Bilangan 18
18
Allah eiye a’ge emin, Lewi a’ge emin, en enia ’buk set sogoat togulom wene
1At Allah en Harun mo’guleselat e, mu ano wiagap pogwi holuk e, “Hat emin, heiyagai emin, hat he’balak dogoma a’ge ’berlegat emin, his ai honomuat henebam welema o. Ye, an nebe eiye wolomok oluk holuk e, hono mukat henebam oruak a’ge ebano, ukpogwi holuk nak e, hat heiyagai enemin nak honomuat henebam welema ani o. 2Asogo takma re, hat emin, heiyagai emin, an nowi sabo werik niak ’belak a’ge peti ogola yagarak a’ge eragam o’gwe ebano yabuk togulat, lethontouwak oluk, haiklak enemin dogo a’ge hue hari ha’gul onuk Lewi a’ge mo’gulentasu lomup o. 3Is ebano re, his heniak nak hologulat, ye, an nowi sabo werikmu en tu a’ge ebano togulat, togu lemak o. Ye, asogo togulat, his emin, nis emin, henebe warom ’gela’ge, o asuama di a’ge yu a’ge oruakma henebe horok lau wagalat, ye, nebaget wusogo e narlogumu horok lau wagalat, tu modok mia o. 4An nemin hwedik togumu nowi sabo werikmu ebano degelogulat togulom a’ge eiye isatma re, mesik tu a’ge ago holuk e, henemin togumu, is aphwami we a’ge horoksogo hentau wom mia o.
5Is aphwami Israel a’ge an nolot het enebam pegi ai ’gela’ge mesik emin enebam paikno oluk, an nebaget wusogo e narlogumu emin, o asuama emin, degelogulat tuak oluk, homu nagat eiyetak hebegi o. 6Letnio a’ge mesik woknema, oluk opo erlakhweat de, an nemin hwedik togumu nowi sabo werikmu eba henemin an nebaget togu lorogup en e, is hat harilak ena’gul Lewi a’ge yu, aphwami Israel a’ge ene’gerlakma en pulogo wokhegis ai o. 7Ye, hat heiyagai enemin nak e, asogo taknonobo a’ge, oluk opo erlakmaat de, an nebe eiye welemagoluk, nomukat wusogo henebam pegirik, nebaget wusogo e narlogumu emin, di ebele yu ebele togwi a’ge sum ogola ’gwe sepnik oruak a’ge ano emin, his nak enat nebe eiye welat togu lorogup en e, eiye takhenebegimu re, o asuama ebano is aphwami we yogunat horoksogo wagai holuk, waremak oluk wusogo onobogu lomup,” oluk, mo’gulesi.
Is Allah eiye a’ge en Allah ebaget a’ge pema horlogulom wene
8Pobuk, at Allah en Harun mo’guleselat,
“Is Israel a’ge en di a’ge yu a’ge omu polik a’ge an nebaget pou wagai ai re, hat emin, heiyagai emin, en a’geatma re, hat Harun eiye wolorogun en e, an enat edikhebegi o. Edikhebegimu re, tu a’ge, wene mo’gulheik a’ge yu modok modogat taga lomup o. 9Gandum e’gen hwelilogo nebaget pou wagai a’ge ebano emin, onowiak erlagapsogo pou wagoluk, nebaget wusogo pogwi a’ge ebano emin, niak sagalogwi a’ge paget eberak welegi a’ge ebano erlak emagoluk, o’go pou wagai a’ge ebano emin, di a’ge yu a’ge omu degelak modok asua a’ge nebaget pou wagai a’ge ebano ’berlegat odouk narlogumu ebano narlu erlak holuk e, hat emin, heiyagai emin henebageratma re, 10Heneiyagai ap a’ge nak henemin no’gulat, yu Allah ebaget a’ge omuat degelakma re asua at hegi, opoluk, no’gu lomup o.
11Ye, mesik e, is aphwami Israel a’ge en, yu Allah ebaget a’ge o, oluk, woknogwi a’ge pema ebano ogo re, his hena’geatma re, hat emin, heiyagai logomalik emin, hwelani emin, modok-modogat no’gulemagoluk henebaget pulogo henebegi o. Ye, no’gulat, his henemin welegep a’ge mesik ebam wiak e’gerlik erlakma en op oruak holuk e, henemin no’gulomma re, obat o.
