Imamat 16
16
Aphwami en onowiak Allah en ho onobuagoluk togu legesa a’ge hegitsogo togu legesa wene
1At Harun eiyagai enebe ’biren ebano en e, odouk Nenaik ’gain Onuk Logo a’ge wogoum puk a’geat wogogu legesema, enebe waregesarikmu en Nenaik ’gain Onuk Logo a’ge en Musa disogo mo’gulesi,
2 #
Ibr. 6:19
“Hat hue Harun en disogo taga lemagoluk mo’gulomup o,
O ogorlitak an nu’gwarek nowi pam modok asuama ’gela’ge eba peti wene wusogo wokhenebegis oluk hele’gik oruak a’ge ano sebelak poluk nebe o hena ogola welat, honorogolema inaga legi ai en e, at Harun en an nu’gwarek nowi pam o ogorlitak sum kain en hwerlisogo ogorlitakma eba agauwa ai erlige ’gogulom o, oluk wene ’belak hegitsogo ai erlige nak ’gogu lemagoluk mo’gulomup o. At en wene ai ukpoluk agauwa we erlige ’gua holuk, at ebe waromat o. 3#Ibr. 9:7Wene ’belak ai hegitsogo at Harun en o ogorlitak an nu’gwarek nowi pam eba ’gwi laigoluk holuk e, wam sapi ierak owan a’ge ai is wiak tigisa a’ge an en erlagapsogo ukpuagoluk, watneselat, ye, domba ierak a’ge odouk narlik nebasulat, tigoluk, holuk nak ’gogu lemak o.
4At en yabuk asogo tagalat, wene ’belak oruak yu hegitsogoat taga lemak o. At ebe an nu’gwarek nowi ogorlitak ano owan ’gwilo erlak welat, ’gume opsogo werak poluk e, sum an nebe eiye welat onosum ’buktogwi a’ge ai ’buktogulom o. Sum ai a’gul o’gwe a’ge emin, a’ge ’gwe a’ge emin, ’buktak poluk e, ’bagaluk ’buktak pogulat, a’gul sum wantak pogulat, togulom ai re, ebe ’berlegat herle esi linen a’ge ’buktak poluk ’buktogulom o.
5Ye, is aphwami Israel a’ge en wiak tigisa a’ge an en erlagapsogo ukpuagoluk, wam kambing ierak a’ge ebe ’biren noboluk en, odouk narlik no’bogulom a’ge wam domba ierak a’ge mesik nak holuk nobogulat, toluk e, at Harun wogosu aga lemak o. 6Ye, at Harun u’gwarek wiak tegei a’ge paget emin, eiyagai wiak tigisa a’ge paget emin, an en erlagapsogo ho onobuagoluk, wam sapi ierak a’ge mesik nak holuk wusogo an narlik nobouwak o. 7Wam kambing ierak a’ge ebe ’biren a’ge ano aphwami Israel a’ge en an nowi sum a’ge werikmu ebano ’godukmu pou waga lemak o. 8Pou waga holuk ebano en, at en e, helep ’biren a’ge, mesik e, Nenaik ’gain Onuk Logo a’ge paget, oluk ebam pelal wogo a’ge, ye, mesik e, Azazel paget, oluk ebam pelal wogo a’ge, obok hasu lemak o. 9Asogo obokhasuam, wam kambing Nenaik ’gain Onuk Logo a’ge paget, oluk ebam ema a’ge ai, aphwami wiak tigisa a’ge an en erlagapsogo ukpuagoluk wusogo nobo yo. 10Ye, Azazel paget oluk ebam ema a’ge ai, elaluk an henaik ’gain Nonuk Logo a’ge nilem poluk, an en aphwami Israel a’ge wiak tigisa a’ge ai erlagapsogo ho onobuagoluk herle hebilogo re, o leimu aphwami erlakma eba Azazel paget perakpogu lemak o.
