YAHAKIALU 35

Nahuku-nanya na Endumu i Ala

1Napanii-ngga nyungga i MIRI, 2“Ha dumu tau nda payatangu, ràtu-nyawa na tana Endumu. 3-4Patàka-njawa da mangia-nya jàka nggàraya na papanii-nggu Nyungga MIRI Hupu Majangga lai nyuda,

‘Nyungga yia muhu-mingga, ha dimi mangia-nya na ma-palindingu la Endumu! Napa ku-pa-malinggitu halawàla-ya na tanami hi nda ningu mangia-nya, tàka da paraingu-mi danjadi tanyungguru watu. Ka pi-dimi-nggaka ba MIRI-ka Nyungga. 5Weli àmangu-maka bai muhunya na Ihirailu dàngu bai màtanja ka hambàli-ha la rehi nggàna - naha tàparu ba jiaya na hupu njàpuna na hukungu njalada. 6Tuna nu duka, hi kuhara wànya na wikinggu Nyungga, Ala Maluri, MIRI Hupu Majangga, na meti jiaya na urami, dàngu nda peku luhu-ami welingu lai nu. Mbàda bungu-mika#Na hau pa-haleli ndai: Mbàda bungu-mika; Imbarani: karaü eti. wai ria ba tuna mbungu wai riamai mayaulu-kai. 7Da paraingu-mi la ma-palindingu Endumu ku-pa-malinggitu-ha dàngu nimbihu-na na tau na mali ningu lai nu ku-pameti-ya. 8Napa da palindi ku-pandàda wànja metimi, napa da tandula dàngu da lolangu kupinu wànja ma-hanggubalu la pa-hànjalungu. 9Napa na tanami kutuya maràda nggailaru lundu nu - nu, tàka da paraingu-mi nda jia hili ngia-ada-njapa tau. Ka pi-dimi-nggaka ba MIRI-ka Nyungga.

10Ipanii ba ngabami nyimiya na Yahunda dàngu na Ihirailu hamangui na tanada, dàngu ba mangu-minja napa, jiapa-kai Nyungga, MIRI, ba Alada nyudaka. 11Jia ba tuna, ku-harangu wànya na wikinggu Nyungga, Ala maluri, MIRI Hupu Majangga, napa ku-pabelingu kiringu lai nyimi, rukuna bai hàngga, bai pakilitungu dàngu bai karaü-nya eti na banjaru-nggu. Napa nyuda dapinya ba rukuna na pawunda-mi lai nyuda hi kuhuku-nggai nyimi. 12Ka pi-dimi-nyaka ba mbàda rongu-ngguka bai paakangu: Mbàda malinggitu halawàla-daka da palindi Ihirailu dàngu pa-jàmangu-haka lai nyuta ka tauhu limanja, ba wàmi bai panii. 13Ha dimi tau Endumu, ibàkulu ngarumi dàngu ipanii wàngu ngànjangu-mi hanggangu lai Nyungga. Mbàda rongu ndàba-ngguhaka nuda.

14Kupanii Nyungga, MIRI Hupu Majangga: Napa nambaha eti nggubulu-na na pinu tana la rehi tunggunya maràda malinggitu halawàla nggubulu-na na tanami, 15hama tuna bai mbaha eti nyimi bai itaya malinggitu halawàla-na na Ihirailu na mangunggu. Da palindi Heyiru, hamangui nggubulu-na na tana Endumu da-malinggitu halawàla. Ka pi-ndàba-nanggaka tau ba MIRI-ka Nyungga,’ ” wàna.

Currently Selected:

YAHAKIALU 35: KAM

Highlight

Copy

Compare