12Naduk a’ge ’balogo an Allah nebaget degelogo pou wagai ai ’gela’ge, e’gen naduk a’ge agap e’gen wokho e zaitun a’bosu emin, anggur a’bosu emin, ye, gandum e’gen emin, modok op a’ge holuk nak, ’berlegat his henebaget enekho henebegi ai o, 13ono’gwiangma yorua a’ge e’gen naduk ua a’ge an Allah nebaget pou wagai ano re, his henebagetma re, is ap logon his henemin welegep a’ge ebam wiak logon erlak a’ge op oruak holuk e, enemin no’gulom e, obat o.
14 #
Ima. 27:28
O Israel a’ge welagaimu di a’ge yu a’ge ’berlegat an Allah nebaget pulogo pouwa a’ge oruak holuk e, his henebaget a’geatma re, horlogu lomupat o.
15Aphwami a, honuam a, honosue ’baik-de a, ia ogola en naduk dak ago holuk, an Allah nebaget naduk pulogo pou wagai ano re, ’berlegat his en a’geat o. Asogo a’geat de enemalik naduk dogo a’ge ap emin, onuam no mia oluk asua tak a’ge ano a’ge naduk dogo a’ge ierak emin, ai holuk nak e, ebalema uangat pogu lemak o. 16Dogo oruakhwe dogwi mesik peleliso holuk, an nowi sabo werikmu ogo, disogo po yo, oluktak a’ge ano hegitsogo is ebano enebalema o’go uang syikal a’ge 5 at pogu lemak o. Uang syikal mesigat ai a’ge, e’gin e walhogulat, uang 20 gera at o.
17Asogoat togularat de, sapi emin, kambing domba emin, naduk dogo a’ge ’berlegat eba re, an nebaget nagat polukmu re, ebalema uang po re mia o. At e, ebe wusogo poluk, nebaget e narlogumu ologun ’balogo pei lagalat, ye, esei holuk e an Allah e’ben op a’ge sang hasulat, nogola nagai haik en e, nebaget wusogo e narlogumu ebano a’geatma oluk, e narlogulat, togu lomup o. 18Ye, amua’go odogun uak emin, oyuk ’bekhit akhit sarak emin, yu hat Allah hebaget o, oluk, onuk nioluk woknotluk, his wokhontogwi a’ge ebano ’gela’ge ebe ’gorik ’belak ebano ogo re, hisat horlogu lomup o.
19Ye, is aphwami Israel a’ge en an nebaget polik a’ge ebano woluk, yu re hat Allah hebaget a’ge o, oluk, pou wagai a’ge eba re, hat emin, heiyagai emin, hogolani emin, henebagerat pulogo henebegi o. Ap mesik emin wene ’belakpoluk, dogok osoma no oluk mayu pelogo poluk, no’gwi ’gela’ge, hat he’balak weiyelak a’ge enemin wene tak a’ge yu, dogok osoma no oluk, an Allah nil pam modok-modok ai pamat welemak o,” oluk, mo’gulesi.
Is Ap Lewi a’ge en eiyetak pagathorlo wene
20mo’gulesirik, at ’gain Onuk Logo a’ge Allah en Harun mo’guleselat,
“O aphwami Israel a’ge eiye wolomma eba enemining a’ge ’gela’ge ’gwiang wogentasulat, his logon eiye wolorogup a’ge, wokhentaik erlak o. Israel a’ge ene’gerlakma welat, hono’gwiang eiye om ’gela’ge an nebe eiye welegep ano pam enat sabusogo no’gu lorogup ani o.
21 #
Ima. 27:30-33; Ula. 14:22-29 Ye, ena’gul onuk Lewi a’ge enemin hwedik togumu nowi sabo werikmu ebano yabuk togwi a’ge o’go re, is Israel a’ge ena’ge 10 oruak holuk, mesik dedilogo nebaget pou wagai a’ge ebano ’berlegat is Lewi a’ge enemening a’ge ’gela’ge wogentegis ai o.
