Bilangan 19
19
Ene’ben enebam ago a’ge holuk ho togulom wene
1At Allah en Musa Harun emin mo’gulentasulat e,
2“An Allah en wene modok togu lemagoluk pulogo pegi a’ge ai is aphwami Israel a’ge mo’gulonto ano re, yuat o. Sapi holou mesik aik ’belak erlak a’ge agap ’borlu ’belak a’ge yabuk tuak oluk, e e’gin a’ge odogun mu poluk lok a’ge holuk, woluk wokhentaumak oluk, mo’gulontomup o. 3Wokhentau wagai holuk e, ap an nebe eiye a’ge Eleazar wogomup o. Wogogwiam e, sapi ano aphwami onowi sabo werik a’ge odipmu en woluk odipmu libemarik, ap an nebe eiye a’ge ano il pam eria enat woruak o.
4Worogwiam, ap an nebe eiye a’ge Eleazar ano en emep e’gik ogop petne egelik poluk, an Allah nemin hwedik togumu nowi sabo werik a’ge eragam o’gwe agauwa 7 hwerli en emep ano. Gwete hil louwak o. 5’Gwete hasu lemarik, il oruakhwe, wam sapi werak a’ge ano agap emin, einnyo emin, emep emin, olot emin, pil laga a’ge-waga a’ge ’berlegat odouk narluak o. 6Narlogwiam e, ap an nebe eiye a’ge ano en e aras emin, ’go’gop e’gela emin, domba asu tuelak momi a’ge emin, wasu lemarik, sapi enasumu ’burlmu ebano hwik ha’buak o. 7Asogo takpoluk, ap an nebe eiye a’ge ano o’bogoyum emet hwerlasulat, ebe ik kume Wathwerlasulat, taga lemarik, o aphwami onowi werik a’ge odipmu eba ’gwilo obat a’geat ele, e’ben ebam ago a’ge ano garok u erlakma en oruakhwe, o mo obuk uak o. 8Ye, ap sapi e narlua a’ge ano ogo re, o’bogoyum ik emet hwerlasulat, ebe ik gume wathwerlasulat, taga lemarik, e’ben ebam ema a’ge ano ’balogo lo erlakma en oruakhwe, o mo obuk uak o.
9 #
Ibr. 9:13
Ye, ap mesik e’ben ebam erlak a’ge op holuk, sapi e narlik a’ge ul ano orloksogo leget o’borl akhit o’gwe asogo tak a’ge pogulat togulom a’ge oluk, omu degelak welagoma ebano poma re, is aphwami Israel a’ge wiak logon togu lemarik holuk e, onowiak enebam oruak a’ge ebano erlak emagoluk, ul ai a’ge pam ik emin ho togulom a’ge pagerat welemak o. 10Ye, ap ul pei louwa a’ge ano o’bogoyum ho hwerlasu lemarik, e’ben ebam e’gerlik a’ge ano ’balogo lo erlakma en oruakhwe o mo obuk uak o. Wene yu re, is aphwami Israel a’ge emin, is ap ’bok a’ge ene’gerlakma oruak a’ge ebano emin, enat modok-modok togulom a’ge pagerat wene legelogo mo’gulentagup ene mo’gulhentegis ai o,” oluk, mo’gulentesi.
Ap waragai a’ge ten entau wagai holuk togulom wene
11Mo’gulentesirik, mesik emin mo’gulentasulat, ap mesik wat ago a’ge ano tenhau wago, holuk e, e’ben ebam e’girl ago a’ge pam en wiak agalat oruakhwe modok, hup nogo 7 at umu re, 12hup nogo ’biren oluk, hubet o’gwe ik pam e’ben wiak a’ge ebano ik pam ho tagalat, takpoluk, pobuk nogo henagan nogoluk, hubet o’gwe 7 pamat e’ben wiak a’ge ebano ik pam ho tagalat, tagoam e, ebam wiak ema a’ge ano erlagat ema o. Asogo tua erlak holuk nak e, ebam wiak ema a’ge ano erlak om erlakma en oruak nagat welema o. 13Ap mu a’ge mesik en ap mesik warema a’ge sen haumarik, e’ben ebam e’girl emarik ebam wiak ema a’ge ano erlak emagoluk, ik pam e’ben wiak ano ho tiso erlak holuk e, An Allah nowi sabo werik a’ge pam wiagapsogo po no oluk e, ap ai is Israel a’ge ene’gerlakma en a’guluak erlagapsogo o’borlma lebikpouwak o. Ebam wiak ema a’ge ano erlak emagoluk, ik pam ebetne hosogo pasu erlak holuk, ebam wiak nagat emama re, erlak om erlakma en ebam e’gerlik nagat welema o.
