YAHAYA 51
51
Da lii pa-nggaüru nduma Yeruhali
1Napanii i MIRI,
“Patingi-ngga, ha dimi ma-mbuhangu ka pamàna-nggai
dàngu mamai pakarai pa-ndulangu lai Nyungga.
Namuya na palindi watu ngia paweli-mi ba kahebi-kai,
dàngu na ngia paàki watu ngia paweli-mi ba àkikai.
2Namuha da boku àpumi i Ambarahàmu dàngu i Hara da ma-paana-nggai nyimi;
ba kupaau-nya i Ambarahàmu, nda ningua anana;
hàla, ku-pakanyuru-ya dàngu hi kuwua-nya wàla wuana da madangu.
3Ha Yeruhali, napa kuomba-kau nyumu,
dàngu mbuu ndàbada da ma-ngiangu la kanànda-mu.
Da maràda-mu da mambila kutuha woka ngia pambawa,
hama tuna na Endingu, na woka ngia pambawa-nggu na ma-kamboka.
Lai nu napa na-henggela hawola na tau
hi dawunda lii malangu la lu - lududa.
4Katàmbalu-nya na talia liinggu, ha dimi banjaru-nggu,
patingi-nja da pulu da paniinggu, ha dimi taunggu.
Ku-wuangu-ya na lii papekangu-nggu la ba - banjaru,
da ukunggu jia-haka napa na harii lai nyuda.
5Na mànangu na pawua-nggu mareni-nanyaka,
na rehi talunggu mareni tàka-naka.
Nyungga wikima napa ma-pareta-ha da ba - banjaru.
Da tana mamarau dane - nedingga Nyungga
dàngu damonu-nya na pawunda-nggu na ma-wirungu.
6Kanundaru-ya na awangu dàngu panauya na pinu tana;
na awangu napa na-molungu hama kawuu epi
dàngu na tana napa na-katàri hama kalembi ndai,
mbuu ndàba na ma-mandapu-nya nameti hama kalomuhu.
Tàka na mànangu pawua-nggu na-padaingu mànuma,
dàngu na talunggu nda ningu dirana.
7Patingi-ngga Nyungga, ha banjaru-nggu,
nyimi mipinya nggàraya na ma-deningu;
na nalii papekangu-nggu nimanya daa la etimi.
Àmbi mangàdatu jàka na-payudi-kai tau,
àmbi nggidiku jàka da-paaka-nggai nyuda.
8Napa nyuda da-tàlaru dàngu da-molungu,
hama tuna da paki pangaa mabei dàngu da tera wulu mbimbi pangaa ana kataru.
Tàka na mànangu pawua-nggu na pa-daingu mànuma,
na talunggu na pangala tilangu la handalaru handàdiku,” wàna.
Na banjaru Ihirailu nakarai pa-ndulangu-na i MIRI
9Hadangu-wa MIRI, ndula àru-kama,
pamàna-nggamawa wàngu kuaha-mu.
Hadangu-wa hama tuna àmangu bau pa-muburu-ya na Rahàpu#Rahàpu; banda pa-mangàdatungu da patiki la lii pangerangu ndai da ma-paninu maünya na kanyaüru dàngu na akatu; talànga handàka-na jiaya na pawàngu pa-pangera wànya na Mehiru.
dàngu bau kojaya na nggarihu tehiku hi lundu nameti.
10Nyumumai ma-pamàdu-ya na tehiku,
na wai la kurunduu ma-kanjupu manjolungu.
Mulota ànda na mali ningu la wai nuna,
ka peku palada da tau pambàda pahàla.
11Napa dabeli da tau pa-pahàla-na i MIRI
datama la Yeruhali ba dàngu payaa aunguda
da matada kanjupu hawewa-ha paraï pambaha eti manda njàpu.
Da-hanggela hawola dambaha eti riki mata,
na handuka dàngu na hali ura na-yilangu-ka.
12Napanii i MIRI,
“Nyunggama duku maomba-kai.
Ka nggikina hiu mangàdatu-nya na tau nda payatangu,
na tau na pa-wàrungu hama tuna rumba?
13Kanii hi jia maromba bia-munya i MIRI na mawulu-kau
na ma-wàlahu-ya na awangu dàngu na ma-bànjalu-ya na latana na pinu tana?
Nggiki hi malo - lodumu bau mangàdatu-nya
na haroputu-na na ma-pakapidihu na ma-rimangu la pa-patàlaru?
Langatàka, na haroputu-da nyuda
nda jia duluku-ada lai nyumu.
14Napa paluu pahàla-ha da pa-tanawangu;
nda nanjaka-anja pangangu,
dàngu nda jia meti-ada ka taninja.
