HOHIA 7

1Napanii i MIRI, “Handàka rinju - handàka rinjungu-nggu pa-pahàmu-ya na Ihirailu dàngu pa-pajia beliya na ngerada nyuda, da paita-nggu jiaha da akatu dàngu da njala-ma-ada. Da-maràngga pa-lapingu dua wikida, datama pa-manganga la uma tau dàngu da rambangu la a - ànda. 2Nda ana ngàngaru-mana la kanandingu-da ba ku-pangàda-nja napa mbuu ndàba da akatu nuda. Da njalada nyuda na-lumburu-nja nyuda hi na-lohangu naita-ngguha,” wàna.

Da ma-pahama kangunduhungu la uma hanganji

3Napanii i MIRI, “Wàngu kaputingu dàngu pawunda - pawunda ma-akatu na-pamukarungu na rayatu pa-pahàmu etiya na hanganji dàngu da panggawi-na. 4Mbuu ndàbada da tau nuda ma-kaleka-ha dàngu nda da-tuturu-a. Na karaü etida nyuda hama tuna epi la tuluru-ya na pànda pa-kandula-na paraïna ma-pandoi roti ba ndedi ràka patunu-ya na kanguta pa-haüru-na. 5La lodu mbabu hanganji, da-pawiti-nya na unungu-da angguru lundu maüku-da na hanganji dàngu da panggawi-na hi dawunda pawunda maànga. Hàla hi na-paluangga mai dànja nuda da ma-kaleka paraïna hanganji. 6Hama tuna epi la tuluru tuna numbu na pawuku akatu-da ba na-palawarangu la eti lundu njàpu rudungu, tàka la mbaru na-kandulangu hi roka epi ma-panyara-ya.

7La hambubatu-na na karaü etida da-pameti-ha da liku uruda. Mbuu ndàba da hanganji-da pa-pameti pandutu - pandutungu-haka. Na nyuna jiapa-kai ka tuna nu na ma-kalutu, nda haàtu-a ma-hamayangu lai Nyungga pakarai pa-ndulangu,” wàna.

Na Ihirailu dàngu da ba - banjaru

8Napanii i MIRI, “Na banjaru Ihirailu da pakuhingu dàngu da banjaru la winggiru-da, hi hama tuna roti mamemi hapapa-ha nyuda. 9Tàka nda dapàda-anya ba na-munangu na kapingatu-da ruku na pakuhingu-da dàngu da banjaru nuda. Mareni-nanyaka na rehi metida, tàka nyuda nda dapi-anya. 10Na abungu-da da tau Ihirailu paita lohangu-ya hi nanjadi mbuti njalada. Jiapa-kai ka mbàda njadi ndàbada nuda, nda dahimbu-aka Nyungga jàka ndia nda dabeli-mbu lai Nyungga, MIRI Alada nyuda. 11Lai nu lai nàhuya na Ihirailu hama tuna kulundiha manduba-ya. La kawunga-na da tauna dakarai pa-ndulangu la Mehiru, la malamiri-na dapalai la Ahuru! 12Na nyuna nimbihu-na na kawiliku-da kubata-nja remba, hi yàpaha hama tuna ba yàpa ma-hawurungu. Napa kuhuku-nja rukuda da-akatu-da da pambàda pinggu.

13Hanggàmaru-danyaka nyuda ba mbàda dunjaku-danggaka Nyungga. Napa da-tàlaru ba mbàda ndubaku-danggaka Nyungga. Ku-rinjungu pa-pahàla-ha, tàka na lumu-dangga Nyungga ma-kabàli ju - juaya. 14Na hamayanguda nda weli eti langatàka-ada lai Nyungga. Nàdu, jàka da-hamayangu, da-yàbahungu wikida la ngia pa-katuda, dàngu da-padudurungu hama tuna da tau manda waika Nyungga. Jàka da-hamayangu pakarai uhu nggàndumu dàngu angguru, da-pamanua wikida hama tuna da ma-lumungu marapu. Langatàka da-ndubaku-ka Nyungga! 15Jiapa-kai ka Nyungga ma-pamatua-ha dàngu ma-paàtalu-ha nyuda, ba tuna da-pahama kangunduhungu bia pa-ndubaku-ka Nyungga. 16Pa-daingu bia-danya pa-kikungu la marapu da manda ana ningu kawaha-da. Nda pamonu-anja hama tuna tandai pana mamàli. Da liku uruda dapanii abungu, tuna nuka napa hi pameti wànja hapanda, hi nariki-nja tau Mehiru,” wàna.

Currently Selected:

HOHIA 7: KAM

Highlight

Copy

Compare