22Asogo takma re, yogodak hwerli en is aphwami Israel a’ge an nemin hwedik togumu nowi sabo werikmu eba horoksogo wagai holuk e, ai onomuat wiagat tak pagathorlouwama re, waragai-mu no oluk, wagaimu no yo. 23Is ap Lewi a’ge nak an nemin hwedik togumu nowi sabo werikmu eba yabuk togumu, eba togulat, nowi sabo werik a’ge wiagapsogo pogwi holuk e, is onomuat o, wene yu hat heiyagai he’balak dagetil laga lema a’ge ebano en modok-modogat til waga lemagoluk, modogat mo’gulhegis ai o. Ye, is Lewi a’ge ai, is aphwami Israel a’ge enemining a’ge horlogwi ’gela’ge, is logon horlouwa erlak o. 24Is aphwami Israel a’ge ena’ge lo oruak holuk mesik dedilogo an Allah nebaget woknosu agai anoat o, is Lewi a’ge en a’geatma oluk wogentegis o. Is Lewi a’ge ai, aphwami Israel a’ge enemining a’ge horlogwi ’gela’ge, is logon horlouwa erlak o, oluk, egesa o,” oluk, Mo’gulesi.
Is Lewi a’ge en Allah ebaget omu muat pulogo po’gulom wene
25mo’gulesirik, at Allah en Musa mo’guleselat,
26“Is ap Lewi a’ge wene mo’gulonto ano re, yuat. Is aphwami Israel a’ge en ena’ge-a’ge 10 oruak holuk, mesik dedilogo an nebaget pou wagai ano re, enemining a’ge horlogwi ’gela’geat wogentegisema re, wogu lemarik, is en 10 oruak a’ge ebano mesik dedilogo an Allah nebaget pogulat, togu lemak o.
27Ye, is an nebaget dedilogo pogulat togulom ano re, is aphwami en gandum e’gen agap wogulat, naduk e’gen wogo a’ge nebaget pou wagalat, anggur e’gen a’bosu ’berelogulat, a’bosu naduk ne’gak a’ge nebaget pou wagalat, togwi ’gela’geat pogu lege ai o, opogu lemak o. 28Ai ebelesogoat togulat, is Lewi a’ge ogo, an nebaget pogulomma re, aphwami Israel a’ge en 10 oruak holuk, mesik dedilogo an nebaget pou wagai a’ge ebano mesik dedilogo an Allah nebaget pogu lemak o. Ye, pogu lemarik, pouwa a’ge ano is Lewi a’ge en ap an nebe eiye a’ge harun wogogu lemak o. 29Is Israel a’ge en Lewi a’ge wogentau wagaiam e, is Lewi a’ge en modok op a’ge holuk nak, enekho poluk, an nebaget pogu lemak o.
30Ye, ap Lewi wene mesik mo’gulom ano re yu o. Is Lewi a’ge en di a’ge yu a’ge modok op a’ge holuk nak, an nebaget enekho pogu lemarik, gandum agap e’gen wogulat, e’gen a’bosu ’berelogulat, a’bosu ne’gak a’ge pema dedilogo pogulat, togwi ai ’gela’ge, is en pou wagai a’ge ebano enogo re, dedilaga a’ge yemayat hege o, opoluk,
31an nemin hwedik togumu nowi sabo werikmu yabuk togwi a’ge o’go is Lewi a’ge emin, is enemin welagai a’ge emin, o asua erlak ua ma eba en no’gulom obat o.
32Is aphwami Israel a’ge en an nebaget pulogo poluk, pouma a’ge ebano, is Lewi a’ge en modok op a’ge holuk nak, an nebaget pulogo poluk woknogwi holuk e, wene tak a’ge sagalogo pogulat, is Israel a’ge en an nebaget enekho pou wegesa a’ge ebano wiagapsogo pogulat, is enebe waragalat, tua modok erlak o egei, oluk mo’gulontomup o,” oluk mo’gulesi.