15Nadu ba Nyunggama MIRI Alamu,
na ma-kunggalu-nya na tehiku hi nakanduu na ngalingu-na.
Mahupu-mbihaya na tamunggu.
16Nyungga ma-wàlahu#Na hau pa-haleli ndai: wàlahu; Imbarani: pamula.-ya na awangu
dàngu ma-bànjalu-ha da latana na pinu tana.
Kupanii-nya na Hiungu: Nyumu-maka banjaru-nggu;
kuwua-nggauha nyumu da lii papekangu-nggu
dàngu hi kuopa-nggau wàngu kuaha-nggu,” wàna.
Na mayila-na na Yeruhali njàpu-nanyaka
17Hadangu-wa, ha Yeruhali, hadangu-wa!
Na hukungu na papuha-nanggau i MIRI ruku hànggana
mbàda li-munyaka lundu na-kanjupungu.
18Welingu la ma-mandapu-nggau,
nda ningua malonda-kau, welingu la mangia-nggau nda ningua ma-kapipi-kau.
19Nyumu na-handauni-kau dua ngia ura pàda;
rukuna na pabera na tanamu nakabu halàrungu,
dàngu na rayatu-mu nameti rimbangu.
Nda ningu mamila-nggau eti dàngu ma-panggaüru-kau.
20La nimbihu hupu ànda
da taumu danjoru paraï panjàpu na àtalu-da
hama tuna ruha makàna la njeringu.
Nyuda na-handauni-ha hànggana i MIRI,
dàngu na-kayàmbaku-nja Alami.
21Patingingu dimi ha tau pa-kapidihu,
ma-huruku - huruku-mi hama tuna tau maüku!
22Tuna yia wàna na MIRI-mi,
na MIRI Alami na ma-kahiri-kai,
“Na mayila na pawua-nggu ba dàngu mbeninggu,
napa kupiti beliya welingu lai nyimi.
Napa na-wadaru na hàngganggu,
ndai hili hambeta-ayapa.
23Na mayila nuna napa kuwua-ya la ma-kapidihu-kai,
na mambàda paràha-nggai pa-tanggilungu la tana,
dàngu na makali - lijaku-nggai ba beri hama tuna ànda ngia pali taukai,” wàna.
Currently Selected:
YAHAYA 51: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YAHAYA 51
51
Da lii pa-nggaüru nduma Yeruhali
1Napanii i MIRI,
“Patingi-ngga, ha dimi ma-mbuhangu ka pamàna-nggai
dàngu mamai pakarai pa-ndulangu lai Nyungga.
Namuya na palindi watu ngia paweli-mi ba kahebi-kai,
dàngu na ngia paàki watu ngia paweli-mi ba àkikai.
2Namuha da boku àpumi i Ambarahàmu dàngu i Hara da ma-paana-nggai nyimi;
ba kupaau-nya i Ambarahàmu, nda ningua anana;
hàla, ku-pakanyuru-ya dàngu hi kuwua-nya wàla wuana da madangu.
3Ha Yeruhali, napa kuomba-kau nyumu,
dàngu mbuu ndàbada da ma-ngiangu la kanànda-mu.
Da maràda-mu da mambila kutuha woka ngia pambawa,
hama tuna na Endingu, na woka ngia pambawa-nggu na ma-kamboka.
Lai nu napa na-henggela hawola na tau
hi dawunda lii malangu la lu - lududa.
4Katàmbalu-nya na talia liinggu, ha dimi banjaru-nggu,
patingi-nja da pulu da paniinggu, ha dimi taunggu.
Ku-wuangu-ya na lii papekangu-nggu la ba - banjaru,
da ukunggu jia-haka napa na harii lai nyuda.
5Na mànangu na pawua-nggu mareni-nanyaka,
na rehi talunggu mareni tàka-naka.
Nyungga wikima napa ma-pareta-ha da ba - banjaru.
Da tana mamarau dane - nedingga Nyungga
dàngu damonu-nya na pawunda-nggu na ma-wirungu.
6Kanundaru-ya na awangu dàngu panauya na pinu tana;
na awangu napa na-molungu hama kawuu epi
dàngu na tana napa na-katàri hama kalembi ndai,
mbuu ndàba na ma-mandapu-nya nameti hama kalomuhu.
Tàka na mànangu pawua-nggu na-padaingu mànuma,
dàngu na talunggu nda ningu dirana.
7Patingi-ngga Nyungga, ha banjaru-nggu,
nyimi mipinya nggàraya na ma-deningu;
na nalii papekangu-nggu nimanya daa la etimi.
