YAHAYA 34
34
I Ala napa nahuku-nya na muhu - muhuna
1Maiwa kai pauhi, ha dimi banjaru, dàngu patingingu-wa. Màtawa na pinu tana nggubulu-na dàngu mbuu ndàba na maluri lai nu ka damaï parongu. 2I MIRI nahàngga-nja da banjaru mbuu ndàbada dàngu da pamba-daka. Napa nahuku-nja hi na patàlaru-ha nyuda. 3Nda patani-anja da metida, tàka pa-màtangu-ha pa-mbubuku hi dawau. Napa darara da palindi ba na-njànjaru-nja wai riada nyuda. 4Na mata lodu, na wulangu dàngu da kandunu napa da-làjaru. Pa-kulurungu-ya napa na awangu hama tuna karàta pa-kulurungu. Napa da-kanabu da kandunu hama tuna da ruu ai ma-kawàraku welingu la pingi ai.
5Mbàda peyema-nanyaka la awangu na hapanda-na i MIRI, tàka nàhu na hapanda nuna pinjalu-nanyaka na banjaru Endumu na pambàda panggàna-nya hukungu dàngu na pa-patàlaru. 6Na hapanda-na i MIRI napa na-maletaku la wai ria dàngu na-kapiri-nya aparu-da nyuda, hama tuna wàngu wai ria dàngu aparu banda kameti maraku. Nadu ba pa-yemangu-nanya kameti maraku la Mbòhura i MIRI, dàngu rupu pada - dangu-nanya la tana Endumu. 7Dameti napa da tau hama tuna hapi matàmba dàngu kamboka hapi. Narara hama tuna wai riaya dàngu na-kapiri wàngu aparu na tanada. 8Jia-yaka nuna na rehina i MIRI napa ba na-kahiri-ya na Hiungu dàngu ba na tungu hilu kiringu-na la muhuna.
9Napa da-pambeli-ha teru da luku la Endumu, tàka na tanada tana lira-yaka. La hupu njàpuna naroka hama tuna teruya nggubulu-na tana. 10Lodu rudungu nda nambàda-a na rokana, dàngu na-hambutalu lundu nu - nuya na kutungu-na welingu lai nu. Napa pa-dunjakungu-ya lundu ana umbuku nuna na tana ka nabulu jua dàngu màdu marokutu-na dàngu nda haàtu-mbupa napa mali ningu lai nu. 11Ngia-nanyaka napa nggaha matàmba dàngu wei rumba, wàngi dàngu ngganggaka ma-ndàdiku lai nu. Napa na-pawiti-nya paraïna i MIRI hi nda nggàra linguna dàngu hi nabulu jua nuna na tana hama tuna ba ndedi pa-padikangu. 12Nda ningua hanganji ma-pareta-ya nuna na tana, tàka da liku uruda mbuu ndàbada da-molungu-ka.#La lawiti Imbarani-na na ndalaru yiana na pakiri wànya hau lawiti kareuku na manda lohangu jàka nggàra wàna. 13Da uma hanganji dàngu da paraingu-na da maningu tindingu natumbu-nja napa wuku rii madàka dàngu rumba, tàka hi nangia-nya ahu rumba dàngu ota pawulu kàpangu. 14Da banda bohu napa da-manyala ningu lai nu; da kuu dapahe - hemangu, tàka da wàngi#da wàngi: wàndi tau kawini; pa-namatu-nya na pawaina na tau la rehi nu na wàndi nuna la ma-malinggitu-ya na-ngiangu ningu. dahimbu ngia pa-hangahu-da. 15La pangia lai nu dawulu hibuda da kataru pa-upahungu, hi datilu, dabukutungu hi da-kabubulu-ha da anada. Da kapàhambu da-pauhi ba kawàra ningu papada.
16Himbuya dàngu dihaya la Mbukuna i MIRI: Nda heua ma-mbulangu welingu la dika nuda jàka ndia na manda ningu papana. Nadu ba tuna numaka na hupu liina i MIRI, dàngu ba Nyuna wikima na ma-pauhi-nja. 17I MIRI-ma duna na ma-paberi-nja nyuda nuna na tana hi da-maràngga ngalangu ndumada. Napa nyuda da-engangu lai nu lundu nu - nu, tàka hi damangu-nya nuna na tana lundu handalaru handàdiku.
Currently Selected:
YAHAYA 34: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
