1 TEHALUNIKA 2
2
Na paràma-na i Paulu la Tehalunika
1Dou da angu dedinggu duku! Pi-maminya ba nda kahewa-ana na-tadalu-manggai. 2Pi-maminya ba ndedi mamai lai nyimi la Tehalunika ba mbàda pa-mayila-kamaka dàngu ba mbàda pawawa-kamaka la Pilipi. Na nyuna jiapa ka nadangu-kai na tau na ma-ndubaku-kama, mbàda wuana-nggamaka toru mbeni paraïna Alanda la pa-bobaru-nggainya na Lii Mànangu welingu lai Nyuna. 3Na kamahi-manggai nda hau ma-njàrangu-aya; dàngu nda wàngu pawuku manda tànji-mbuya jàka ndia ka panyonga-ha nda wàma-mbunggai. 4Langatàka ndiama! Keha ka naliya na eti tau nda wàma-a hi ma-kareuku, ka naliya na etina i Ala, na makama-nja da etima wàma duma. Nadu da-paràkangu-ma duda pa-bobaru-ya na Lii Mànangu ba wànadu-nggama i Ala. 5Pi-maminya ba ndedi ninguma duma ma-minangu la ngaruma, jàka ndia ndedi ma-handàkangu-ma duma pa-kahili-kai la pa-pahini wànya na manganga etima. Hakahii-maya i Ala! 6Keha ka natembi wànda tau nda wàmambu – ka welingu lai nyimikai jàka ndia ka welingu la tau hawiangu-kai. Làti duna peku-mana duma pa-karuhi ana nggàra welingu lai nyimi, maa ba pa-pahurungu-na i Karitu-du-kama. 7Na nyuna ma-malijangu-maya duma na pawàma ba ninggama la pahiku-mi, hama tuna haàtu ina#ma-malijangu-maya duma na pawàma ba ninggama la pahiku-mi, hama tuna haàtu ina; da lawiti ndai da manda pirada: nyuma hama tuna anakeda-kama ba ninggama la pahiku-mi; nyuma hama tuna haàtu ina-kama. na ma-lumungu anana. 8Rukuna nambuha langatàka-manggai, ma-mbuhangu-mbu pawua-nggainya na lurima nda didi biaya na Lii Mànangu welingu lai Ala. Nadu ba kanjupu namu-manggai! 9Jiangu-ma bai namu-mayapa jàka nggiki hama mbangatu-ma la paràma dàngu la pa-paringgitungu. Lodu rudungu ba maràma, keha àru ka àmbu haàtu-du pa-pambotu-nda lai nyuda ba wàmanggai, nu ba ma-bobaru-nggainya na Lii Mànangu welingu lai Ala.
10Na-matua dàngu natànji-ma duma na lurima, dàngu nda ningua nyurana hanggangu lai nyimi mambàda pawai lai Karitu. Jiakai nyimima hakahii-ma dàngu i Alambu. 11Bai pi-madunya ba hama tuna haàtu ama ma-ihilingu anana, tuna numbu ba ma-ihilinggai nyimi. 12Mapanau-nggai, ma-kamahi-nggai ka àmbi màli, dàngu ma-pambana-kai kai pandoi-ya na lurimi ka naliya na etina i Ala. Nadu ba mbàda paau-duna-nggaika paraïna i Ala la panjadi ana tana la Tana Bidina i Ala kai hamemu-nya na mangunju-na.
13Hili ni-manyaipa na hangia na panda kambotahu wàna na pa-malangu-manya i Ala. Nuna nu, jiaya na ngera kataku-minya na puluna i Ala ba ma-patàka-nggainya, bai kataku-ya nda hama tuna pulungu welingu la tau pinu tana-aya, tàka pulu langatàka-na i Ala-maya ba wàmidu. Nyunama duna na maràma daa lai nyimi mapawai lai Karitu. 14Kai pinya dimi angu dedi, na pambàda erami nyimi mbàda era-mbuda-nyaka paraï da kabungguru-na i Ala la tana Yundia nu da kabungguru manguna i Karitu Yehu. Nyimi dimi era-minya na mayila welingu la banjaru wiki-mami, hama tuna na paera-da da kabungguru-na i Ala la Yundia welingu la tau Yahundi. 15Jiaha nyuda-maka nu da ma-pameti-ya i Miri Yehu dàngu da wunangu, dàngu da ma-pamayila-kama nyuma. Damuhu hàlanya na tau dangu, dàngu nda nambuha ndoku-manja paraïna i Ala. 16Jiapa dapara - ratahu-mbu-nggama la ngera bobaru-manya la banjaru nda Yahundi na pulungu na ma-pamàna-nja nuda da banjaru. Nu ba tuda nu da tau Yahundi, bonja pangala-danja da njalada lundu datoma dihada. Tàka hupu hàla luana nggàna-nahaka nàhu hànggana i Ala!
Na rinjungu-na i Paulu la pahili tadalu-ha handàkangu da tau Tehalunika
17Na nyuna angu dedi, piti welingu ba pa-pahewangu hawutu-kamaka welingu lai nyimi – ba ta-pahewa la mata tàka la eti ndia-a – hama huka rinju-manggai hi ma-pamukarungu dira matiki ka hili pa-hàmburu dànggai nyimi! 18Ka lua pa-tadalu-ha nyuda wàma-manggaika làti; tàka nyungga, mbàda handàka panduangu-mangguka làti pa-ehingu, na nyuna na-pabeta-nggama i Kambàliku. 19Langatàka jiakai nyimima pamonu-ma dàngu pambaha eti wàma. Nadu jàka natàka-ka napa i Miri Yehu, dàngu jàka ta-hurungu-ka la hanggana, jiakai nyimima pa-hamemu wàma! 20Ma-deningu-maya jiakai nyimima pa-hamemu wàma dàngu pa-hawola wàma!
Currently Selected:
1 TEHALUNIKA 2: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
