LUHU 17
17
Na wai welingu la kàba watu
(Di. 20:1-13)
1Tuna ka nu mbuu ndàbana na banjaru Ihirailu dunjaku-danyaka na maràda telangu Hingu dàngu hi dale - lelingu welingu la hau pangia laku la hili hau pangia, hama tuna na pareta-na i MIRI. La hau rehi da-pamaüngu la Rapindimu, tàka lai nu nda ningu wai pa-unungu. 2Ka kareuku hoputu-danyaka lai Muha ba dapanii, “Wua-nggama wai pa-unungu,” wàdanya. Nahema i Muha, “Nggikina nyimi hi mi-kareuku hoputu dàngu hi mikama-nya i MIRI?” wàna.
3Tàka ba madau halawàla-madanya ka parukangu-danyaka pa-kareuku hoputu lai Muha ba dapanii, “Nggikina dumu hiu ngàndi-kama paluhu welingu la Mehiru? Màta ka da ka dameti kandànga dàngu ana dàngu bandada, wàmu-nggamaka nu?” wàdanya.
4Ka wara-nanyaka i Muha lai MIRI, “Nggikina wànggu-anjaka da tau yiada? Tàngaru, ka nàhaku-nya watu wàda-nggaka,” wàna.
5Napaya i MIRI lai Muha, “Paaungu ana mapira liku uru kau laku karia-nja kai mangilu-nya na banjaru. Ngàndi-mbuya na tokungu na papalu wàmunya na Luku Nilu. 6Napa Nyungga ka ku-ndolaku la pinu watu bokulu la Palindi Hinai. Paluya nuna na watu, napa na luhu na wai ka peku unungu-da da tau,” wànanya. I Muha nawànya nuna ba dàngu ita mata-danya paraï da liku uru Ihirailu.
7Na pangia lai nu la Maha#Maha: Yiana na tamu la hilu Imbarani “kamanya,” wàna. wàdanya, ba lai nudu dakama ninya i MIRI ba da-paàrangu, “Na-karia-nda ihu i MIRI hi ndia?” ba wàda. Na pangia nuna la Marimba#Marimba: Yiana na tamu la hilu Imbarani “panii hoputu,” wàna. wàda-mbunya, nadu ba lai nudu ba dapanii hoputu da tau Ihirailu.
Na pabera dàngu tau Amaliku
8Tunaka nu mai-danyaka da tau Amaliku hi da-nàhaku-ha da tau Ihirailu la Rapindimu. 9I Muha napanii-nya i Yuhua, “Pindi tau mapira ka beraya na tau Amaliku. Napa haromu ka ku-ndolaku la pinu palindi ba dàngu kata-nggunya na tokungu na pangàndi ba wàna i Ala,” wànanya. 10I Yuhua na-wàmanya jàka nggàraya na pareta-na i Muha lai nyuna. Hi nalaku pabera-ya na tau Amaliku, tàka i Muha, i Harungu dàngu i Huru da-kandekalu-ya na tundula lundu datàka la pinuna. 11Ba na-wulaku-ha da limana i Muha, natalu na tau Ihirailu. Tàka jàka na-pawawa-haka i Muha da limana talu-nanyaka na tau Amaliku. 12Tàka ba nanjili-ka i Muha, piti-danyaka watu i Harungu dàngu i Huru, ka peku mandapu-na i Muha; i Harungu dàngu i Huru da-ndolaku la kalai la kawana-na i Muha ba dandula-ha da limana ka daingu wulaku-naha lundu natama na lodu. 13La malamiri da tau Amaliku pakàku-nanjaka paraïna i Yuhua.
14I MIRI napanii-nya i Muha, “Tulihu-ya yiana na talumi ka daingu namu-minya. Paniinya i Yuhua, napa na tau Amaliku ku-pamija mauya,” wàna. 15Ka pa-hadangu-nanyaka i Muha hau ngia pawotu maraku, hi natunya tamuna “I MIRI jiaya na Penjinggu,” wànanya. 16Napanii i Muha, “Kata paja - jangga-manya na penjina i MIRI!#Kata ... i MIRI; Talànga wanguna na-njenjangu ningu-mapa ba tuna numa na ihina. I MIRI napa na-pabera dànya na tau Amaliku lundu nu - nu!” wàna.
Currently Selected:
LUHU 17: KAM
Highlight
Share
Compare
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