Currently Selected:
Bilangan 18: Wul
Highlight
Copy
Compare
Share
Want to have your highlights saved across all your devices? Sign up or sign in
Bilangan 18
18
Allah eiye a’ge emin, Lewi a’ge emin, en enia ’buk set sogoat togulom wene
1At Allah en Harun mo’guleselat e, mu ano wiagap pogwi holuk e, “Hat emin, heiyagai emin, hat he’balak dogoma a’ge ’berlegat emin, his ai honomuat henebam welema o. Ye, an nebe eiye wolomok oluk holuk e, hono mukat henebam oruak a’ge ebano, ukpogwi holuk nak e, hat heiyagai enemin nak honomuat henebam welema ani o. 2Asogo takma re, hat emin, heiyagai emin, an nowi sabo werik niak ’belak a’ge peti ogola yagarak a’ge eragam o’gwe ebano yabuk togulat, lethontouwak oluk, haiklak enemin dogo a’ge hue hari ha’gul onuk Lewi a’ge mo’gulentasu lomup o. 3Is ebano re, his heniak nak hologulat, ye, an nowi sabo werikmu en tu a’ge ebano togulat, togu lemak o. Ye, asogo togulat, his emin, nis emin, henebe warom ’gela’ge, o asuama di a’ge yu a’ge oruakma henebe horok lau wagalat, ye, nebaget wusogo e narlogumu horok lau wagalat, tu modok mia o. 4An nemin hwedik togumu nowi sabo werikmu ebano degelogulat togulom a’ge eiye isatma re, mesik tu a’ge ago holuk e, henemin togumu, is aphwami we a’ge horoksogo hentau wom mia o.
5Is aphwami Israel a’ge an nolot het enebam pegi ai ’gela’ge mesik emin enebam paikno oluk, an nebaget wusogo e narlogumu emin, o asuama emin, degelogulat tuak oluk, homu nagat eiyetak hebegi o. 6Letnio a’ge mesik woknema, oluk opo erlakhweat de, an nemin hwedik togumu nowi sabo werikmu eba henemin an nebaget togu lorogup en e, is hat harilak ena’gul Lewi a’ge yu, aphwami Israel a’ge ene’gerlakma en pulogo wokhegis ai o. 7Ye, hat heiyagai enemin nak e, asogo taknonobo a’ge, oluk opo erlakmaat de, an nebe eiye welemagoluk, nomukat wusogo henebam pegirik, nebaget wusogo e narlogumu emin, di ebele yu ebele togwi a’ge sum ogola ’gwe sepnik oruak a’ge ano emin, his nak enat nebe eiye welat togu lorogup en e, eiye takhenebegimu re, o asuama ebano is aphwami we yogunat horoksogo wagai holuk, waremak oluk wusogo onobogu lomup,” oluk, mo’gulesi.
Is Allah eiye a’ge en Allah ebaget a’ge pema horlogulom wene
8Pobuk, at Allah en Harun mo’guleselat,
“Is Israel a’ge en di a’ge yu a’ge omu polik a’ge an nebaget pou wagai ai re, hat emin, heiyagai emin, en a’geatma re, hat Harun eiye wolorogun en e, an enat edikhebegi o. Edikhebegimu re, tu a’ge, wene mo’gulheik a’ge yu modok modogat taga lomup o. 9Gandum e’gen hwelilogo nebaget pou wagai a’ge ebano emin, onowiak erlagapsogo pou wagoluk, nebaget wusogo pogwi a’ge ebano emin, niak sagalogwi a’ge paget eberak welegi a’ge ebano erlak emagoluk, o’go pou wagai a’ge ebano emin, di a’ge yu a’ge omu degelak modok asua a’ge nebaget pou wagai a’ge ebano ’berlegat odouk narlogumu ebano narlu erlak holuk e, hat emin, heiyagai emin henebageratma re, 10Heneiyagai ap a’ge nak henemin no’gulat, yu Allah ebaget a’ge omuat degelakma re asua at hegi, opoluk, no’gu lomup o.
