Imamat 15
15
Hwami ap onogola a’ge pam en onomulen a, enemep a, lebago holuk, tugulom wene
1At Allah en Musa Harun mo’gulentasulat,
2“Aphwami Israel mo’gulonto ano re, yuat o. Ap mesik ogola a’ge pam en omul en liplau wago holuk e,” omul en ai re, onogorlok modok a’geat o, oluk, opouwak o. 3Ogola a’ge pam en omul en liplau wago holuk de a? liplau wom erlakma en mo oso holuk a, ano re, at ebe wiagapsogoat pouwama re, ebe wiagat otluk oruakhwe, ap mesik en hailasu holuk togulom ano re, yuat o.
4Ap mesik ogola a’ge pam en mulen lebagokhwe nogoso holuk e, nogosoma ebano wiak agalat, huragoam e, huragoma eriano ogore, wiagat agalat, tagoma re, 5nogosoma ebano ap mesik ebam ’bal hasu lemarik holuk e, at osum emesogo pasulat, ik pam ’gume wathwerlasulat, taga lemarik, ap ogola a’ge pam en ebe wiak ago a’ge ano oruakhwe o mo il arat obuk i louwak o. 6Ap ogola a’ge pam en omul en libagokhwe huragoam ap mesik en hur agalomtik holuk e, osum emesogo pasulat, ik pam ’gume wusogo pasulat, asogo taga lemarik, ap ogola a’ge pam en demat wiak ago a’ge ano oruakhwe mo il arat obuk i louwak o.
7Ap ogola a’ge pam en omul en lebago a’ge ano ap mesik en ebe ebek lasu lemarik holuk e, osum emesogo pasulat, ik pam ’gume wathwerlasulat, taga lemarik, ap ogola a’ge pam en ebe wiak ema a’ge ano oruakhwe o mo ano obuk i louwak o.
8Ap ogola a’ge pam en mulen lebago a’ge ano en osilak ap agap op a’ge mesik ebam egelik pasu holuk e, ap agap op a’ge ano en, osum emesogo pasulat, ik pam ’gume wathwerlasulat, taga lemarik, wiak ebam ago a’ge ano oruakhwe mo il obuk i louwak o.
9Ap ogola a’ge pam en mulen lebago a’ge ano en kuda o’borl pam Sum demogo hurago holuk e, Sum ano ogo re, wiak nagat ema ani o. 10A’geat de, ap Sum dalogo poluk hurago a’ge ano ap mesik ebam tenhasu holuk e, ebe ebenagaikmu modok wiagat emama re, oruakhweat o mo ano obuk lai lau wak o.
11Ap ogola a’ge pam en omul en lebago a’ge ano en e’gik emeru erlakhwe ap mesik tenhasu holuk e, ap tenhasu a’ge ano ebe ebenagaikmu wiagat agoma re, osum emet hwerlasulat, ebe ik pam ’gume wusogo pasulat, asogo takpoluk, wiak onogorlok a’ge ebam oruakhwe mo il arat obuk i louwak o. 12Ap ai en, Sogoluak ’gwiang a’ge pam hele’gik a’ge ano tenhasu holuk e, Sogoluak ai sapsogo pogulat, e a’ge pam di a’ge yu a’ge togwi a’ge en tenhasu holuk e, ik pam emesogo pogulat tuak o.
13Ye, ap ogola a’ge pam en mulen libago a’ge ano arat erlak ago holuk e, agauwa, 1 en ’bekhit 7 hwerli wonogo poluk, arat ebe op aga oluk enil yethouwak, Oluk, osum emesogo pagathwerlasulat, ebe ik eraluk op a’ge lebagoma en, ’gume wathwerlasulat, tago holuk e, ebe op at ema oluk onogola opouwak o. 14Agauwa 7 pam wolotluk, loruk o’gwe tue ’berl ’biren a? tue abiang ’biren de a, wasu loroguntik, an Allah nil pamat nowi Sabo werikmu an nemin, hwedik togumu ’godukmu ap an nebe eiye a’ge welagoma eria eragam poumak o. 15Asogo pou wago holuk e, ap an nebe eiye a’ge en tue mesik ano pam o wiak erlagapsogo paik en e, nebaget wusogo wokneselat, ye, tue are ano nebaget wusogo odouk narliselat, tuak o. Asogo tagalom ai re, ap ogola a’ge pam en mulen lebagalat, ebe wiak ago a’ge ano obapsogo pouwagoluk, ap an nebe eiye a’ge en an Allah nil pam tugulom ano re, aiat o.