11At Harun en wam sapi ierak a’ge at u’gwarek wiak tegei a’ge paget emin, eiyagai wiak tigisa a’ge paget emin, an en erlagapsogo ho onobuagoluk wusogo nebaguptik se’gerlogo poluk, 12odouk e, di a’ge yu a’ge an nebaget wusogo narlik nobogumu eba a’ge lemesa pam odouk e’gen emin loksogoat waguptik e, e’ben op a’ge hene’gik ’birenam hene’gikmu e’girlogo wo a’ge emin waguptik e, an nu’gwarek nowi ogorlitakma ano woluk ’gogu lemak o. 13Woluk ’goluk e, e’ben op a’ge ai, peti an en wene wusogo wokhenebegis oluk hele’gik a’ge ai orogolema narlik pogwiam e, odouk hobu re, peti ai osolup lerak a’ge sebelisoam, Harun en il hasulom e, modok erlak o. Il houwa holuk ebe modogat warom o. 14Asogo tagalat, wam sapi ai emep weiyat holuk logon e’gik dum pam wik-wok e, peti an en wene wusogo wokhenebegis oluk hele’gik a’ge ai osolup petne ’gwetia hegeik, werak poluk e, orogole’gwe hegit e’gik sabit hebarligen ’gwetia hegeik, werak pasu lemak o.
15 #
Ibr. 9:12
Asogo arat takpoluk e, aphwami Israel a’ge ’berlegat wiak tigisa a’ge an en erlagapsogo ukpuagoluk kambing wusogo se’gerlu o. Se’gerlak poluk, emep e, an nu’gwarek nowi ogorlitakma ano woluk ’goluk e, wam sapi ierak a’ge emep woluk ’gwi louwarik tua ai hegitsogoat, peti an en wene wusogo wokhenebegis oluk hele’gik oruak a’ge ai, osolup petne ’gwetia hegeik, watholuk e, orogole’gwe hegit ’gwetia hegeik, werak pasu lemak o. 16At en asogo tua ai en, aphwami Israel a’ge en o an nu’gwarek nowi ogorlitakma ebano wiagapsogo pogulat, is wiak ’berlegat togulat, togwi a’ge ai ho tua o. An nu’gwarek nowi sum owi ai, is aphwami Israel a’ge onowi sum owi a’ge e’gerlakma werik oruak ano en e, is wiak togwi ai en,
O Allah owi sum owi werik a’ge ai, o e’gerlakma eba wiagap pegesa o, oluk horogulom o. 17At Harun en yabuk tigoluk an nu’gwarek nowi ogorlitakma ebano ’goluk aphwami wiak tigisa a’ge an en ho onobuagoluk tagalomtik liplauma hwerli, aphwami an nowi sum a’ge werikmu o ogorlitak o’gwe eba ’berlegat enebe logon wolom modok mia o. At Harun u’gwarek wiak tegei a’ge paget emin, eiyagai wiak tigisa a’ge paget emin, aphwami Israel a’ge ’berlegat wiak tigisa a’ge paget emin, an en erlagapsogo ho onobuagoluk arat takpoluk, 18at ebe liplaumarik e, wam di a’ge yu a’ge an nebaget wusogo odouk narlik nobogumu ai horigoluk e, wemak o. Wemarik, sapi ierak a’ge emin, kambing emin, emep weiyat holuk logon wouwarik e, an wam wusogo narlik nobogumu eba o’gut pema-pema sapi iak ’gela’ge hele’gik a’ge petne worogulom o. 19At e’gik dum pam mep ai weiyat holuk logon wouwarik e, di a’ge yu a’ge an nebaget odouk narlik nobogumu ano petne e’gik sabit hebarligen en ’gwetia hegeik werak pouwak o. Asogo tua ai pam, aphwami Israel a’ge en an wam di a’ge yu a’ge wusogo narlno’gulom a’ge ai wiagapsogo pogwi a’ge ai, an nu’gwarek paget modok welemagoluk obap paik o, oluk egei, oluk mo’gulomup o,” oluk, mo’gulesi.
Wam kambing silogo perakpasu lemagoluk mo’gulesi wene
20At Allah en asogo mo’gulesirik mesik disogo mo’gulomup egei,
“At Harun en, an nu’gwarek nowi ogorlitakma ano arat horagalat, o ogorlitak pema’gwe ’berlegat horagalat, wam di a’ge yu a’ge an nebaget wusogo odouk narlik nobogumu eba horagalat toluk e, wam kambing Azazel paget oluk, ebam hegit ema a’ge ano an henaik ’gain Nonuk Logo a’ge nebaget nobouwak o.
