YAHAYA 66
66
I MIRI na-patanda-nya ngerana na ba - banjaru
1Napanii i MIRI,
“Na awangu kanjàka hanganji-nggunya,
dàngu na pinu tana lata wihi-nggunya.
Jia nggàra uma hamangu-yaka nu na pawulu-mungga,
dàngu nggiki hama pa-ngiangu-yaka nu ka na-ngiangu ningu ba wàmungga?
2Na pa-nggubulu awangu paruku lima-nggunya,
hi padika-nya mbuu ndàbana.
Na nyuna na pambuha-nggu jiaya na tau ma-karàda etina,
na ma-paura-ha da njalana,
dàngu na ma-mangàdatu dàngu na ma-manundu lai Nyungga.
3Ba tuna na banjaru nuna àtalu wàngu eti biada;
nahàmu wànguma na etida ba dawàngu huri lumungu pa-mayitangu.
Lai nyuda nda ningua pa-hilitu-na:
nawotu kameti maraku hapi mini dàngu nawotu kameti maraku tau,
nawotu kameti maraku ana mbimbi dàngu ba pata nggoru ahu;
na-mangejingu wàngu uhu nggàndumu dàngu na-mangejingu wàngu ria wei,
la patunu karanu dàngu ba lumungu kahala tau.
4Jia-duyaka hi kuwàngu-mai duku eti wikinggu Nyungga
tàka hi ku-pahandauni-nja na ura pàda pa-mangàdatu-da.
Nadu ba ku-paaungu,
nda ningua mahema;
ba ku-kareuku,
nda ningua ma-patingingu.
Darihi mbuhangu-mapa palawa-ngga Nyungga
dàngu la patuu ma-akatu,” wàna.
5Patingingu nggàraya na papanii-na i MIRI,
ha nyimi ma-mangàdatu dàngu ma-manundu lai Nyuna,
“Ruku tuturu-mi lai Nyungga,
ningu la honga banjaru-mi ma-karaü-nggai eti,
dàngu nda dabihu pa-panggolu dànggai.
Nyuda da-paaka-nggai nyimi,
‘Màtawa i MIRI ka na-pajiliku-nya na bokulu-na,
ka peku ita-manggai nyimi bai hawola,’ wàdanggai.
Na nyuna napa nyuda wiki da ma-makia.
6Patingingu! Ningu lingu makanduu la paraingu;
ningu talia lii la Umanggu;
nu jia-duyaka na talia liinggu ba kutungu hilunggu la muhu!
7Na paraingu matua-nggu beri kawini-ya na ma-paana
ba dàngu ndedi kayili-na paraï pakatiu paana;
na ma-paanangu anakeda mini
ba dàngu ndedi pàda-nanya na katiu paana.
8Nggamu mambàda rongu ma-hamangu tungu nu?
Nggamu mambàda itangu mahama-nya nuna na madedi tuna nu?
Tàka na banjaru Ihirailu nadedi
la rehi katiu paana-na na Hiungu.
9Àmbu nidunya
la kanandingu-mi na matuna yia, ka nadedi na banjaru-nggu ba wàngguka,
tàka nda kuhili pahia-nyai ka habola-nya,”
nuya na papanii-na i MIRI.
10Mbaha eti dànyawa na Yeruhali,
ha dimi mbuu ndàbami mambuha-nya.
Nyimi ma-handuka lumuna nyuna,
peku-mika nàhu kai hawola mbaha eti.
11Napa nyimi mipàda-nya na mbokaru-na,
hama tuna na haàtu ana rara na mahuhu la inana.
12Nadu ba napanii-du i MIRI, “Napa kuwua-nggainya na mànjaku
hama tuna luku na ma-lulungu;
da pawulu-da da banjaru pangàndi-ha napa lai nyimi
hama tuna na luku na maiwa.
Hama tuna na ana rarakai nyimi na pa-pahuhu dàngu na pakalunggu inana,
tàka hi nao - odahu-ya la babana.