16Ap mesik en ogola a’ge lebago holuk e ebe ’berlegat ik pam ’gume wathorlouwarik, ebe wiak ago a’ge ano oruakhwe o mo arat obuk i louwak o. 17Ye, ap ogola a’ge ano Sum pam emin, di a’ge yu a’ge agap pam hele’gik a’ge ebano pam a’ge emin, ’bi lasu holuk e, ’berlegat ik pam emesogo poluk wiak ago a’ge ebano, oruakhwe o mo arat obuk i louwak o. 18Ye, a’geat de, hwe mesik ap emin nogogulat, ap ogola a’ge ’bi lasu holuk e, hwe ap emin enebe ik pam ’gume wathorlogu lemarik, enebe wiak ema a’ge ebano oruakhwe o moat obuk i louwak o.
19A’geat de, hwe mesik dugwi hasulat, ebe wiak ’gela’ge ago a’ge ano erlak emak oluk, memesogo oruakhwe, agauwa 7 pamat welemak o. A’geat de, at ebe wiak ago a’ge ano erlak emak oluk, memesogo oruakhwe, is mesik en hwe ano tenhogwi holuk e, is ogo re, enebe wiagat agaimu re, oruakhwe at o mo arat obuk i louwak o.
20Hwe dugwi hasulat, di a’ge yu a’ge pam ’bourak welagoma emin, huragoma emin, wiak agoma re, 21at mesik en, hwele ano nogosoma ano tenhasu lomtik osum ano emesogo pasulat, ebe ik pam ’gume wusogo pasulat, ebe wolomtik ebe wiak ago a’ge ano oruakhwe, o mo il arat obuk i louwak o. 22At mesik en hwe huragoma ebano en tenholuk, osum emesogo pasulat, ik pam kume wathwerlasulat, tagalomtik, ebe wiak om a’ge ano erlak agokhwe, o mo arat obuk uak o. 23Di a’ge-yu a’ge pam nogosoma ya, hut agoma ya, ’berlegat is logon en tenhogwi holuk, enebe wiagat agaimu re, oruakhwe, o mo arat obuk i louwak o.
24Ye, ap mesik hwe mesik dugwi hasumu emin nogoso holuk e, ap ai, ebe wiagap pagathorlouwama re, memerak oruakhwe agauwa 7 pamat emak o. Ye, nogo osolomma ebano ogo re, wiagat ema ani o
25Hwe mesik en dugwi hasumu eriano pam e erlak, we hasu erlakma de emep hwedik-hwadik tagalat holuk a dugwi hasulat, agauwa eria pam e erlak ago a’geat de tago nak holuk a, at dugwi hasulat ebe wiak ago ai ’gela’ge, emep hwedigat tagokhwe modok ebe wiagat welema ani o. 26Hwe ai, emep ano tago modok nak oruakhwe nogo osolomma emin, hweriogo wolomma emin, ebano re, dugwi hasulat, wiagap pasu ’gela’geat tua o. 27Asogoatma re, is mesik en hwe ano, nogosoma emin, huromma emin, tenhogwi holuk onosum emesogo pogulat ik pam ’gume worogulat, togu lemarik, enebe wiak tua a’ge ano oruakhwe o mo arat obuk uak o.
28Ye, hwe emep hwedik tago a’ge ano erlak ago holuk, agauwa 7 wolotluk, ebe obat emama re, ebe op en wea’ge sogo denagalom obat o. 29Ye, agauwa 7 wolotluk, hubet o’gwe sue ’berl ’biren a, sue abiang ’biren a, wasu lemarik, an nemin hwedik togumu nowi sabo werik a’ge ’goduk ’gogumu ap an nebe eiye a’ge Imam e’bek pou wagai holuk, 30ap an nebe eiye a’ge Imam ano en sue mesik ano, hwe ano o wiak erlagapsogo pouwagoluk an nebaget wokneselat, ye, sue mesik ano an nebaget wusogo e narliselat tuak o. Asogo tu ano re, hwe emep hwedik wagalat, ebe wiak ago a’ge ano op emak oluk, an Allah nil pam ebaget tu ano re aiat o.
31Asogoatma re, is aphwami Israel a’ge ai re, nowi sabo wusogo is ene’gerlakma oruakma re eba wiagapsogo pogwi holuk e, enebeat wiagap pagathorlogu lemarik, warat omma re, wene tak a’ge sagalogo poluk tua ano pam enebe wiak agaimu no oluk, pobirak poluk togu lemak o, oluk, mo’gulentesi.
32Ap mesik ogola a’ge pam en omul en lebago a, ogola a’ge ’biso ano pam ebe wiagapsogo pasu de a, 33hwami dugwi hogwi a, hwami a, ap a, onogola a’ge pam enemep emin togwi a, ap mesik en hwe mesik dugwi hasumu emin nogoso a, togwi holuk e, togulom a’ge paget mo’gulentesi ano re aiat o.
