Bilangan 20
20
O Kades ebano en wene mesik nam aga wene
(Keluaran 17:1-7)
1Aphwami Israel a’ge en dugwi ene’gik wenarogulat naduk wenarogwi a’ge ano pam, enebe ’berlegat o leimu aphwami erlakma onuk Zin leimu eba wegesarik, o Kades ebano welegesa. Eba oruakma hwe Miryam ebe waragama ebanoat ’gwiang ’balogo saligisa.
2Agauwa agaikhen pam e, is onowi sum a’ge werikmu eba ik modok erlak welaga. Asogo oruak en, aphwami Israel a’ge Musa Harun ene’bek derlelonobogu legesa. 3Derlelonobogu legesarik e,
“Degenikmu yema nenebit e,” oluk wene yagontogulat e, disogo mo’gulentigisa,
“Nenaik ’gain Onuk Logo a’ge il pamat nis nenarilak nonorokhwi neneminat warom obat a’ge. 4His en nis o leimu aphwami erlakma yema Allah eiyagai woknonoboluk wegep yema nopaget o. Nis nenebe emin, nonuam emin, yema waremagoluk woknonoboluk wegep a? 5Nis o Mesir en woknonoboluk liplau wegeptik di a’ge yu a’ge owi yoru modok miama yema no’gosogo tuagoluk woknonoboluk wegep o. O yema re, gandum emin, e ara emin, anggur emin, delima emin, edip modok erlagat, ye, ik no a’ge ogo re, modogat erlakma woknonoboluk wegep yema re!” oluk wene yagentigisa.
6Asogo wene yagentigisema, Musa Harun emin, is ebano onoboluk onomu nak o nenaik ’gain Onuk Logo a’ge sum owi a’ge werikmu eragam ebano inlai legesarik, ondogorlu pam hweriogo welat nenaik ’gain Onuk Logo a’ge erliktigisa. Asogo tigisema, nenaik ’gain Onuk Logo a’ge ebe welat e, at amolit ano enebam yogo pesi. 7Asogo yogo pesirik e, Musa disogo mo’gulesi,
8“’Bouwa’gun ebe re, peti wene an en wene wusogo wokhenebegis a’ge ano ogola yagarak a’ge orogolema oruak a’ge ano waguntik e, Harun hemin en aphwami Israel a’ge ’berlegat odogenebip o. Arat odoksogo enebegep holuk, is ’berlegat enilem, helep ia oruak a’ge ai ogola en ik elaruk hurl heli’gogo liplaumagoluk mo’gulomup o. Asogo mo’guloroguntik, hat en helep ia ai ogola en ik elaruk lebikpou wagoam aphwami ’berlegat eneiyagai emin, onuam emin, enegeik elirat no’gu lema o,” oluk mo’gulesi.
9Asogo mo’gulesimu, at Musa nenaik ’gain Onuk Logo a’ge en mo’gulesi ’gela’geat ’bouwa’gun ano wai laga. 10Asogo wai lagarik, Harun emin en aphwami ’berlegat helep ia ano edipmu en odoksogo enebegesarik, at Musa en e, disogo mo’gulentesi,
“Henebabut Allah eragam a’ge wolom pukmu en homi pebisogo honomuat in omogoluk togu legep a’ge yu malik logwe! Henesa’go opsogo hwelit o. His heniak ningsogoat ogu legep ai pam en, nis en ik his henebaget helep ia yu ogola en lebikpulno?” oluk mo’gulentesi. 11Asogo mo’gulentesirik, at Musa en ’bouwa’gun ano wesirik helep ia ano e’gik ’birenam ’go’bu pukhesi. Asogo pukhasuam e, ik elaruk hurl heli’gogo annisogoat liplau wagama re, aphwami ’berlegat emin, onuam emin, elirat ne’gesa.
