EPIHU 5
5
Luri la harii
1Nyimi jia-kaika anana i Ala da-pambuha-na, jia ba tuna màtawa kai pamukarungu la patundu-nya na hurina i Ala. 2Na hurimi màtawa ka na-paamu la mbuhangu, hama tuna i Karitu-mbu ba nambuha-nda nyuta. Nyuna na-mangejingu wikina lumunda nyuta, ba tanda maraku mambii hambungaru-ya dàngu na pahàmu eti wàna i Ala.
3Nyimi banjaru-na i Alakai. Jia-duya, da paraï da paruku-mika da ma-iraku dàngu da ma-kabularu, jàka ndiakai na ma-malumbangu nda ràkana ba ningu la padua-mi nyimi. Napa ningudu lata papanii wàna na tau hawiangu, nyimi bai rukunja nuda da matuda nu. 4Nda ràka-mbuna nyimi la pawunda panii ma-iraku, da ma-kajari dàngu na manda ràkana. Tàka na nyuna, màtawa kai wundaya na pamalangungu-mi lai Ala. 5Panau pahàmu-nya: na tau na ma-kajari hurina, jàka ndia na ma-kabularu, jàka ndia na ma-malumbangu (na tau na mawàngu huri tungu nu hama-maana na tau na ma-lumungu marapu), na tau nuna nda peku-ana patama la angu banjaru na pa-pareta-na i Karitu dàngu i Ala.
6Nyimi àmbi na-panyonga-dukai paraï paba - banjarungu ma-kakòlulu. Nadu ba jiaha da matuda nudu na ma-patumbu-ya na hànggana i Ala la tau da manda manundu lai Nyuna. 7Jia ba tuna, màtangu ailulu pa-panggolu dànja da tau da matungu nu. 8Nyimi wiki àmangu ninggai la ma-kapàtangu. Nàhu nyimi angu banjaru-na i Miri-kaika, nu ba tuna nyimi tau la harii-kaika. Jia-duya màtawa kai luri la harii. 9Nadu ba welingu la harii#harii; da lawiti ndai da manda pirada: Ngahuna i Ala. tungu nudu hi nahunga na paraï ruku na mahàmu, na ma-deningu dàngu na matànji la matana i Ala. 10Pamukarungu-ma patanda-ya jàka nggàraya na pahàmu eti wàna i Miri. 11Àmbi wunda-duha da paruku - paruku da manda ningu lingungu, da pawunda-da da tau da maluri la kapàtangu. Tàka na nyuna, màtawa kai pa-habola-ha da njalada la hangia - hangia da matungu nu. ( 12Nadu nuda da hangia - hangia da pawunda-da la ma-kawiningu, mili la papanii jua-aha ba pa-makia wàngu-mbuya.) 13Mbuu ndàba-daka da pa-patarakungu la harii, paita lohangu-maha. 14Nadu mbuu ndàbada da paita lohangu, maharii-ya.#Nadu mbuu ndàbada da paita lohangu, maharii-ya; jàka ndia: maa ba jiaya na hariidu ma-paita lumbu lànganya mbuu ndàbana. Jia-duyaka hi ninya na panii,
“Pawàla-wa dumu ha ma-katuda,
dàngu hadangu-wa welingu la ngia pameti!
Napa i Karitu ka na-handaraku-nggai,” wàna.
15Jia-duya, mangga pahàmu-nya na huri lurimi. Àmbi paluri tau ma-ndubangu; tàka màta kai paluri tau manggànangu. 16Wa pahàmu-manya handàka ningu - handàka ningu pekuna lai nyumu, nadu na rehi nàhu ba rehi akatu-ya. 17Àmbi ndubadu, tàka manginjiru-maya jàka nggàraya na pawuku-na i Miri.
18Àmbi maüku-du la angguru, nadu nuna napa na-paruha-dukai. Tàka na nyuna, màtawa ka na-kuaha-kai paraïna Ngahuna i Ala. 19Wànjawa da panii la ludu pamalangungu, la ludu wotungu dàngu la wiliku pangahu, la paba - pabanjarungu-mi. Màtawa nyimi kai wàngu eti nggaüru-mi bai wundaha da ludu wotungu lai Miri. 20Màtawa kai nutakungu la pawunda pa-malangungu lai Ala jiapa ka nda nggàraya bai wànya na tamuna i Yehu Karitu na Mirinda.
Da mapalei papahangu
21Ka tembi wànya i Karitu, màtawa nyimi kai kawàra pa-karadakungu dàngga angumi.
22Oi papaha, mi-karadaku-wa la leimi hama tuna lai Miri. 23Nadu na mini lei kapala-na na papaha-ya, hama tuna i Karitu ba kapala-na na kabungguru-ya dàngu Nyuna wikimbu na Hanganji Pa-mànangu-na na kabungguru nu na tau-na. 24Hama tuna na kabungguru-mbu ba na-karadaku lai Karitu, tuna numbu da papaha ba da-karadaku la mini leida.
25Oi mini lei, mi-mbuhangu-wa papaha-mi hama tuna i Karitu ba nambuha-nya na kabungguru màlai ba na-mangejingu wikina lumuna na kabungguru. 26Hi kiri tuna nu i Karitu, ka pekuna la pa-payaha-nya na kabungguru, wàngu lii pa-ajaru dàngu la wai pa-runungu, ka peku huharu-nanya lai Ala la malamiri-na. 27Tuna nuduka na-pawiti-nanya paraïna i Karitu hi na-ndolaku mangu bunjuku dàngu yahangu-na na kabungguru la hanggana, dàngu nda ningu katànja-na dàngu nyurana. 28Tuna numbu na mini lei bàdi ba nambuha-nya na kawini papaha-na, hama tuna ba na-mbuhangu tàda ihi wikina. Na tau na ma-mbuhangu kawini papaha-na, mbuhangu-nanya tàda ihi wikina. ( 29Nda kàli ningua tau ma-karaü-nya eti na tàda ihi wikina. Tàka na nyuna narada-nya dàngu namangga-nya hama tuna i Karitu ba narada-nya na kabungguru-na. 30Nyuta tapi-manya nuna, nadu nyuta ba nua angu toluna i Karitu-ta.) 31Daa la Huratu Matua ni-manyaka na pa-tulihu, “Jiaya ba tuna nu na tau mini na-dunjaku-nja bàdi da inana da amana ka na-kapuli karia-nya na papaha-na, tàka nyuda ba da dua mbulungu-danyaka,” wàna. 32Na ndalaru nuna na-tanjiku na ihina. Tàka nyungga kupiti papapa-nya nuna la ngera panuangu-na i Karitu dàngu na kabungguru. 33Tàka na ndalaru nuna ningu-madui nuana dàngu na ngerami nyimi: Màtawa nimbihu-na na mini lei ka nambuha-nya na kawini papaha-na hama tuna ba na-mbuhangu tàda ihi wikina dàngu màtawa nimbihu-na na kawini papaha ka na-patikingu la patembi-ya na mini leina.
Currently Selected:
EPIHU 5: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