11Ye, mesik e, is aphwami Israel a’ge en, yu Allah ebaget a’ge o, oluk, woknogwi a’ge pema ebano ogo re, his hena’geatma re, hat emin, heiyagai logomalik emin, hwelani emin, modok-modogat no’gulemagoluk henebaget pulogo henebegi o. Ye, no’gulat, his henemin welegep a’ge mesik ebam wiak e’gerlik erlakma en op oruak holuk e, henemin no’gulomma re, obat o.
12Naduk a’ge ’balogo an Allah nebaget degelogo pou wagai ai ’gela’ge, e’gen naduk a’ge agap e’gen wokho e zaitun a’bosu emin, anggur a’bosu emin, ye, gandum e’gen emin, modok op a’ge holuk nak, ’berlegat his henebaget enekho henebegi ai o, 13ono’gwiangma yorua a’ge e’gen naduk ua a’ge an Allah nebaget pou wagai ano re, his henebagetma re, is ap logon his henemin welegep a’ge ebam wiak logon erlak a’ge op oruak holuk e, enemin no’gulom e, obat o.
14 #
Ima. 27:28
O Israel a’ge welagaimu di a’ge yu a’ge ’berlegat an Allah nebaget pulogo pouwa a’ge oruak holuk e, his henebaget a’geatma re, horlogu lomupat o.
15Aphwami a, honuam a, honosue ’baik-de a, ia ogola en naduk dak ago holuk, an Allah nebaget naduk pulogo pou wagai ano re, ’berlegat his en a’geat o. Asogo a’geat de enemalik naduk dogo a’ge ap emin, onuam no mia oluk asua tak a’ge ano a’ge naduk dogo a’ge ierak emin, ai holuk nak e, ebalema uangat pogu lemak o. 16Dogo oruakhwe dogwi mesik peleliso holuk, an nowi sabo werikmu ogo, disogo po yo, oluktak a’ge ano hegitsogo is ebano enebalema o’go uang syikal a’ge 5 at pogu lemak o. Uang syikal mesigat ai a’ge, e’gin e walhogulat, uang 20 gera at o.
17Asogoat togularat de, sapi emin, kambing domba emin, naduk dogo a’ge ’berlegat eba re, an nebaget nagat polukmu re, ebalema uang po re mia o. At e, ebe wusogo poluk, nebaget e narlogumu ologun ’balogo pei lagalat, ye, esei holuk e an Allah e’ben op a’ge sang hasulat, nogola nagai haik en e, nebaget wusogo e narlogumu ebano a’geatma oluk, e narlogulat, togu lomup o. 18Ye, amua’go odogun uak emin, oyuk ’bekhit akhit sarak emin, yu hat Allah hebaget o, oluk, onuk nioluk woknotluk, his wokhontogwi a’ge ebano ’gela’ge ebe ’gorik ’belak ebano ogo re, hisat horlogu lomup o.
19Ye, is aphwami Israel a’ge en an nebaget polik a’ge ebano woluk, yu re hat Allah hebaget a’ge o, oluk, pou wagai a’ge eba re, hat emin, heiyagai emin, hogolani emin, henebagerat pulogo henebegi o. Ap mesik emin wene ’belakpoluk, dogok osoma no oluk mayu pelogo poluk, no’gwi ’gela’ge, hat he’balak weiyelak a’ge enemin wene tak a’ge yu, dogok osoma no oluk, an Allah nil pam modok-modok ai pamat welemak o,” oluk, mo’gulesi.
Is Ap Lewi a’ge en eiyetak pagathorlo wene
20mo’gulesirik, at ’gain Onuk Logo a’ge Allah en Harun mo’guleselat,
“O aphwami Israel a’ge eiye wolomma eba enemining a’ge ’gela’ge ’gwiang wogentasulat, his logon eiye wolorogup a’ge, wokhentaik erlak o. Israel a’ge ene’gerlakma welat, hono’gwiang eiye om ’gela’ge an nebe eiye welegep ano pam enat sabusogo no’gu lorogup ani o.
21 #
Ima. 27:30-33; Ula. 14:22-29 Ye, ena’gul onuk Lewi a’ge enemin hwedik togumu nowi sabo werikmu ebano yabuk togwi a’ge o’go re, is Israel a’ge ena’ge 10 oruak holuk, mesik dedilogo nebaget pou wagai a’ge ebano ’berlegat is Lewi a’ge enemening a’ge ’gela’ge wogentegis ai o.