12Asogo a’geat de, nenaik ’gain Onuk Logo a’ge en Musa Harun emin ene’gerli wusogo wene yagentasulat, disogo mo’gulentesi,
“His henede an nebam, we, wei nak he’berik pogulat, an nu’gwarek degelak a’ge nebe pobirak noboluk aphwami Israel a’ge enilem an nanni pam hau do’goksogo tu erlakma en, henede en opoluk tigep ai en, an o is wogentaigoluk wene weragenebegimu ebano his he’birek en wogonoboluk lagup modok erlak o,” oluk mo’gulentesi.
13O eba en is aphwami Israel a’ge en,
“Degenikmu yema nenebit e,” oluk nenaik ’gain Onuk Logo a’ge mo’gulegisema at u’gwarek degelak a’ge anni pam asogo tagenebesi ai en, ik elaruk ai onuk Meriba tualigisa.#Kel. 17:1-7
Aphwami ena’gul onuk Edom a’ge onue ’gain onuk logo a’ge en, “Aphwami Israel a’ge ’go yu lagup erlak o,” oluk mo’gulentesi wene
14At Musa en osi logon yo’go onoboluk o Kades eba en ap ’gain is aphwami ena’gul onuk Edom a’ge onue ’gain onuk logo a’ge e’bek peragenebesimu legesarik disogo mo’guligisa,
“Nue, nis nenebe re, hat harilak Israel a’ge nenemin hwedik welege ano a’ge o. Hat e, nis modok wiak taknonobu legesa ai haluk o, nue. 15Nis nena’bu-nene’balak o Mesir ebano legesarik tahun a’bigat welegesa. Asogo oruakma, aphwami Mesir a’ge en nena’bu-nene’balak modok wiagaronobogu legesarik nis ogo asogoat wiagap nonobogu legesayat o. 16Asogo taknonobogukhwe nis en nenaik ’gain Onuk Logo a’ge en delnonobuagoluk neniak loksogoat mo’gulogu lege. Asogo mo’gulogukhwe neniak esa’go hwelegeirik e, malaikat mesik yo’go pesirik nene’bek perakpou wagama re, at en o Mesir en woknonoboluk liplau wagama waga legerik yogodak o kota Kades o nonue hat oruakma hwerli pam yema welege o. 17Nis hat howi lo’gwe louwogoluk ’gonu mo’gulhosu ege o, nue. Nis nenebe emin, nonuam emin, ebela lok o’gwe yu pam wagalat, ebela mu’gwe lagalat, yabuk o’gwe de a? Anggur owi yogo’gwe de a, ’gogulat, tul modok erlak o. Nis e, hat hegeik omugwe ye’gelak mesik e, no erlak, ebela lok o’gwe ’bekhirat o hat oruakma eba ukpoluk liplai lul o, nue,” oluk mo’guligisa.
18Asogo mo’guligisa a’geat de, is ap Edom a’ge en e, disogo mo’guligisa,
“Nis en e, his o nis welege akhit yema en lagup en e, manup o, oluk mo’gulhontul erlak o. His en ningsogoat asogo worogup holuk, nis en wathonobuogoluk tul o,” oluk mo’gulentigisa.
19Asogo mo’gulentigisema, is aphwami Israel a’ge en e,
“Nis e, ebela lok o’gwe ’bekhirat lul o. Lagalat, nenebe en ogo, nonuam en ogo, his henegeik logon nultik holuk e, o’go wokhontulat o. We, nis e, ebela ’go yu womogoluk mo’gulhige o, nue,” oluk mo’guligisa.
20Asogo mo’guligisa a’geat de, is aphwami Edom a’ge en e, disogo lagaksogo mo’gulentigisa,
“His ebela ’go yu worogup modok erlak o,” oluk mo’gulentigisarik e, aphwami Israel a’ge waronobuogoluk ap tentara enanni a’bik a’ge enemin liplau wegesa. 21Aphwami Edom a’ge en,
“Ebela nis nonowi lo’gwe yu lagup modok erlak o,” oluk egesa ai en, aphwami Israel a’ge ebano togolik sogulogo re, ebela mu’gwe en womogoluk tigisa.