14Ap mesik owi sabo werikmu en warago holuk, togulom a’ge wene tak ano re, yu at o. Ap mesik owi sabo werikmu en ap mesik warago holuk a, ap mu a’ge mesik en ap warema a’ge ano ’gwelakhau wago holuk a, e’ben enebam e’girl ema a’ge enebe wiak emarik oruakhwe, nogo 7 hwerli nogouwak o. 15Ye, di sogoluak-yu sogoluak emde lerak erlak hwerik welema holuk e, ai pam en e’ben ’berlegat, lo’bok ua ani o.
16Ap wa’gun pam werak warema a’ge a, we yogunat warema a’ge a, ap uak koluk-kelak tak a’ge a, ap ’gwiang sebelakma de a, ap mesik en tenhau wago holuk, ap ai, e’ben ebam e’girl emama wiak emarik oruakhwe nogo 7 nogouwak o.
17Ye, ap warema a’ge e’ben ebam e’girl emarik ebam wiak emarik welema a’ge ano erlak emagoluk, sapi e narlua a’ge ul ano logon wokho ik ebe a’ge na’gogo ebelogo pasuam e, 18Ap mesik e’ben ebam e’girl ago erlak a’ge ano en ’go’gop e’gela pam ik ne’gak a’ge ano ogulholuk, ap warema a’ge ano owi sabo werik a’ge ano pam ’gwete hasulat, di a’ge yu a’ge eba welago a’ge petne ’gwete hasulat, aphwami eba welagai a’ge ebano enebetne emin, ’gwete hosulat, ye, wa’gun pam werak warema a’ge a, we yogunat warema a’ge a, ap uak ’goluk-gelak, tak a’ge de a, ap ’gwiangma sebelakma ya, ap mesik en ten hauma a’ge ano ebam ’gwete hasulat tuak o.
19Ye, ebam wiak ema a’ge ano op emak oluk, nogo ’biren nogoluk hubet o’gwe, udelak a’ge ano pam gwete hasulat, takpoluk hup nogo henagan nogoluk, hubet o’gwe “gwete hasulat, tagoam e, agauwa 7 a’ge ai pam tu a’ge hwelak ano arat takpaikmu re, ap ano osum emet hwerlasulat, ik pam kume weriselat, taga lemarik, o mo obuk osoam e, ap ano obat ema o.
20Ye, ap mesik e’ben ebam e’gerluarik ebe wiak ema a’ge ano e’ben aphwami enebam ago holuk, erlak emak oluk, ik onowiak ho tiso a’ge ano a’ge pam gwete hasu erlak holuk, ebam wiak e’gerlik a’ge at oruakma re, an Allah nowi werik a’ge o asuama ebano wiagapsogo po ’gela’ge, ap ai, is aphwami oruak a’ge ’berlegat ene’gerlakma en a’guluak erlagapsogo o’borlma lebikpogu lemak.
21-22Ye, ap ik onowiak ho enebiso a’ge pam ho tak enebasu a’ge ano ogo, ik pam o’bogoyum emet horlouwak o. Ye, ik onowiak ho enebiso a’ge ano ap mesik en tenhau wago holuk, ebam wiak om a’ge ano oruakma re, o mo arat obuk uak o. Ap mesik e’ben ebam e’gerlik oruak a’ge ano en di a’ge yu a’ge tenhasu holuk e, di a’ge yu a’ge ebano wiagat agalat, ye, di a’ge yu a’ge wiak ema a’ge ebano ap mesik en tenhasu holuk, at ogo, ebam wiagat agalat, togoma re, wiak ebam emarik oruakhwe, o mo arat obuk uak o. Wene yu, is Israel a’ge modok-modogat togu lemak, egei o, oluk is mo’gulontomup o,” oluk mo’gulentesi.