13Napa Nyungga kuomba-kai la Yeruhali,
hama tuna na haàtu ina na maomba anana.
14Bai itaya nuna ka mbaha eti-dimi-nyaka,
tàka hi mi-àtalu dàngu mi-hayandalu hama tuna na rumba ma-kangura.
Napa da atanggu daera-nya na kuaha-nggu
tàka da muhunggu dapàda-nya na mbeninggu,” wàna.
15Langatàka, napa namai wàngu epi i MIRI;
napa Nyuna na kaliti-ya na kareta-na hama tuna na làpuru,
la pa-hanubuku-nya na hànggana,
dàngu la pambeni pa-langatàkangu.
16Nadu mbuu ndàbana na tau na manjala
pa-hukungu la epi dàngu la hapanda-ya napa,
dàngu nadangu-ma na pa-hukungu meti.
17Napanii i MIRI, “Mbuu ndàba na tau na ma-paili wikina ka pajurungu la wo - woka ndumada da marapu#wo - woka ndumada da marapu; tàngaru-ya la 1:29. la palumu-nja, napa da-molungu pa-kariangu dàngu da tau mangangu tolu wei dàngu kalaü hamangui da pangangu hawiangu da pa-mayitangu. 18Kupi-manya#Da pa-haleli ndai da manda pirada: Kupi-manya; Imbarani: Nyungga. na pa-pangàda-da dàngu na paraï rukuda. Nyungga mainggunya#Da pa-haleli ndai da manda pirada: Nyungga mainggunya; na lawiti Imbarani: Nyuna mainanya. pa-pauhi-nja da tau welingu la nggubulu banjaru. Nu la rehi pauhi-da, napa daita-ya na kuaha-nggu Nyungga. 19Napa kutuya na hau tanda la hongada nyuda.
Hawiangu da ma-hakudu-da la hongada nyuda napa ku-pamàna-nja. Napa nyuda ku-palewa-ha la ba - banjaru la ta - tana mamarau da mandedi handàkangu parongu-ya na rukunggu Nyungga jàka ndia la paita-ya na bokulu-nggu dàngu na kuaha-nggu: la Hapanyulu, Limbia,#Na hau pa-haleli ndai: Limbia; Imbarani: Pulu. dàngu la Lindia dàngu da mini panana da mamàhi, la Tumbàlu dàngu la Yunani. Napa nyuda da-bobaru-ya na bokulu-nggu la hongada nuda da banjaru. 20Welingu la tana nuda dangàndi beliha napa da angu dedimi da angu banjaru-mi ka tanda maraku lai Nyunggaha. Napa nyuda dangàndi-ha nuda da tau la tandula matua-nggu#tandula matua-nggu; tàngaru-ya la 2:3. la Yeruhali, ba da-kaliti njara, kalandai dàngu ota, dàngu ba dawàngu kareta dàngu karobaku, hama tuna na pakàli wàda da tau Ihirailu ba dangàndi maraku uhu nggàndumu la Umana i Miri la kanaingu ma-yarahu. 21Hawiangu la hongada nyuda napa kutuha ratu dàngu tau Lewi.
22Hama tuna na awangu bidi dàngu na tana bidi
ba na-padaingu ruku kuaha-nggu,
tuna nu napa da wàla wuamu dàngu na tamumu
ba da-padaingu.
23La nimbihu Wulangu Bidi dàngu la nimbihu lodu Hangahu
nggubulu-na na banjaru tau pinu tana napa damai
pa-marubuku-ngga Nyungga la Yeruhali.
24La rehi hadangu-da, napa daita-ha
da metida da tau da ma-patula ngganggangu lai Nyungga.
Da ana kataru da manganja da metida nda jia meti-ada,
dàngu na epi na ma-pakehi-ha nyuda nda jia mbàda-ana;
nuna nu na pa-maringgingu hamangu la mbuu ndàba tau na maita-ha,” wàna.
Currently Selected:
YAHAYA 66: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
