YAHAYA 20
20
Na wunangu kalulu jiaya na tanda
1La hupu liina i Hàranggongu, hanganji Ahuru, na liku uru tanatara Ahuru na-kaluluku-nya na Àndutu na paraingu tau Pilitingu. 2La tailu mbua ndaungu ba ndedipa nu, i MIRI na-paràha-nya i Yahaya anana i Amuhu pa-pahàla-nja da halapa-na dàngu na hinggi karungu pa-kalambu-na. Ka pa-namatungu-nanyaka hi nalaku kalulu ba dàngu nda ningu halapa-na. 3Ba jia-yaka na nggupulu-danya na paraingu Àndutu, i MIRI napanii, “Na atanggu i Yahaya mbàda tailu mbua ndaunaka ba na-kalulu dàngu ba nda ningu halapa-na. Yiana jia-yaka na tanda jàka nggàraya napa na madedi la ngerana na Mehiru dàngu na Hundangu. 4Na hanganji Ahuru napa na-tanawa-nja da tau welingu la padua paraingu nuda hi na-dundilu-ha ba dàngu kalulu-da. Ma-kaweda bidi tau, mbuu ndàbada dalaku dàngu nda ningu kalembi-da dàngu nda tunguda lata wihida, ba wàngu paita-ha da kalili-da ba tanda pa-makia wànanya na Mehiru. 5Da tau da mapeka-nya rihina na Hundangu dàngu da ma-hamemu wànya na Mehiru napa dahala da etida dàngu nda nggàra-apa pamonu-da. 6La rehi nu da tau da ma-ngiangu la hingi tehiku dapanii, ‘Tàngaru-ha jàka nggàraya na ma-handauni-nja da banjaru pa-hamemu wànda la pa-kahiri-ta welingu la hanganji Ahuru. Nggiki hama mara bianda-ka?’ wàda,” wàna.
Currently Selected:
YAHAYA 20: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