Currently Selected:
Bilangan 19: Wul
Highlight
Copy
Compare
Share
Want to have your highlights saved across all your devices? Sign up or sign in
Bilangan 19
19
Ene’ben enebam ago a’ge holuk ho togulom wene
1At Allah en Musa Harun emin mo’gulentasulat e,
2“An Allah en wene modok togu lemagoluk pulogo pegi a’ge ai is aphwami Israel a’ge mo’gulonto ano re, yuat o. Sapi holou mesik aik ’belak erlak a’ge agap ’borlu ’belak a’ge yabuk tuak oluk, e e’gin a’ge odogun mu poluk lok a’ge holuk, woluk wokhentaumak oluk, mo’gulontomup o. 3Wokhentau wagai holuk e, ap an nebe eiye a’ge Eleazar wogomup o. Wogogwiam e, sapi ano aphwami onowi sabo werik a’ge odipmu en woluk odipmu libemarik, ap an nebe eiye a’ge ano il pam eria enat woruak o.
4Worogwiam, ap an nebe eiye a’ge Eleazar ano en emep e’gik ogop petne egelik poluk, an Allah nemin hwedik togumu nowi sabo werik a’ge eragam o’gwe agauwa 7 hwerli en emep ano. Gwete hil louwak o. 5’Gwete hasu lemarik, il oruakhwe, wam sapi werak a’ge ano agap emin, einnyo emin, emep emin, olot emin, pil laga a’ge-waga a’ge ’berlegat odouk narluak o. 6Narlogwiam e, ap an nebe eiye a’ge ano en e aras emin, ’go’gop e’gela emin, domba asu tuelak momi a’ge emin, wasu lemarik, sapi enasumu ’burlmu ebano hwik ha’buak o. 7Asogo takpoluk, ap an nebe eiye a’ge ano o’bogoyum emet hwerlasulat, ebe ik kume Wathwerlasulat, taga lemarik, o aphwami onowi werik a’ge odipmu eba ’gwilo obat a’geat ele, e’ben ebam ago a’ge ano garok u erlakma en oruakhwe, o mo obuk uak o. 8Ye, ap sapi e narlua a’ge ano ogo re, o’bogoyum ik emet hwerlasulat, ebe ik gume wathwerlasulat, taga lemarik, e’ben ebam ema a’ge ano ’balogo lo erlakma en oruakhwe, o mo obuk uak o.
9 #
Ibr. 9:13
Ye, ap mesik e’ben ebam erlak a’ge op holuk, sapi e narlik a’ge ul ano orloksogo leget o’borl akhit o’gwe asogo tak a’ge pogulat togulom a’ge oluk, omu degelak welagoma ebano poma re, is aphwami Israel a’ge wiak logon togu lemarik holuk e, onowiak enebam oruak a’ge ebano erlak emagoluk, ul ai a’ge pam ik emin ho togulom a’ge pagerat welemak o. 10Ye, ap ul pei louwa a’ge ano o’bogoyum ho hwerlasu lemarik, e’ben ebam e’gerlik a’ge ano ’balogo lo erlakma en oruakhwe o mo obuk uak o. Wene yu re, is aphwami Israel a’ge emin, is ap ’bok a’ge ene’gerlakma oruak a’ge ebano emin, enat modok-modok togulom a’ge pagerat wene legelogo mo’gulentagup ene mo’gulhentegis ai o,” oluk, mo’gulentesi.
Ap waragai a’ge ten entau wagai holuk togulom wene
11Mo’gulentesirik, mesik emin mo’gulentasulat, ap mesik wat ago a’ge ano tenhau wago, holuk e, e’ben ebam e’girl ago a’ge pam en wiak agalat oruakhwe modok, hup nogo 7 at umu re, 12hup nogo ’biren oluk, hubet o’gwe ik pam e’ben wiak a’ge ebano ik pam ho tagalat, takpoluk, pobuk nogo henagan nogoluk, hubet o’gwe 7 pamat e’ben wiak a’ge ebano ik pam ho tagalat, tagoam e, ebam wiak ema a’ge ano erlagat ema o. Asogo tua erlak holuk nak e, ebam wiak ema a’ge ano erlak om erlakma en oruak nagat welema o. 13Ap mu a’ge mesik en ap mesik warema a’ge sen haumarik, e’ben ebam e’girl emarik ebam wiak ema a’ge ano erlak emagoluk, ik pam e’ben wiak ano ho tiso erlak holuk e, An Allah nowi sabo werik a’ge pam wiagapsogo po no oluk e, ap ai is Israel a’ge ene’gerlakma en a’guluak erlagapsogo o’borlma lebikpouwak o. Ebam wiak ema a’ge ano erlak emagoluk, ik pam ebetne hosogo pasu erlak holuk, ebam wiak nagat emama re, erlak om erlakma en ebam e’gerlik nagat welema o.