21Asogo nobouwarik, Harun e’gik ’birenakho kambing ai a’gul pam tenak poluk, aphwami Israel a’ge en dagan togulat, wiak togulat, niak sagalak poluk togulat, tigisa a’ge ’berlegat ’baksogo pogu lemak o. Asogo tua ai pam aphwami Israel a’ge wiak tigisa a’ge ai ’berlegat perlengsogo kambing ai a’guluak pam pouwa o. Asogo pouwarik, ap mesik yo’go pouwa a’ge en kambing ai silogo o leimu aphwami erlakma eba woluk pei lasu lemak o. 22Woluk loluk e, kambing ai en e, aphwami Israel a’ge wiak tigisa a’ge ’berlegat wouwarik e, o leimu aphwami enebe erlakma eba louwagoluk, ap ano ebayat ukpasu lemak o.
23 #
Yeh. 44:19
Asogo takpoluk e, at Harun ebe an nowi o sabo sum a’ge werikmu ’gwi louwarik e, ’bogoyum ap an nebe eiye welat ono’bogoyum ’buktogwi a’ge an nu’gwarek nowi ogorlitakma ebano ’gwigoluk ’buktoluk ’gwiso a’ge ano no’gorlogo eba pouwak o. 24Asogo tuarik e, ik mesik ’gume togulom a’ge ye’gelogo pegesema eba ’gume worogulat e, u’gwarek osum we a’ge ’buktagalom o. Asogo arat takpoluk e, at ebe liplau wagalat, at u’gwarek wiak tegei a’ge paget emin, aphwami Israel a’ge logon wiak tigisa a’ge paget emin, an en erlagapsogo ho onobuagoluk, sapi kambing wusogo odouk narlik nebasu lemak o. 25Asogo narlik nebasulat, is wiak tigisa a’ge an en erlagapsogo ho enebigoluk sapi kambing wusogo an nebaget odouk narlnema a’ge ai esei e, sapi kambing an nebaget wusogo narlik nobogumu eba narlise lemak o.
26At ap wam kambing Azazel paget, herle hebilogo o leimu aphwami erlakma poluk wema a’ge ai togolik at ebe owi pam o tabo sum a’ge werikmu owan wom erlak welat, osum emeriselat, ebe ’gume weriselat, taga lemak o. 27#Ibr. 13:11Ye, sapi ierak a’ge ano emin, kambing mesik ano emin, aphwami wiak togwi a’ge an en erlagapsogo ho onobuagoluk, watnoroguptik emep an nu’gwarek nowi ogorlitakma woluk ’gwi louwa a’ge ai ebe re, leget o’borloma woluk liplai louwarik e, wam ebe ’biren ai a’ge agap emin, ebe emin, al emin, ’berlegat odouk narlogu lemak o. 28Is ap asogo narlua a’ge ai, enebe togolik onowi sum owi werikmu owan wom erlak welat, onosum emerugulat, enebe ’gume worogulat, togu lemagoluk egei o, oluk mo’gulomup o,” oluk mo’gulesi.
Aphwami Israel a’ge wiak tigisa a’ge hosogo erlagap pouwagoluk togulom a’ge mo’gulesi wene
29-31 #
Ima. 23:26-32; Bil. 29:7-11 At Allah en asogo mo’gulesirik, mesik disogo mo’gulomup, oluk egei,
“O dugwi hene’gik wenarogulat, dugwi sabit a’ge pam tanggal 10 pam, an nu’gwarek nowi ai en e, aphwami Israel a’ge emin, aphwami o’borlma a’ge is onowi pam welagai a’ge emin, enemin en e, so’boru no erlakma en hweyang ’gela’ge welat, ene’gik mesik togulom modok mia o. O ai erlige re, aphwami Israel a’ge enebe op enebam horak a’ge nak welemagoluk, is wiak tigisa a’ge ’berlegat ai an en hosogo erlagap pouwagoluk asogo togulom o. Togulom a’ge wene ’balogo pegi a’ge ai hwelakpoluk togwi modok welemak o. 32Ap an eiye a’ge onue ’gain aik ebalema welat, an nu’gwarek nebaget taga lemagoluk, a’gul sebelogo edikpegesa a’ge holuk, at en aphwami wiak tigisa a’ge an en erlagapsogo ho onobuagoluk taga lemak o. At en asogo tagalat sum linen a’ge ’buktu a’ge holugat ’buktak poluk e, 33o an nu’gwarek nowi o ogorlitak a’ge ano paget emin, an nowi o ogorlitak pema akhit a’ge paget emin, wam di a’ge yu a’ge an nebaget wusogo narlnogumu eba paget emin, is ap an henaik ’gain Nonuk Logo a’ge nebe eiye paget emin, aphwami Israel a’ge ’berlegat enebaget emin, enebam horak nak welemagoluk asogoat tagalom o.