Ap Harun ebe waraga wene
22Is aphwami Israel a’ge ebano enebe ’berlegat o Kades ukpoluk e, dom onuk Hor ebam ligegesa. 23Dom Hor ai re, o Edom hwerli pam. O eba en nenaik ’gain Onuk Logo a’ge en Musa Harun e’birek disogo mo’gulentesi,
24“Hat Harun e, an en aphwami Israel a’ge o wogentaigoluk wene weragenebegimu eba ’gogun erlak o. His he’birek en ik Meriba elaruk liplau wagoma eba en an niak sagalogo tigep ano en, hat warorogun o. 25Hat Musa en e, Harun omlogo Eleazar emin wogonoboluk dom Hor pam ligomup o. 26Eba ligoroguntik, Harun osum no’gorlogo re, Eleazar ’buktak pomup o. Asogo ’buktak poma at Harun eba warema o,” oluk mo’gulesi. 27Asogo mo’gulesimu at Musa en nenaik ’gain Onuk Logo a’ge en mo’gulesi hegitsogoat tegei. Musa emin, Harun emin, Eleazar emin, aphwami Israel a’ge ’berlegat enil oruakhweat de, dom Hor ebam ligegesa. 28Arat ligegesarik e, Musa en Harun osum no’gorlogo re, Eleazar ’buktak pesi. Dom ai duk ebe pam Harun ebe waragama poluk e, Musa Eleazar e’birek togolik ’bu egesa.#Ula. 10:6 29Asogo waragama poluk ’bu egesarik, aphwami Israel a’ge ’berlegat mo’gulentigisema enesa’go hweligisarik e, Harun werak ano paget pong worogulat agauwa 30 pam welegesa.
Currently Selected:
Bilangan 20: Wul
Highlight
Copy
Compare
Share
Want to have your highlights saved across all your devices? Sign up or sign in
Bilangan 20
20
O Kades ebano en wene mesik nam aga wene
(Keluaran 17:1-7)
1Aphwami Israel a’ge en dugwi ene’gik wenarogulat naduk wenarogwi a’ge ano pam, enebe ’berlegat o leimu aphwami erlakma onuk Zin leimu eba wegesarik, o Kades ebano welegesa. Eba oruakma hwe Miryam ebe waragama ebanoat ’gwiang ’balogo saligisa.
2Agauwa agaikhen pam e, is onowi sum a’ge werikmu eba ik modok erlak welaga. Asogo oruak en, aphwami Israel a’ge Musa Harun ene’bek derlelonobogu legesa. 3Derlelonobogu legesarik e,
“Degenikmu yema nenebit e,” oluk wene yagontogulat e, disogo mo’gulentigisa,
“Nenaik ’gain Onuk Logo a’ge il pamat nis nenarilak nonorokhwi neneminat warom obat a’ge. 4His en nis o leimu aphwami erlakma yema Allah eiyagai woknonoboluk wegep yema nopaget o. Nis nenebe emin, nonuam emin, yema waremagoluk woknonoboluk wegep a? 5Nis o Mesir en woknonoboluk liplau wegeptik di a’ge yu a’ge owi yoru modok miama yema no’gosogo tuagoluk woknonoboluk wegep o. O yema re, gandum emin, e ara emin, anggur emin, delima emin, edip modok erlagat, ye, ik no a’ge ogo re, modogat erlakma woknonoboluk wegep yema re!” oluk wene yagentigisa.
