YAHAYA 9

1Na banjaru na maluri la kapàtangu

naita-ka harii ma-hanggilangu.

Na ma-ngiangu la tamaü meti

naharii-nyaka hambila ma-handaraku.

2MIRI, Nyumu mawua-nja nggaüru eti,#Talànga wanguna na-njenjangu ningu-mapa ba tuna yia na ihina: Nyumu mawua-nja nggaüru eti. Na lawiti Imbarani-na: Nyumu mu-paworu mbàmbaru-ya nuna na banjaru.

mu-pawiti-nya hi dapayaa aungu.

Paraï ruku hàmumu hi dambaha eti,

hama tuna ma-hawola la rehi muti, jàka ndia la pa-paberingu pa-ribangu.

3Mbàda piti-munyaka na buku mambotu

dàngu na ai itu welingu la kunduna.

Nyumu mutalu-yaka nuna na banjaru ma-pakapidihu

na ma-lamuji-ya na banjaru-mu.

Hama tuna la rehi na ma-làpahu

bau taluya na tanatara Mindiangu.

4Da halapa tanatara da manggòpu - nggòpuda

dàngu kalembi-na mambinu wai ria, napa uhu epi-haka hi lupa da-talàpu.

5Na haàtu na anakeda nadedi-ka ndumanda nyuta;

nawua-nda haàtu anakeda mini.

Nyunaka napa na maliku urunda.

Na tamuna:

“Ma-panaungu Manggàna”,#Manggàna;jàka ndia: pa-hangàtarungu. “Miri Ala Kaborangu”.

“Miri Ala Kaborangu”,

“Ama Lundu-nu”,

“Hanganji Peku”,

wàdanya.

6Na-katangu pareta ba hanganji wàlana i Ndautuya,

na kuaha-na kanjupu bokulu-ya.

Na tanana na-mànjaku mànu;

na pareta-na na-palata-nya

la uku dàngu la mola

weli nàhungu lundu nu - nu.

Nuna mbuu ndàbana jiangu

nalaku-nya paraïna i MIRI

Mahupu-mbiha.

I MIRI napa nahuku-nya na Ihirailu

7I MIRI mbàda bota-nanyaka hukungu na pa-hanganji Ihirailu. 8Nggubulu-na na banjaru Ihirailu dàngu na ma-mandapu-nya na Hamaria, napa napinya ba i MIRI na malaku-nya nuna. Nàhu nyuda dangamba dàngu dajangga eti-da. Na paniida, 9“Da uma watu rara danjoru-ka, ba tuna nyuma mahili pahadangu uma watu bidi. Da pingi ai kapilitu papunggu-haka napa ma-pahilu-nja ai kajuu welingu la Limbanongu da mahàmu hàlawàla,” wàda.

10I MIRI mbàda koda-nanyaka na muhuda#Talànga wanguna na-njenjangu ningu-mapa ba tuna yia na ihina: na muhuda;Imbarani: da muhuna i Renjingu. la palawa-nja nyuda. 11Na banjaru Hiria la pahunga lodu dàngu na banjaru Pilitingu la patama lodu napa da na-njàkapu-ya na Ihirailu. Ba tuna i MIRI hàngga-mana-nyapa, dàngu jiangu-maka na-hukungu.

12Na banjaru Ihirailu ndedi-mapa napeka hàla era, jiapa-kadu ka mbàda huku-nanja paraïna i MIRI Mahupu-mbiha; jia-mayapa ba ndedi da pambelingu lai Nyuna. 13Jia-duya la dalu hau lodu jua-a i MIRI napa nahuku-nja da liku uru Ihirailu dàngu rayatu-na. Nyuna napa na-kadipu-ha hi na-kawuka-nja da katiku-da dàngu kikuda. 14Da katiku-da ba wànda jia-duhaka da ama bokulu dàngu da tau patembi, tàka da kikuda jia-duhaka da wunangu da ma-wuangu lii papekangu ma-panjàrangu. 15Da ngara ma-pairungu la banjaru nuna da-panjàra-nyaka dàngu da-kubaru-yaka na rayatu. 16Na banjaru nuna da-tambaihaku-ka dàngu da-kabularu-ka, dàngu mbuu ndàbana na kareuku-da ma-akatu juama-ayapa. Jia-duya nu la hongada da ngara bidi mini nda ningua haàtu napa pa-pamara-na i MIRI. Nda namila-anjapa eti da kawini meti lei dàngu da ana lalu. Nadu ba mbeni-mana-nyapa i MIRI dàngu daingu-manaka duna ba na hukunja.

17Na akatu-na na banjaru nuna na-kandulangu hama tuna epi na ma-pambuta-ha da jemi rii madàka. Na kandulangu-na hama tuna omangu mutungu-ya ba na-hambutalu na kutungu-na. 18I MIRI Mahupu-mbiha kanjupu mbeniya, dàngu na hukungu-na beri epi ma-hambutalu-ya, tàka na banjaru nuna beri ai mutungu-ya na patunu palàpu-na. Nda ningu-apa haàtu maaï angu dedina. 19La nggubulu-na na tana nuna na tau na-rumbutu dàngu nangangu-ma-aka nggàra bia ràka pa-ngana, nu ba tuna nda nambihu wà-anya. Jiapa da angu wikida da ngaa-mbunja! 20Da tau Manahi dàngu da tau Epuraïmu da-kawàra pa-karorukungu, hi da pa-angungu la palawa-nya na Yahunda. Ba tuna i MIRI mbeni-mana-nyapa dangu daingu-mana napa ba nahuku-nja.

Currently Selected:

YAHAYA 9: KAM

Highlight

Copy

Compare