34Asogo togulom ai re, aphwami Israel a’ge en wiak togwi a’ge ’berlegat an en erlagapsogo ho onobuagoluk tahun ebe lo’bok e, agauwa mesik erlige togulom o, oluk wene ’balogo pegi a’ge yu hegitsogo hologo togwi modok wolom o, oluk mo’gulomup o,” oluk mo’gulesi.
Asogo mo’gulesimu, at Musa en e, Nenaik ’gain Onuk Logo a’ge en,
“Disogo, asogo tuagoluk mo’gulomup o,” oluk mo’gulesi sogoat mo’gulesimu tegei.
Currently Selected:
Imamat 16: Wul
Highlight
Copy
Compare
Share
Want to have your highlights saved across all your devices? Sign up or sign in
Imamat 16
16
Aphwami en onowiak Allah en ho onobuagoluk togu legesa a’ge hegitsogo togu legesa wene
1At Harun eiyagai enebe ’biren ebano en e, odouk Nenaik ’gain Onuk Logo a’ge wogoum puk a’geat wogogu legesema, enebe waregesarikmu en Nenaik ’gain Onuk Logo a’ge en Musa disogo mo’gulesi,
2 #
Ibr. 6:19
“Hat hue Harun en disogo taga lemagoluk mo’gulomup o,
O ogorlitak an nu’gwarek nowi pam modok asuama ’gela’ge eba peti wene wusogo wokhenebegis oluk hele’gik oruak a’ge ano sebelak poluk nebe o hena ogola welat, honorogolema inaga legi ai en e, at Harun en an nu’gwarek nowi pam o ogorlitak sum kain en hwerlisogo ogorlitakma eba agauwa ai erlige ’gogulom o, oluk wene ’belak hegitsogo ai erlige nak ’gogu lemagoluk mo’gulomup o. At en wene ai ukpoluk agauwa we erlige ’gua holuk, at ebe waromat o. 3#Ibr. 9:7Wene ’belak ai hegitsogo at Harun en o ogorlitak an nu’gwarek nowi pam eba ’gwi laigoluk holuk e, wam sapi ierak owan a’ge ai is wiak tigisa a’ge an en erlagapsogo ukpuagoluk, watneselat, ye, domba ierak a’ge odouk narlik nebasulat, tigoluk, holuk nak ’gogu lemak o.
4At en yabuk asogo tagalat, wene ’belak oruak yu hegitsogoat taga lemak o. At ebe an nu’gwarek nowi ogorlitak ano owan ’gwilo erlak welat, ’gume opsogo werak poluk e, sum an nebe eiye welat onosum ’buktogwi a’ge ai ’buktogulom o. Sum ai a’gul o’gwe a’ge emin, a’ge ’gwe a’ge emin, ’buktak poluk e, ’bagaluk ’buktak pogulat, a’gul sum wantak pogulat, togulom ai re, ebe ’berlegat herle esi linen a’ge ’buktak poluk ’buktogulom o.
5Ye, is aphwami Israel a’ge en wiak tigisa a’ge an en erlagapsogo ukpuagoluk, wam kambing ierak a’ge ebe ’biren noboluk en, odouk narlik no’bogulom a’ge wam domba ierak a’ge mesik nak holuk nobogulat, toluk e, at Harun wogosu aga lemak o. 6Ye, at Harun u’gwarek wiak tegei a’ge paget emin, eiyagai wiak tigisa a’ge paget emin, an en erlagapsogo ho onobuagoluk, wam sapi ierak a’ge mesik nak holuk wusogo an narlik nobouwak o. 7Wam kambing ierak a’ge ebe ’biren a’ge ano aphwami Israel a’ge en an nowi sum a’ge werikmu ebano ’godukmu pou waga lemak o. 8Pou waga holuk ebano en, at en e, helep ’biren a’ge, mesik e, Nenaik ’gain Onuk Logo a’ge paget, oluk ebam pelal wogo a’ge, ye, mesik e, Azazel paget, oluk ebam pelal wogo a’ge, obok hasu lemak o. 9Asogo obokhasuam, wam kambing Nenaik ’gain Onuk Logo a’ge paget, oluk ebam ema a’ge ai, aphwami wiak tigisa a’ge an en erlagapsogo ukpuagoluk wusogo nobo yo. 10Ye, Azazel paget oluk ebam ema a’ge ai, elaluk an henaik ’gain Nonuk Logo a’ge nilem poluk, an en aphwami Israel a’ge wiak tigisa a’ge ai erlagapsogo ho onobuagoluk herle hebilogo re, o leimu aphwami erlakma eba Azazel paget perakpogu lemak o.
