YAHAYA 41
41
I Ala na-pamàndu-nya na etina na Ihirailu
1Na liina i Ala, “Kandii dàngu patingi-ngga Nyungga,
ha dimi ma-ngiangu la parai - paraingu mamarau.
Rimangu ka ninggau la hangga ma-patandangu ngera,
ndàharungu-wa kau pekaya na palakara-mu.
Màla ka angu batangu-nda,
ka tabota-ya jàka nggamu ma-mànangu, dàngu jàka nggamu manjala.
2Nggamu makoda-nya na ma-kuaha welingu la pahunga lodu,#na ma-kuaha welingu la pahunga lodu; Korihu maràmba Perihia, tàngaru-ya la 45:1.
dàngu na mawua-nya patalu pangalangu?
Nggamu ma-pawiti-nya hi na-pakàku-ha da ba - banjaru,
hi na-panyàku-ha lai nyuna da hanganji - hanganji?
Na hapanda-na na-pawiti-nya hi da-tanyalangu hama kumburu tana,
na panana na-paiha-nja hama rembi pa-hawuru ngàndi ngilu.
3Nayaulu pangalangu hi na-ndàharungu dàngu nda ningu mahànda-ya;
darengga da wihina, natika panda dili tana.
4Nggamu maruku-nja nuda mbuu ndàbada?
Nggamu ma-kawuku-ya na matumbu - matumbu la pinu tana?
Nyungga, MIRI, mani memangga weli nungu,
dàngu napa nimangga lundu nu - nu.
5Na ma-mandapu la ta - tana mamarau daita-ya
jàka nggàraya na pambàda raï rukunggu.
Hàla nyuda hi da-katàtaku, hi da-analalu paraï pa-mangàdatu,
ka pauhi-danyaka hi damai pa-kariangu.
6Mbuu ndàba na tau da-kawàra pa-ndulangu,
dàngu da-kawàra pa-màndungu etida.
7Da tukangu ai da-pamàndungu eti mini tuku àmahu rara,
na tau na ma-pamanipihu bàhi wàngu palu tundungu
na-wotungu tau mapàha la kandeha pàha.
Napanii, ‘Lalu hàmuya na paràma-mu,’ wàna;
hàla na-pamàndu wànya paku ka àmbu nanggoda.
8Tàka nyumu, Ihirailu, atanggu, banjaru papindi-nggu,
nyumu wàlana i Ambarahàmu, ariyaa-nggu.
9Mbàda piti-nggunggauka welingu la hupu tana,
kupaau-nggau welingu la pangia - pangia mamarau halawàla.
Kupanii, ‘Nyumu atanggu-nggau;
nda ku-tulaku-aya na papindi-nggu,’ wànggu.
10Àmbu mangàdatu ba Nyungga makaria-nggau,
àmbu na-wudutu na etimu, ba Nyungga Alamu.
Nyumu napa ku-paundu-nggau dàngu ku-ndulakau,
kulonda-kau wàngu lima talu mehanggu.
11Tàngaru, mbuu ndàba da tau mambeni-nggau nyumu,
napa pa-pakàku-ha dàngu da-kamakihu.
Da tau da malawa-nggau nyumu,
napa da-molungu hi pudahu hàlaha.
12Napa muhimbu-ha da tau ma-ndubaku-kau,
tàka nyuda napa ndau hunggu-aha.
Da tau da ma-pabera dànggau nyumu
nàhu da-molungu-ka dàngu damohu-ka.
13Nadu ba Nyungga MIRI, Alamu, mayàpa-ya na lima kawana-mu;
Kupanii, ‘Àmbu mangàdatu, Nyungga mandula-kau,’ ” wànggunggau.
14Napanii i MIRI, “Àmbu mangàdatu Ihirailu,
jiapa kau kudu dàngu ulamanga.