6Asogo wene yagentigisema, Musa Harun emin, is ebano onoboluk onomu nak o nenaik ’gain Onuk Logo a’ge sum owi a’ge werikmu eragam ebano inlai legesarik, ondogorlu pam hweriogo welat nenaik ’gain Onuk Logo a’ge erliktigisa. Asogo tigisema, nenaik ’gain Onuk Logo a’ge ebe welat e, at amolit ano enebam yogo pesi. 7Asogo yogo pesirik e, Musa disogo mo’gulesi,
8“’Bouwa’gun ebe re, peti wene an en wene wusogo wokhenebegis a’ge ano ogola yagarak a’ge orogolema oruak a’ge ano waguntik e, Harun hemin en aphwami Israel a’ge ’berlegat odogenebip o. Arat odoksogo enebegep holuk, is ’berlegat enilem, helep ia oruak a’ge ai ogola en ik elaruk hurl heli’gogo liplaumagoluk mo’gulomup o. Asogo mo’guloroguntik, hat en helep ia ai ogola en ik elaruk lebikpou wagoam aphwami ’berlegat eneiyagai emin, onuam emin, enegeik elirat no’gu lema o,” oluk mo’gulesi.
9Asogo mo’gulesimu, at Musa nenaik ’gain Onuk Logo a’ge en mo’gulesi ’gela’geat ’bouwa’gun ano wai laga. 10Asogo wai lagarik, Harun emin en aphwami ’berlegat helep ia ano edipmu en odoksogo enebegesarik, at Musa en e, disogo mo’gulentesi,
“Henebabut Allah eragam a’ge wolom pukmu en homi pebisogo honomuat in omogoluk togu legep a’ge yu malik logwe! Henesa’go opsogo hwelit o. His heniak ningsogoat ogu legep ai pam en, nis en ik his henebaget helep ia yu ogola en lebikpulno?” oluk mo’gulentesi. 11Asogo mo’gulentesirik, at Musa en ’bouwa’gun ano wesirik helep ia ano e’gik ’birenam ’go’bu pukhesi. Asogo pukhasuam e, ik elaruk hurl heli’gogo annisogoat liplau wagama re, aphwami ’berlegat emin, onuam emin, elirat ne’gesa.
12Asogo a’geat de, nenaik ’gain Onuk Logo a’ge en Musa Harun emin ene’gerli wusogo wene yagentasulat, disogo mo’gulentesi,
“His henede an nebam, we, wei nak he’berik pogulat, an nu’gwarek degelak a’ge nebe pobirak noboluk aphwami Israel a’ge enilem an nanni pam hau do’goksogo tu erlakma en, henede en opoluk tigep ai en, an o is wogentaigoluk wene weragenebegimu ebano his he’birek en wogonoboluk lagup modok erlak o,” oluk mo’gulentesi.
13O eba en is aphwami Israel a’ge en,
“Degenikmu yema nenebit e,” oluk nenaik ’gain Onuk Logo a’ge mo’gulegisema at u’gwarek degelak a’ge anni pam asogo tagenebesi ai en, ik elaruk ai onuk Meriba tualigisa.#Kel. 17:1-7
Aphwami ena’gul onuk Edom a’ge onue ’gain onuk logo a’ge en, “Aphwami Israel a’ge ’go yu lagup erlak o,” oluk mo’gulentesi wene
14At Musa en osi logon yo’go onoboluk o Kades eba en ap ’gain is aphwami ena’gul onuk Edom a’ge onue ’gain onuk logo a’ge e’bek peragenebesimu legesarik disogo mo’guligisa,
“Nue, nis nenebe re, hat harilak Israel a’ge nenemin hwedik welege ano a’ge o. Hat e, nis modok wiak taknonobu legesa ai haluk o, nue. 15Nis nena’bu-nene’balak o Mesir ebano legesarik tahun a’bigat welegesa. Asogo oruakma, aphwami Mesir a’ge en nena’bu-nene’balak modok wiagaronobogu legesarik nis ogo asogoat wiagap nonobogu legesayat o. 16Asogo taknonobogukhwe nis en nenaik ’gain Onuk Logo a’ge en delnonobuagoluk neniak loksogoat mo’gulogu lege. Asogo mo’gulogukhwe neniak esa’go hwelegeirik e, malaikat mesik yo’go pesirik nene’bek perakpou wagama re, at en o Mesir en woknonoboluk liplau wagama waga legerik yogodak o kota Kades o nonue hat oruakma hwerli pam yema welege o. 17Nis hat howi lo’gwe louwogoluk ’gonu mo’gulhosu ege o, nue. Nis nenebe emin, nonuam emin, ebela lok o’gwe yu pam wagalat, ebela mu’gwe lagalat, yabuk o’gwe de a? Anggur owi yogo’gwe de a, ’gogulat, tul modok erlak o. Nis e, hat hegeik omugwe ye’gelak mesik e, no erlak, ebela lok o’gwe ’bekhirat o hat oruakma eba ukpoluk liplai lul o, nue,” oluk mo’guligisa.