11At Harun en wam sapi ierak a’ge at u’gwarek wiak tegei a’ge paget emin, eiyagai wiak tigisa a’ge paget emin, an en erlagapsogo ho onobuagoluk wusogo nebaguptik se’gerlogo poluk, 12odouk e, di a’ge yu a’ge an nebaget wusogo narlik nobogumu eba a’ge lemesa pam odouk e’gen emin loksogoat waguptik e, e’ben op a’ge hene’gik ’birenam hene’gikmu e’girlogo wo a’ge emin waguptik e, an nu’gwarek nowi ogorlitakma ano woluk ’gogu lemak o. 13Woluk ’goluk e, e’ben op a’ge ai, peti an en wene wusogo wokhenebegis oluk hele’gik a’ge ai orogolema narlik pogwiam e, odouk hobu re, peti ai osolup lerak a’ge sebelisoam, Harun en il hasulom e, modok erlak o. Il houwa holuk ebe modogat warom o. 14Asogo tagalat, wam sapi ai emep weiyat holuk logon e’gik dum pam wik-wok e, peti an en wene wusogo wokhenebegis oluk hele’gik a’ge ai osolup petne ’gwetia hegeik, werak poluk e, orogole’gwe hegit e’gik sabit hebarligen ’gwetia hegeik, werak pasu lemak o.
15 #
Ibr. 9:12
Asogo arat takpoluk e, aphwami Israel a’ge ’berlegat wiak tigisa a’ge an en erlagapsogo ukpuagoluk kambing wusogo se’gerlu o. Se’gerlak poluk, emep e, an nu’gwarek nowi ogorlitakma ano woluk ’goluk e, wam sapi ierak a’ge emep woluk ’gwi louwarik tua ai hegitsogoat, peti an en wene wusogo wokhenebegis oluk hele’gik oruak a’ge ai, osolup petne ’gwetia hegeik, watholuk e, orogole’gwe hegit ’gwetia hegeik, werak pasu lemak o. 16At en asogo tua ai en, aphwami Israel a’ge en o an nu’gwarek nowi ogorlitakma ebano wiagapsogo pogulat, is wiak ’berlegat togulat, togwi a’ge ai ho tua o. An nu’gwarek nowi sum owi ai, is aphwami Israel a’ge onowi sum owi a’ge e’gerlakma werik oruak ano en e, is wiak togwi ai en,
O Allah owi sum owi werik a’ge ai, o e’gerlakma eba wiagap pegesa o, oluk horogulom o. 17At Harun en yabuk tigoluk an nu’gwarek nowi ogorlitakma ebano ’goluk aphwami wiak tigisa a’ge an en ho onobuagoluk tagalomtik liplauma hwerli, aphwami an nowi sum a’ge werikmu o ogorlitak o’gwe eba ’berlegat enebe logon wolom modok mia o. At Harun u’gwarek wiak tegei a’ge paget emin, eiyagai wiak tigisa a’ge paget emin, aphwami Israel a’ge ’berlegat wiak tigisa a’ge paget emin, an en erlagapsogo ho onobuagoluk arat takpoluk, 18at ebe liplaumarik e, wam di a’ge yu a’ge an nebaget wusogo odouk narlik nobogumu ai horigoluk e, wemak o. Wemarik, sapi ierak a’ge emin, kambing emin, emep weiyat holuk logon wouwarik e, an wam wusogo narlik nobogumu eba o’gut pema-pema sapi iak ’gela’ge hele’gik a’ge petne worogulom o. 19At e’gik dum pam mep ai weiyat holuk logon wouwarik e, di a’ge yu a’ge an nebaget odouk narlik nobogumu ano petne e’gik sabit hebarligen en ’gwetia hegeik werak pouwak o. Asogo tua ai pam, aphwami Israel a’ge en an wam di a’ge yu a’ge wusogo narlno’gulom a’ge ai wiagapsogo pogwi a’ge ai, an nu’gwarek paget modok welemagoluk obap paik o, oluk egei, oluk mo’gulomup o,” oluk, mo’gulesi.