14Ap mesik owi sabo werikmu en warago holuk, togulom a’ge wene tak ano re, yu at o. Ap mesik owi sabo werikmu en ap mesik warago holuk a, ap mu a’ge mesik en ap warema a’ge ano ’gwelakhau wago holuk a, e’ben enebam e’girl ema a’ge enebe wiak emarik oruakhwe, nogo 7 hwerli nogouwak o. 15Ye, di sogoluak-yu sogoluak emde lerak erlak hwerik welema holuk e, ai pam en e’ben ’berlegat, lo’bok ua ani o.
16Ap wa’gun pam werak warema a’ge a, we yogunat warema a’ge a, ap uak koluk-kelak tak a’ge a, ap ’gwiang sebelakma de a, ap mesik en tenhau wago holuk, ap ai, e’ben ebam e’girl emama wiak emarik oruakhwe nogo 7 nogouwak o.
17Ye, ap warema a’ge e’ben ebam e’girl emarik ebam wiak emarik welema a’ge ano erlak emagoluk, sapi e narlua a’ge ul ano logon wokho ik ebe a’ge na’gogo ebelogo pasuam e, 18Ap mesik e’ben ebam e’girl ago erlak a’ge ano en ’go’gop e’gela pam ik ne’gak a’ge ano ogulholuk, ap warema a’ge ano owi sabo werik a’ge ano pam ’gwete hasulat, di a’ge yu a’ge eba welago a’ge petne ’gwete hasulat, aphwami eba welagai a’ge ebano enebetne emin, ’gwete hosulat, ye, wa’gun pam werak warema a’ge a, we yogunat warema a’ge a, ap uak ’goluk-gelak, tak a’ge de a, ap ’gwiangma sebelakma ya, ap mesik en ten hauma a’ge ano ebam ’gwete hasulat tuak o.
19Ye, ebam wiak ema a’ge ano op emak oluk, nogo ’biren nogoluk hubet o’gwe, udelak a’ge ano pam gwete hasulat, takpoluk hup nogo henagan nogoluk, hubet o’gwe “gwete hasulat, tagoam e, agauwa 7 a’ge ai pam tu a’ge hwelak ano arat takpaikmu re, ap ano osum emet hwerlasulat, ik pam kume weriselat, taga lemarik, o mo obuk osoam e, ap ano obat ema o.
20Ye, ap mesik e’ben ebam e’gerluarik ebe wiak ema a’ge ano e’ben aphwami enebam ago holuk, erlak emak oluk, ik onowiak ho tiso a’ge ano a’ge pam gwete hasu erlak holuk, ebam wiak e’gerlik a’ge at oruakma re, an Allah nowi werik a’ge o asuama ebano wiagapsogo po ’gela’ge, ap ai, is aphwami oruak a’ge ’berlegat ene’gerlakma en a’guluak erlagapsogo o’borlma lebikpogu lemak.
21-22Ye, ap ik onowiak ho enebiso a’ge pam ho tak enebasu a’ge ano ogo, ik pam o’bogoyum emet horlouwak o. Ye, ik onowiak ho enebiso a’ge ano ap mesik en tenhau wago holuk, ebam wiak om a’ge ano oruakma re, o mo arat obuk uak o. Ap mesik e’ben ebam e’gerlik oruak a’ge ano en di a’ge yu a’ge tenhasu holuk e, di a’ge yu a’ge ebano wiagat agalat, ye, di a’ge yu a’ge wiak ema a’ge ebano ap mesik en tenhasu holuk, at ogo, ebam wiagat agalat, togoma re, wiak ebam emarik oruakhwe, o mo arat obuk uak o. Wene yu, is Israel a’ge modok-modogat togu lemak, egei o, oluk is mo’gulontomup o,” oluk mo’gulentesi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in