18Asogo mo’guligisa a’geat de, is ap Edom a’ge en e, disogo mo’guligisa,
“Nis en e, his o nis welege akhit yema en lagup en e, manup o, oluk mo’gulhontul erlak o. His en ningsogoat asogo worogup holuk, nis en wathonobuogoluk tul o,” oluk mo’gulentigisa.
19Asogo mo’gulentigisema, is aphwami Israel a’ge en e,
“Nis e, ebela lok o’gwe ’bekhirat lul o. Lagalat, nenebe en ogo, nonuam en ogo, his henegeik logon nultik holuk e, o’go wokhontulat o. We, nis e, ebela ’go yu womogoluk mo’gulhige o, nue,” oluk mo’guligisa.
20Asogo mo’guligisa a’geat de, is aphwami Edom a’ge en e, disogo lagaksogo mo’gulentigisa,
“His ebela ’go yu worogup modok erlak o,” oluk mo’gulentigisarik e, aphwami Israel a’ge waronobuogoluk ap tentara enanni a’bik a’ge enemin liplau wegesa. 21Aphwami Edom a’ge en,
“Ebela nis nonowi lo’gwe yu lagup modok erlak o,” oluk egesa ai en, aphwami Israel a’ge ebano togolik sogulogo re, ebela mu’gwe en womogoluk tigisa.
Ap Harun ebe waraga wene
22Is aphwami Israel a’ge ebano enebe ’berlegat o Kades ukpoluk e, dom onuk Hor ebam ligegesa. 23Dom Hor ai re, o Edom hwerli pam. O eba en nenaik ’gain Onuk Logo a’ge en Musa Harun e’birek disogo mo’gulentesi,
24“Hat Harun e, an en aphwami Israel a’ge o wogentaigoluk wene weragenebegimu eba ’gogun erlak o. His he’birek en ik Meriba elaruk liplau wagoma eba en an niak sagalogo tigep ano en, hat warorogun o. 25Hat Musa en e, Harun omlogo Eleazar emin wogonoboluk dom Hor pam ligomup o. 26Eba ligoroguntik, Harun osum no’gorlogo re, Eleazar ’buktak pomup o. Asogo ’buktak poma at Harun eba warema o,” oluk mo’gulesi. 27Asogo mo’gulesimu at Musa en nenaik ’gain Onuk Logo a’ge en mo’gulesi hegitsogoat tegei. Musa emin, Harun emin, Eleazar emin, aphwami Israel a’ge ’berlegat enil oruakhweat de, dom Hor ebam ligegesa. 28Arat ligegesarik e, Musa en Harun osum no’gorlogo re, Eleazar ’buktak pesi. Dom ai duk ebe pam Harun ebe waragama poluk e, Musa Eleazar e’birek togolik ’bu egesa.#Ula. 10:6 29Asogo waragama poluk ’bu egesarik, aphwami Israel a’ge ’berlegat mo’gulentigisema enesa’go hweligisarik e, Harun werak ano paget pong worogulat agauwa 30 pam welegesa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in