YAHAKIALU 19
19
Na ludu padudurungu
1I Ala na-paràha-ngga paludu-nya yiana na ludu padudurungu nduma da tau madua ana maràmba Ihirailu:
2Na inami beri bai hingaya
na ma-wirungu nda ningu hamana.
Na pamatua-ha da anana
la hongada da hinga rihi talu.
3Na heu na anana
na-papeka-nya pahimbu payàpa.
Ka njadi-nanyaka hinga mambana mbeni
mahoba dàngu mangangu tau.
4Da banjaru marongu-ya rukuna nyuna
da-pauhi la payàpa-ya.
Da-kahili-ya la lambongu hi tanawa-nya,
hi ruruhu wànya katekaru la Mehiru.
5Kahewa patiangu-na anana na inana;
ka pi-nanyaka ba nda pamonu-anyapa.
Ka pandàma-nanyaka na heu na anana
panjadi hinga bohu dàngu marihi talu.
6Ka matua-nanyaka nuna na ana hinga
hi na-panggolu dànja da hinga hawiangu.
Na-papekangu pahimbu payàpa,
hi nanjadi-mbuya mangangu tau.
7Da ngia pa-torungu na-njularu-ha,#Na hau pa-haleli ndai: Da ngia pa-torungu na-njularu-ha.
da paraingu na-weharu-ha.
Mbuu ndàba na ihi paraingu nda - ndàndana
ba ronguya na kangaüku-na manda - ndàrana.
8Da banjaru welingu la ngaba la winggiru-na da-njàkilu-ya
welingu la nggi - nggini.
Danduha-nya jala payàpa-ya,
hi na-handànga la oka kahili-da nyuda.
9Nyuna papuhi la keka hingaya
hi ngàndiya la tana Mbambilu, la hangga maràmba.
Padai pa-hàmungu-ya ka àmbu hili ronguya na kangaüku-na
la tandula da majangga la Ihirailu.
10Na inami beri pingi angguru manandangu-ya
matumbu la woka la lihi ana luku.
Natumbu kamboka hi natuu wuana
ba dira danguya na wai lai nu.#Na hilu Imbarani-na ningu lawiti kareuku ma-bonjangu na manda lohangu jàka nggàra wàna.
11Da kahanga-na, da-màndungu nda namuda pa-pataha
ràkana ka pandoi tokungu pareta.
Na kapuka-na najangga kahuluku
natoma karumangu.
Na-hangàtaru ndàbanya tau
ba najangga dàngu na-marumbingu rauna.
12Na nyuna nabuta-ya paraï lima hàngga,
hàla hi patàda-nya la tana.
Na-hapuputu na ngilu timiru pa-pamàdu-ha da wuana da ma-hawilangu.
Da kahanga-na dambata, damàdu hi tunuha.
13Nàhu pa-pamula la maràda wara-yaka,
la tana màdu manda ningu waingu.
14Na pola angguru nuna na-hajiuru-ya epi làmbatu;
da kahanga dàngu da wuana dakehi pa-mbutangu.
Da kahanga bokulu-na nda ningu-apa mandungu-da;
nda peku pandoi-aha tokungu pareta.
Nuna-duyaka na padudurungu paludu hili weli - hili welina na banjaru.
Currently Selected:
YAHAKIALU 19: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