Nyunggama MIRI mandula-kau nyumu,
Mahupu-matua, Ala Ihirailu
jiaya na Ma-pamàna-nggau.
15Tàngaru, kutukau nyumu kapambalu pàmbalu,
ma-bidingu, madàka dàngu madua ndalaru wàlana.
Napa nyumu upàmbalungu palindi - palindi hiu pakabu-ha;
da tandula upanjadi-ha hama tuna kalàmba.
16Napa mutàpi-ha nyuda,
hàla hi na-hawuru ngàndiha ngilu
dàngu na-hàbaru-nja làpuru.
Napa mu-hawola ba MIRI-ka Nyungga,
dàngu mu-hamemu ba Ala Ihirailu-ka Nyungga.
17Jàka era himbu-nanya wai na banjaru-nggu na maura dedi,
dàngu ba namàdu na kalamba nggoruna paraï pamadau,
napa Nyungga MIRI, kuhema-ya na hamayangu-da;
na Ala Ihirailu nda na-dunjaku-anya na banjaru-na.
18Ku-pawiti-nya hi ninja da luku ma-lulungu la tandula - tandula kamuluku;
napa da-kabubalu da matawai la padua ma-ndidaru.
Napa kutuya tàma na maràda telangu;
na wai napa na-tapanjiru welingu la tana màdu.
19Na maràda telangu ku-pamula-nya kajuu,
pingi haitungu, pingi muratu,#pingi muratu; pingi ai mbii kati, ràkangu 1,5 metiru janggana, dabara da wàlana jàka ndia darara atukai. dàngu pingi akahia.
Na maràda telangu ku-pambeli-ya omangu,
omangu eru, mbaranga dàngu kajuu.
20Na tauka napa naita-ya dàngu napinya
ba Nyungga MIRI, matuna-nya nu.
Napa daeti-wànya hi da-jàngapu-ya,
ba na Ala matua Ihirailu na matuya hi tuna nu,” wàna.
I MIRI ba na-ndubaku-ha da marapu
21I MIRI, hanganji Ihirailu, napanii-nja da marapu,
“Pekaya na palakara-mu,
wuangu tanda mbuti!
22Maiwa, dàngu nyuraya nggàraya napa na madedi,
ka mapinya na hupu njàpuna napa.
Paloha-nya da manjadi na ma-làpahu,
palara-nya na ihina ka maeti wànya.
23Peka-yawa nggàraya napa na madedi,
ka mapinggai nyimi ba ala langatàka-kai.
Paloku-yawa na ma-palingu jàka ndia na ma-parunggi,
ka ma-hangàtaru ba maita-ya.
24Langatàka, nyimi dàngu da pa-paloku-mi ma-kakòlulu-maaya,
dàngu da ngara malumu-nggau tau pa-mayitangu-maaha.
25Mbàda koda-nggunyaka na haàtu welingu la pahunga lodu:
kupaau-nya ka na-kaluluku weli diangu.
Da ngara ma-kuaha napa nakali - lijaku-nja hama tuna na kapihaku,
hama tuna na mapipi wurungu ba na-kalijaku-nya na tana wurungu.
26Nggamuya lai nyimi na mambàda nyuraya
hi lupa ma-pajia-ya ba ma-deningu-ya?
Tàka nda ningua welingu lai nyimi mapanii-ya,
nda ningumbu marongu-kai bai panii.
27Nyungga, MIRI ma-kawunga pekanya na Hiungu;
ku-paràhangu mangàndi lii hàmu la Yeruhali.
28Ba kuhimbu la hongada da marapu,
nda ana haàtu-a ma-paitangu ngerangu,
nda ningu mamàka patanggu hema.
29Langatàka, nda nggàrama linguda da marapu,
kahala hada palala-ma-aha nyuda manda màka pawunda ana ngga - nggàra,
dàngu manda duluku pa-pandoi ana ngga - nggàra,” wàna.
Currently Selected:
YAHAYA 41: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