Àmbi mangàdatu jàka na-payudi-kai tau,
àmbi nggidiku jàka da-paaka-nggai nyuda.
8Napa nyuda da-tàlaru dàngu da-molungu,
hama tuna da paki pangaa mabei dàngu da tera wulu mbimbi pangaa ana kataru.
Tàka na mànangu pawua-nggu na pa-daingu mànuma,
na talunggu na pangala tilangu la handalaru handàdiku,” wàna.
Na banjaru Ihirailu nakarai pa-ndulangu-na i MIRI
9Hadangu-wa MIRI, ndula àru-kama,
pamàna-nggamawa wàngu kuaha-mu.
Hadangu-wa hama tuna àmangu bau pa-muburu-ya na Rahàpu#Rahàpu; banda pa-mangàdatungu da patiki la lii pangerangu ndai da ma-paninu maünya na kanyaüru dàngu na akatu; talànga handàka-na jiaya na pawàngu pa-pangera wànya na Mehiru.
dàngu bau kojaya na nggarihu tehiku hi lundu nameti.
10Nyumumai ma-pamàdu-ya na tehiku,
na wai la kurunduu ma-kanjupu manjolungu.
Mulota ànda na mali ningu la wai nuna,
ka peku palada da tau pambàda pahàla.
11Napa dabeli da tau pa-pahàla-na i MIRI
datama la Yeruhali ba dàngu payaa aunguda
da matada kanjupu hawewa-ha paraï pambaha eti manda njàpu.
Da-hanggela hawola dambaha eti riki mata,
na handuka dàngu na hali ura na-yilangu-ka.
12Napanii i MIRI,
“Nyunggama duku maomba-kai.
Ka nggikina hiu mangàdatu-nya na tau nda payatangu,
na tau na pa-wàrungu hama tuna rumba?
13Kanii hi jia maromba bia-munya i MIRI na mawulu-kau
na ma-wàlahu-ya na awangu dàngu na ma-bànjalu-ya na latana na pinu tana?
Nggiki hi malo - lodumu bau mangàdatu-nya
na haroputu-na na ma-pakapidihu na ma-rimangu la pa-patàlaru?
Langatàka, na haroputu-da nyuda
nda jia duluku-ada lai nyumu.
14Napa paluu pahàla-ha da pa-tanawangu;
nda nanjaka-anja pangangu,
dàngu nda jia meti-ada ka taninja.
15Nadu ba Nyunggama MIRI Alamu,
na ma-kunggalu-nya na tehiku hi nakanduu na ngalingu-na.
Mahupu-mbihaya na tamunggu.
16Nyungga ma-wàlahu#Na hau pa-haleli ndai: wàlahu; Imbarani: pamula.-ya na awangu
dàngu ma-bànjalu-ha da latana na pinu tana.
Kupanii-nya na Hiungu: Nyumu-maka banjaru-nggu;
kuwua-nggauha nyumu da lii papekangu-nggu
dàngu hi kuopa-nggau wàngu kuaha-nggu,” wàna.
Na mayila-na na Yeruhali njàpu-nanyaka
17Hadangu-wa, ha Yeruhali, hadangu-wa!
Na hukungu na papuha-nanggau i MIRI ruku hànggana
mbàda li-munyaka lundu na-kanjupungu.
18Welingu la ma-mandapu-nggau,
nda ningua malonda-kau, welingu la mangia-nggau nda ningua ma-kapipi-kau.
19Nyumu na-handauni-kau dua ngia ura pàda;
rukuna na pabera na tanamu nakabu halàrungu,
dàngu na rayatu-mu nameti rimbangu.
Nda ningu mamila-nggau eti dàngu ma-panggaüru-kau.
20La nimbihu hupu ànda
da taumu danjoru paraï panjàpu na àtalu-da
hama tuna ruha makàna la njeringu.
Nyuda na-handauni-ha hànggana i MIRI,
dàngu na-kayàmbaku-nja Alami.
21Patingingu dimi ha tau pa-kapidihu,
ma-huruku - huruku-mi hama tuna tau maüku!
22Tuna yia wàna na MIRI-mi,
na MIRI Alami na ma-kahiri-kai,
“Na mayila na pawua-nggu ba dàngu mbeninggu,
napa kupiti beliya welingu lai nyimi.
Napa na-wadaru na hàngganggu,
ndai hili hambeta-ayapa.
23Na mayila nuna napa kuwua-ya la ma-kapidihu-kai,
na mambàda paràha-nggai pa-tanggilungu la tana,
dàngu na makali - lijaku-nggai ba beri hama tuna ànda ngia pali taukai,” wàna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)