Nuna duyaka na ma-pawitingu hi kiri karaü-nggunja eti. 9Nyuda hama tuna ma-hawurungu-ha na pa-hiriku ikitu weli winggirungu. Paau ndàbanja da banda omangu ka da-kikungu la pa-pambuta-ha nyuda. 10Dadangu da-makuaha da tau hangàdangu ma-paruha-ha da woka angguru-nggu dàngu dakali - lijaku-nja da wokanggu. Na tananggu na ma-manandangu da-panjilu-nyaka hi nanjadi maràda telangu ma-malinggitu. 11Langatàka, kuita-mahaka nyuda ba da-panjadi-ya pangia ma-malinggitu pa-hawinangu na tananggu. Nggubulu-na pa-màtangu-yaka, dàngu nda ningu-apa maeti wànya. 12Welingu la hapapa maràda telangu la ma-palindingu, damai pa-rambangu da tau. Nyungga ma-patàka-nya na pabera la pa-paruha-ya nggubulu-na na tana hi lupa nda ningu haàtu-mbu mamàka paluri ngudu. 13Na banjaru-nggu na-hàbarangu uhu nggàndumu, tàka rii madàka-maaya na pangala-da. Dira matiki-ha nyuda ba da-pamukarungu tàka nda ningua pangala-da. Mbeni halawàla-manggunya hi lupa nda dalingu da ihi paraïda,” wàna.
Na paràndi-na i MIRI la nanggara - nanggara malihi-nya na Ihirailu
14Napanii i MIRI, “Yiana-ya na lii langunggu na ngerada da nanggara malihi-nya na Ihirailu na mambàda paruha-ya na tana na pawua-nggunya na banjaru-nggu na Ihirailu. Hama tuna na pa-pamula na pabuta welingu la tana, tuna nu da tau akatu napa ba ku-paluhu-ha welingu la tanada, tàka na Yahunda napa ku-pahàla-ya welingu la wunggu limada nyuda. 15Tàka ba kuhàla-ka pa-paluhu-ha, napa kuhili mbuha belinja; nimbihu-da da banjaru napa kungàndi beliha la tana wikida. 16Jàka weli eti-mada nyuda la pa-kataku-ya na anggama-na na banjaru-nggu dàngu jàka dabihu pa-harangu, ‘Lumuna i MIRI na maluri,’ jàka wàda – hama tuna àmangu nyuda ba da-ajaru-ya na banjaru-nggu la pa-harangu lumuna na Mbaàlu – nyudambu napa angu kanguli-daka na banjaru-nggu tàka hi da-mbokaru. 17Tàka na banjaru na manda tundungu lai Nyungga, napa kubuta-ya hama tuna na pa-pamula dàngu hi ku-pambuta-ya. Nyungga, MIRI, mambàda panii,” wàna.
Currently Selected:
YERIMIA 12: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
