1 KORINITU 2
2
Na lii ruku metina i Karitu la harikangu
1Ngara angu dedi! Ba jiaya na mainggu lai nyimi dàngu ba ku-bobaru-nggainya rukuna na pa-pakaka-na i Ala na pandedi pina na tau pinu tana,#na pa-pakaka-na i Ala na pandedi pina na tau pinu tana; da lawiti ndai da manda pirada: na ngera hakahii-nya na rukuna i Ala. nyungga nda kuwàngu-a manggàna pinu tana jàka ndia nda kuwàngu-mbu kareuku mapari - rihingu. 2Nadu ba mbàda etingu-manggu-nyaka ba talànga ningga lai nyimi, ba nda kuhili wundanggai hangia - hangia, jia-maaya na rukuna i Yehu Karitu; na ma-paihikungu Nyuna ba nameti-ka la harikangu. 3Ba jiaya na ningga lai nyimi, ku-mangonangu dàngu ku-kandàndaku paraï pa-mangàdatu. 4Na lii na pa-patàka-nggunggai nyimi nda ku-patàka wa-anggai ma-payila eti tundunya na màhina na tau. Nyungga ba ku-patàka-nggai kuwàngu pa-paita-nggai mbuti ba ma-kuaha-ya na Ngahuna i Ala. 5Hi tunggu nu, ka pekuna na pawaimi la Karitu ka àmbu na-palata ningu la màhi tau, tàka ka na-palatangu la kuaha-na i Ala.
Na manggàna-na i Ala
6Jiapa ka tuna nu, la honga tau na mambàda manyàmu-nya na luri pangahu, tubaduna nyungga ba kubata wànya na rukuna na manggàna. Tàka na manggàna nuna nda jia-aya na manggàna pinu tana, jàka ndia na manggàna-da da mayàpa kuaha la rehi nàhu, napa na kuaha-da na-molungu. 7Na manggàna na pawunda-nggu, jiaya na manggàna welingu lai Ala. Na manggàna yiana nda napi-anya tau pinu tana, tàka i Ala mbàda payema-mana-ndaka pahàmu wànda ba ndedimbu na-padika-nya na pinu tana. 8Nda haàtu-mbu welingu nuda da mayàpa kuaha la rehi nàhu da mapinya na manggàna nuna. Nadu jàka dapinya làti, nda tuna nua ka da-harika-nya i Miri nu na ma-pangarangu. 9Na belingu-na nuna nimanyaka na pa-tulihu la Huratu Matua,
“Nggàraya na panda ita ndoku dàngu na panda rongu ndoku tau,
dàngu na mandedi tumbu ndoku la kanandingu-na na tau,
nuna-yaka na pa-payema-na i Ala
ndumada da tau da mambuha-nya,” wàna.
10Tàka#Tàka; da lawiti ndai da manda pirada: Nadu. i Ala mbàda pawuwa-nanyaka lai nyuta ba na-palua-nya la Ngahuna. Na Ngahuna i Ala na ma-manginjiru hàlaya, lupa da pa-pakaka-na i Ala jiapa ka jiaha da marihi winingu-mbu. 11Nadu na mapinya na ihi etina na haàtu tau mbulungu na ngahu wikina na tau nuna-ma-a, ma ndia? Tunambu i Ala. Na mapinya na ihi etina i Ala mbulungu na Ngahuna i Ala wiki! 12Tàka nyuta nda nawua-anda ngahu pinu tana yiana, mbulungu na Ngahu welingu lai Ala, ka peku pi hàla-ndanya na pawua-nanda nyuta i Ala.
13Jiaduya nu, jàka ma-pakalira-nja da hangia - hangia rukuna i Ala la tau da maningu Ngahuna i Ala,#da tau da maningu Ngahuna i Ala; jàka ndia: wàngu kareuku pawua-na na Ngahuna i Ala. nda mawunda-aya tundunya na manggàna tau, tàka tundunya na pa-ajaru-na na Ngahuna i Ala. 14Na tau na manda ningu Ngahuna i Ala, nda peku kataku-ananya jàka nggàraya na pa-pawuwa-na i Ngahu. Nadu da tau tungu nu nuda da hangia - hangia ba wànda beri hau panduba wàngu maaya. Da tau nuda nda da-hàmburu-aya, nadu nuda ba wànda mbulungu ma-pangahu bàdi ma-pabila-nya. 15Na tau na maningu Ngahuna i Ala pekuna ba na-pabila-nya mbuu ndàbana, tàka nda ningua haàtu maningu hàkungu la pa-pabila-nya Nyuna. 16Daa la Huratu Matua ninya na pa-tulihu,
“Nggamu mapinya na kanandingu-na i Miri?
Dàngu nggamu matanggu panaunya?” na mawàna.
Nyuta duta ma-pahama kanandingu dàngu i Karitu!
Currently Selected:
1 KORINITU 2: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
