LUHU 26

Na Maüna i MIRI

(Lu. 36:8-38)

1“Wulungga Maü#Maü; Uma tera jiaya na Uma tera ngia pa-pahàmburu-da i MIRI dàngu i Muha dàngu tau Ihirailu ba talànga lakuda la maràda telangu. Nuna na Uma tera, “Uma terana i MIRI,” wàdanya. ndumanggu, wulu wànya hakambulu mbàla tera linangu tamainangu, patinu wàngu wulu ihi mbimbi kawuru, mbaü atu dàngu rara. Pahiku-nya nggàmbaru patau awangu#patau awangu; Tàngaru-ya la 25:18. nuna na tera. 2Nimbihu-da lupangu da-pahama bàdi da hukutu-da, da malaida hakambulu dàmbu metiru dàngu da mbàlaru-da dàmbu metiru-da. 3Lima mbàla tera utu panua-nja hi hawàla liruna, da lima mbàla hama-manai ba tuna nu. 4Pandoi-nya pa-pakàna wànya welingu la tera kawuru la hingida nuda da liru ba dua mbàlada, 5lima kambulu pa-pakànangu wàngu la nimbihu-da nuda da liru. 6Pandoi lima kambulu ketu àmahu rara pa-pahàmburu wàda nuda da liru ba dua mbàlada hi da-pambulungu.

7Na patuu toku ndiduna na Maü pandoi hakambulu hawàla tera wulu ihi kamàmbi. 8Nimbihu-da pahama-manja hukutu-da, na malaida hakambulu tailu metiru dàngu da mbàlaru-da dàmbu metiru. 9Da lima mbàla utu pa-jàmburu-nja ka hawàla liruda, tàka hawiangu da nomu mbàla jia-mayai ba tuna nu. Na pa-jàmburungu na panomu wàna màta kalàpitu padua-ya jia-yaka na pa-pandàbi wànya la hanamba Maü. 10Tunya lima kambulu pa-pakànangu wàngu la hingi liru kawunga, hi lima kambulu pa-pakànangu wàngu la liru padua wàna. 11Pandoi lima kambulu ketu wudu ka pakàna-nya la ngia pa-pakànangu ka peku pa-nuangu-da nuda da liru ba dua mbàlada na patuu tuku ndiduna na Maü. 12Na hakadipu na tera na marihi jia-yaka na pa-pandàbi wànya la kajia Maü. 13Na rihi tera ba lima kambulu hiti-metiru-na na mbàlaru-na lupangu-ma biliya ka pandàda wànya na hingina na Maü.

14Pandoi-nya ndàbina dua mbàla la liuna na Maü, na hawàla manula mbimbi bumbu pandongu-ya, tàka na hawàlai manula malijangu-ya.

15Pandoi-nya kapambalu-na na Maü ma-ndolaku tinjangu ai akahia. 16Nimbihu-da da kapambalu na janggada patu metiru-da, tàka na mbàlaru-na 66 hiti-metiru-da. 17La nimbihu kapambalu tunya dàmbu kandutuku da ma-hamawa-da, hi peku pekeingu-da da kapambalu nimbihu-da. 18Nduma karaha mbara luruna na Maü, pandoi-nya dua kambulu kapambalu 19dàngu patu kambulu latana àmahu bara, dàmbu la pingi hapungu kapambalu ndumada da dàmbu kandutuku-na. 20Nduma karaha mbara diana na Maü pandoi-nya dua kambulu kapambalu 21dàngu patu kambulu latana àmahu bara, dàmbu la pingi hapungu kapambalu. 22Ndumana la kajia Maü la patama lodu, pandoi-nya nomu kapambalu, 23dàngu dua mbungu kapambalu la kabihu - kabihu-na. 24Da kapambalu la kabihu màta ka panua-nja la wihina, pangala-manja lundu hu dita. Da kapambalu ba dua mbunguda da matunya kabihu-na tuda numai. 25Nu ba tuna, walu mbunguda mbuu ndàbada da kapambalu, dàngu hakambulu nomuda da lata àmahu bara, dàmbu la pingi hapungu kapambalu.

26Pandoi hakambulu lima mbungu talaru ai akahia, lima ndumada da kapambalu la hau karaha Maü, 27lima la hapapa hau, tàka limamai ndumana na karaha la kajia la patama lodu. 28Na ai talaru la padua lupangu-ma la padeni paduangu kapambalu-ya welingu la hau hupu lupa la hupu hauna na Maü. 29Da kapambalu-na na Maü dàngu da ai talaru-na lupangu-ma ka apihu wànja àmahu rara. Da karada da papàtu wànja nuda da ai lupangu-ma pandoi-ha welingu la àmahu rara. 30Pahada-nya na Maü tundunya na pa-pakaka hahangu na pa-paita-nggunggau la pinu palindi yiana.

31Pandoi hawàla tera pindu, tera linangu tamainangu na patinu wàngu lulu kamba hawulu kawuru, mbaü atu dàngu na marara. Pahiku-nya nuna na tera tunya nggàmbaru patau awangu.#patau awangu; Tàngaru-ya la 25:18. 32Tiwalu-nya nuna na tera pindu la patu punduku ai akahia na pa-kamburungu àmahu rara maningu ketu àmahu rarangu dàngu da patuu la patu lata àmahu bara. 33Tuya nu na tera la lumbuda da ketu da ma-pandalurungu la tuku ndidu Maü. La hambeli-na nuna na tera lupangu-ma ka bànjalu-ya na Pàti Pa-ràndingu na ngia pa-paihi-nja da watu. Nuna na tera na-padira-nya na Rowa Matua dàngu na Rowa Mahupu Matua. 34Bànjalu-ya na ndàbina na Pàti Pa-ràndingu la pinuna na pàti. 35Na menja ngia pawotu maraku lupangu-ma patuya la hambeli Rowa Mahupu Matua mbara dia, tàka na tandai palita la mbara luruya daa la Maü.

36Pandoi-nya tera dimbaku-na na pindu Maü wàngu tera linangu tamainangu, na patinu wàngu lulu kamba hawulu kawuru, mbaü atu dàngu na marara, pa-pamananda wànya pa-hikungu. 37Ndumana na tera dimbaku lupangu-ma ka tunya lima punduku ai akahia na pa-kamburungu àmahu rara dàngu na pa-pandetungu wàngu lima ketu àmahu rara. Tunja lima mbua lata wudu ndumada da punduku nimbihu-da,” wàna.

Currently Selected:

LUHU 26: KAM

Highlight

Compare

Copy