22Asogo takma re, yogodak hwerli en is aphwami Israel a’ge an nemin hwedik togumu nowi sabo werikmu eba horoksogo wagai holuk e, ai onomuat wiagat tak pagathorlouwama re, waragai-mu no oluk, wagaimu no yo. 23Is ap Lewi a’ge nak an nemin hwedik togumu nowi sabo werikmu eba yabuk togumu, eba togulat, nowi sabo werik a’ge wiagapsogo pogwi holuk e, is onomuat o, wene yu hat heiyagai he’balak dagetil laga lema a’ge ebano en modok-modogat til waga lemagoluk, modogat mo’gulhegis ai o. Ye, is Lewi a’ge ai, is aphwami Israel a’ge enemining a’ge horlogwi ’gela’ge, is logon horlouwa erlak o. 24Is aphwami Israel a’ge ena’ge lo oruak holuk mesik dedilogo an Allah nebaget woknosu agai anoat o, is Lewi a’ge en a’geatma oluk wogentegis o. Is Lewi a’ge ai, aphwami Israel a’ge enemining a’ge horlogwi ’gela’ge, is logon horlouwa erlak o, oluk, egesa o,” oluk, Mo’gulesi.
Is Lewi a’ge en Allah ebaget omu muat pulogo po’gulom wene
25mo’gulesirik, at Allah en Musa mo’guleselat,
26“Is ap Lewi a’ge wene mo’gulonto ano re, yuat. Is aphwami Israel a’ge en ena’ge-a’ge 10 oruak holuk, mesik dedilogo an nebaget pou wagai ano re, enemining a’ge horlogwi ’gela’geat wogentegisema re, wogu lemarik, is en 10 oruak a’ge ebano mesik dedilogo an Allah nebaget pogulat, togu lemak o.
27Ye, is an nebaget dedilogo pogulat togulom ano re, is aphwami en gandum e’gen agap wogulat, naduk e’gen wogo a’ge nebaget pou wagalat, anggur e’gen a’bosu ’berelogulat, a’bosu naduk ne’gak a’ge nebaget pou wagalat, togwi ’gela’geat pogu lege ai o, opogu lemak o. 28Ai ebelesogoat togulat, is Lewi a’ge ogo, an nebaget pogulomma re, aphwami Israel a’ge en 10 oruak holuk, mesik dedilogo an nebaget pou wagai a’ge ebano mesik dedilogo an Allah nebaget pogu lemak o. Ye, pogu lemarik, pouwa a’ge ano is Lewi a’ge en ap an nebe eiye a’ge harun wogogu lemak o. 29Is Israel a’ge en Lewi a’ge wogentau wagaiam e, is Lewi a’ge en modok op a’ge holuk nak, enekho poluk, an nebaget pogu lemak o.
30Ye, ap Lewi wene mesik mo’gulom ano re yu o. Is Lewi a’ge en di a’ge yu a’ge modok op a’ge holuk nak, an nebaget enekho pogu lemarik, gandum agap e’gen wogulat, e’gen a’bosu ’berelogulat, a’bosu ne’gak a’ge pema dedilogo pogulat, togwi ai ’gela’ge, is en pou wagai a’ge ebano enogo re, dedilaga a’ge yemayat hege o, opoluk,
31an nemin hwedik togumu nowi sabo werikmu yabuk togwi a’ge o’go is Lewi a’ge emin, is enemin welagai a’ge emin, o asua erlak ua ma eba en no’gulom obat o.
32Is aphwami Israel a’ge en an nebaget pulogo poluk, pouma a’ge ebano, is Lewi a’ge en modok op a’ge holuk nak, an nebaget pulogo poluk woknogwi holuk e, wene tak a’ge sagalogo pogulat, is Israel a’ge en an nebaget enekho pou wegesa a’ge ebano wiagapsogo pogulat, is enebe waragalat, tua modok erlak o egei, oluk mo’gulontomup o,” oluk mo’gulesi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in