Currently Selected:
Imamat 15: Wul
Highlight
Copy
Compare
Share
Want to have your highlights saved across all your devices? Sign up or sign in
Imamat 15
15
Hwami ap onogola a’ge pam en onomulen a, enemep a, lebago holuk, tugulom wene
1At Allah en Musa Harun mo’gulentasulat,
2“Aphwami Israel mo’gulonto ano re, yuat o. Ap mesik ogola a’ge pam en omul en liplau wago holuk e,” omul en ai re, onogorlok modok a’geat o, oluk, opouwak o. 3Ogola a’ge pam en omul en liplau wago holuk de a? liplau wom erlakma en mo oso holuk a, ano re, at ebe wiagapsogoat pouwama re, ebe wiagat otluk oruakhwe, ap mesik en hailasu holuk togulom ano re, yuat o.
4Ap mesik ogola a’ge pam en mulen lebagokhwe nogoso holuk e, nogosoma ebano wiak agalat, huragoam e, huragoma eriano ogore, wiagat agalat, tagoma re, 5nogosoma ebano ap mesik ebam ’bal hasu lemarik holuk e, at osum emesogo pasulat, ik pam ’gume wathwerlasulat, taga lemarik, ap ogola a’ge pam en ebe wiak ago a’ge ano oruakhwe o mo il arat obuk i louwak o. 6Ap ogola a’ge pam en omul en libagokhwe huragoam ap mesik en hur agalomtik holuk e, osum emesogo pasulat, ik pam ’gume wusogo pasulat, asogo taga lemarik, ap ogola a’ge pam en demat wiak ago a’ge ano oruakhwe mo il arat obuk i louwak o.
7Ap ogola a’ge pam en omul en lebago a’ge ano ap mesik en ebe ebek lasu lemarik holuk e, osum emesogo pasulat, ik pam ’gume wathwerlasulat, taga lemarik, ap ogola a’ge pam en ebe wiak ema a’ge ano oruakhwe o mo ano obuk i louwak o.
8Ap ogola a’ge pam en mulen lebago a’ge ano en osilak ap agap op a’ge mesik ebam egelik pasu holuk e, ap agap op a’ge ano en, osum emesogo pasulat, ik pam ’gume wathwerlasulat, taga lemarik, wiak ebam ago a’ge ano oruakhwe mo il obuk i louwak o.
9Ap ogola a’ge pam en mulen lebago a’ge ano en kuda o’borl pam Sum demogo hurago holuk e, Sum ano ogo re, wiak nagat ema ani o. 10A’geat de, ap Sum dalogo poluk hurago a’ge ano ap mesik ebam tenhasu holuk e, ebe ebenagaikmu modok wiagat emama re, oruakhweat o mo ano obuk lai lau wak o.
11Ap ogola a’ge pam en omul en lebago a’ge ano en e’gik emeru erlakhwe ap mesik tenhasu holuk e, ap tenhasu a’ge ano ebe ebenagaikmu wiagat agoma re, osum emet hwerlasulat, ebe ik pam ’gume wusogo pasulat, asogo takpoluk, wiak onogorlok a’ge ebam oruakhwe mo il arat obuk i louwak o. 12Ap ai en, Sogoluak ’gwiang a’ge pam hele’gik a’ge ano tenhasu holuk e, Sogoluak ai sapsogo pogulat, e a’ge pam di a’ge yu a’ge togwi a’ge en tenhasu holuk e, ik pam emesogo pogulat tuak o.
13Ye, ap ogola a’ge pam en mulen libago a’ge ano arat erlak ago holuk e, agauwa, 1 en ’bekhit 7 hwerli wonogo poluk, arat ebe op aga oluk enil yethouwak, Oluk, osum emesogo pagathwerlasulat, ebe ik eraluk op a’ge lebagoma en, ’gume wathwerlasulat, tago holuk e, ebe op at ema oluk onogola opouwak o. 14Agauwa 7 pam wolotluk, loruk o’gwe tue ’berl ’biren a? tue abiang ’biren de a, wasu loroguntik, an Allah nil pamat nowi Sabo werikmu an nemin, hwedik togumu ’godukmu ap an nebe eiye a’ge welagoma eria eragam poumak o. 15Asogo pou wago holuk e, ap an nebe eiye a’ge en tue mesik ano pam o wiak erlagapsogo paik en e, nebaget wusogo wokneselat, ye, tue are ano nebaget wusogo odouk narliselat, tuak o. Asogo tagalom ai re, ap ogola a’ge pam en mulen lebagalat, ebe wiak ago a’ge ano obapsogo pouwagoluk, ap an nebe eiye a’ge en an Allah nil pam tugulom ano re, aiat o.
