Popular Bible Verses from EPIHU 5

Share

Nyimi jia-kaika anana i Ala da-pambuha-na, jia ba tuna màtawa kai pamukarungu la patundu-nya na hurina i Ala. Na hurimi màtawa ka na-paamu la mbuhangu, hama tuna i Karitu-mbu ba nambuha-nda nyuta. Nyuna na-mangejingu wikina lumunda nyuta, ba tanda maraku mambii hambungaru-ya dàngu na pahàmu eti wàna i Ala.

Jia-duya, mangga pahàmu-nya na huri lurimi. Àmbi paluri tau ma-ndubangu; tàka màta kai paluri tau manggànangu. Wa pahàmu-manya handàka ningu - handàka ningu pekuna lai nyumu, nadu na rehi nàhu ba rehi akatu-ya.

Àmbi maüku-du la angguru, nadu nuna napa na-paruha-dukai. Tàka na nyuna, màtawa ka na-kuaha-kai paraïna Ngahuna i Ala. Wànjawa da panii la ludu pamalangungu, la ludu wotungu dàngu la wiliku pangahu, la paba - pabanjarungu-mi. Màtawa nyimi kai wàngu eti nggaüru-mi bai wundaha da ludu wotungu lai Miri. Màtawa kai nutakungu la pawunda pa-malangungu lai Ala jiapa ka nda nggàraya bai wànya na tamuna i Yehu Karitu na Mirinda.

Àmbi ndubadu, tàka manginjiru-maya jàka nggàraya na pawuku-na i Miri.

Oi mini lei, mi-mbuhangu-wa papaha-mi hama tuna i Karitu ba nambuha-nya na kabungguru màlai ba na-mangejingu wikina lumuna na kabungguru.

Nyimi wiki àmangu ninggai la ma-kapàtangu. Nàhu nyimi angu banjaru-na i Miri-kaika, nu ba tuna nyimi tau la harii-kaika. Jia-duya màtawa kai luri la harii.

Ka tembi wànya i Karitu, màtawa nyimi kai kawàra pa-karadakungu dàngga angumi.

Oi papaha, mi-karadaku-wa la leimi hama tuna lai Miri.

Tàka na ndalaru nuna ningu-madui nuana dàngu na ngerami nyimi: Màtawa nimbihu-na na mini lei ka nambuha-nya na kawini papaha-na hama tuna ba na-mbuhangu tàda ihi wikina dàngu màtawa nimbihu-na na kawini papaha ka na-patikingu la patembi-ya na mini leina.

Daa la Huratu Matua ni-manyaka na pa-tulihu, “Jiaya ba tuna nu na tau mini na-dunjaku-nja bàdi da inana da amana ka na-kapuli karia-nya na papaha-na, tàka nyuda ba da dua mbulungu-danyaka,” wàna.

Àmbi wunda-duha da paruku - paruku da manda ningu lingungu, da pawunda-da da tau da maluri la kapàtangu. Tàka na nyuna, màtawa kai pa-habola-ha da njalada la hangia - hangia da matungu nu. (