16Ap mesik en ogola a’ge lebago holuk e ebe ’berlegat ik pam ’gume wathorlouwarik, ebe wiak ago a’ge ano oruakhwe o mo arat obuk i louwak o. 17Ye, ap ogola a’ge ano Sum pam emin, di a’ge yu a’ge agap pam hele’gik a’ge ebano pam a’ge emin, ’bi lasu holuk e, ’berlegat ik pam emesogo poluk wiak ago a’ge ebano, oruakhwe o mo arat obuk i louwak o. 18Ye, a’geat de, hwe mesik ap emin nogogulat, ap ogola a’ge ’bi lasu holuk e, hwe ap emin enebe ik pam ’gume wathorlogu lemarik, enebe wiak ema a’ge ebano oruakhwe o moat obuk i louwak o.
19A’geat de, hwe mesik dugwi hasulat, ebe wiak ’gela’ge ago a’ge ano erlak emak oluk, memesogo oruakhwe, agauwa 7 pamat welemak o. A’geat de, at ebe wiak ago a’ge ano erlak emak oluk, memesogo oruakhwe, is mesik en hwe ano tenhogwi holuk e, is ogo re, enebe wiagat agaimu re, oruakhwe at o mo arat obuk i louwak o.
20Hwe dugwi hasulat, di a’ge yu a’ge pam ’bourak welagoma emin, huragoma emin, wiak agoma re, 21at mesik en, hwele ano nogosoma ano tenhasu lomtik osum ano emesogo pasulat, ebe ik pam ’gume wusogo pasulat, ebe wolomtik ebe wiak ago a’ge ano oruakhwe, o mo il arat obuk i louwak o. 22At mesik en hwe huragoma ebano en tenholuk, osum emesogo pasulat, ik pam kume wathwerlasulat, tagalomtik, ebe wiak om a’ge ano erlak agokhwe, o mo arat obuk uak o. 23Di a’ge-yu a’ge pam nogosoma ya, hut agoma ya, ’berlegat is logon en tenhogwi holuk, enebe wiagat agaimu re, oruakhwe, o mo arat obuk i louwak o.
24Ye, ap mesik hwe mesik dugwi hasumu emin nogoso holuk e, ap ai, ebe wiagap pagathorlouwama re, memerak oruakhwe agauwa 7 pamat emak o. Ye, nogo osolomma ebano ogo re, wiagat ema ani o
25Hwe mesik en dugwi hasumu eriano pam e erlak, we hasu erlakma de emep hwedik-hwadik tagalat holuk a dugwi hasulat, agauwa eria pam e erlak ago a’geat de tago nak holuk a, at dugwi hasulat ebe wiak ago ai ’gela’ge, emep hwedigat tagokhwe modok ebe wiagat welema ani o. 26Hwe ai, emep ano tago modok nak oruakhwe nogo osolomma emin, hweriogo wolomma emin, ebano re, dugwi hasulat, wiagap pasu ’gela’geat tua o. 27Asogoatma re, is mesik en hwe ano, nogosoma emin, huromma emin, tenhogwi holuk onosum emesogo pogulat ik pam ’gume worogulat, togu lemarik, enebe wiak tua a’ge ano oruakhwe o mo arat obuk uak o.
28Ye, hwe emep hwedik tago a’ge ano erlak ago holuk, agauwa 7 wolotluk, ebe obat emama re, ebe op en wea’ge sogo denagalom obat o. 29Ye, agauwa 7 wolotluk, hubet o’gwe sue ’berl ’biren a, sue abiang ’biren a, wasu lemarik, an nemin hwedik togumu nowi sabo werik a’ge ’goduk ’gogumu ap an nebe eiye a’ge Imam e’bek pou wagai holuk, 30ap an nebe eiye a’ge Imam ano en sue mesik ano, hwe ano o wiak erlagapsogo pouwagoluk an nebaget wokneselat, ye, sue mesik ano an nebaget wusogo e narliselat tuak o. Asogo tu ano re, hwe emep hwedik wagalat, ebe wiak ago a’ge ano op emak oluk, an Allah nil pam ebaget tu ano re aiat o.
31Asogoatma re, is aphwami Israel a’ge ai re, nowi sabo wusogo is ene’gerlakma oruakma re eba wiagapsogo pogwi holuk e, enebeat wiagap pagathorlogu lemarik, warat omma re, wene tak a’ge sagalogo poluk tua ano pam enebe wiak agaimu no oluk, pobirak poluk togu lemak o, oluk, mo’gulentesi.
32Ap mesik ogola a’ge pam en omul en lebago a, ogola a’ge ’biso ano pam ebe wiagapsogo pasu de a, 33hwami dugwi hogwi a, hwami a, ap a, onogola a’ge pam enemep emin togwi a, ap mesik en hwe mesik dugwi hasumu emin nogoso a, togwi holuk e, togulom a’ge paget mo’gulentesi ano re aiat o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in