Wam kambing silogo perakpasu lemagoluk mo’gulesi wene
20At Allah en asogo mo’gulesirik mesik disogo mo’gulomup egei,
“At Harun en, an nu’gwarek nowi ogorlitakma ano arat horagalat, o ogorlitak pema’gwe ’berlegat horagalat, wam di a’ge yu a’ge an nebaget wusogo odouk narlik nobogumu eba horagalat toluk e, wam kambing Azazel paget oluk, ebam hegit ema a’ge ano an henaik ’gain Nonuk Logo a’ge nebaget nobouwak o.
21Asogo nobouwarik, Harun e’gik ’birenakho kambing ai a’gul pam tenak poluk, aphwami Israel a’ge en dagan togulat, wiak togulat, niak sagalak poluk togulat, tigisa a’ge ’berlegat ’baksogo pogu lemak o. Asogo tua ai pam aphwami Israel a’ge wiak tigisa a’ge ai ’berlegat perlengsogo kambing ai a’guluak pam pouwa o. Asogo pouwarik, ap mesik yo’go pouwa a’ge en kambing ai silogo o leimu aphwami erlakma eba woluk pei lasu lemak o. 22Woluk loluk e, kambing ai en e, aphwami Israel a’ge wiak tigisa a’ge ’berlegat wouwarik e, o leimu aphwami enebe erlakma eba louwagoluk, ap ano ebayat ukpasu lemak o.
23 #
Yeh. 44:19
Asogo takpoluk e, at Harun ebe an nowi o sabo sum a’ge werikmu ’gwi louwarik e, ’bogoyum ap an nebe eiye welat ono’bogoyum ’buktogwi a’ge an nu’gwarek nowi ogorlitakma ebano ’gwigoluk ’buktoluk ’gwiso a’ge ano no’gorlogo eba pouwak o. 24Asogo tuarik e, ik mesik ’gume togulom a’ge ye’gelogo pegesema eba ’gume worogulat e, u’gwarek osum we a’ge ’buktagalom o. Asogo arat takpoluk e, at ebe liplau wagalat, at u’gwarek wiak tegei a’ge paget emin, aphwami Israel a’ge logon wiak tigisa a’ge paget emin, an en erlagapsogo ho onobuagoluk, sapi kambing wusogo odouk narlik nebasu lemak o. 25Asogo narlik nebasulat, is wiak tigisa a’ge an en erlagapsogo ho enebigoluk sapi kambing wusogo an nebaget odouk narlnema a’ge ai esei e, sapi kambing an nebaget wusogo narlik nobogumu eba narlise lemak o.
26At ap wam kambing Azazel paget, herle hebilogo o leimu aphwami erlakma poluk wema a’ge ai togolik at ebe owi pam o tabo sum a’ge werikmu owan wom erlak welat, osum emeriselat, ebe ’gume weriselat, taga lemak o. 27#Ibr. 13:11Ye, sapi ierak a’ge ano emin, kambing mesik ano emin, aphwami wiak togwi a’ge an en erlagapsogo ho onobuagoluk, watnoroguptik emep an nu’gwarek nowi ogorlitakma woluk ’gwi louwa a’ge ai ebe re, leget o’borloma woluk liplai louwarik e, wam ebe ’biren ai a’ge agap emin, ebe emin, al emin, ’berlegat odouk narlogu lemak o. 28Is ap asogo narlua a’ge ai, enebe togolik onowi sum owi werikmu owan wom erlak welat, onosum emerugulat, enebe ’gume worogulat, togu lemagoluk egei o, oluk mo’gulomup o,” oluk mo’gulesi.
Aphwami Israel a’ge wiak tigisa a’ge hosogo erlagap pouwagoluk togulom a’ge mo’gulesi wene
29-31 #
Ima. 23:26-32; Bil. 29:7-11 At Allah en asogo mo’gulesirik, mesik disogo mo’gulomup, oluk egei,
“O dugwi hene’gik wenarogulat, dugwi sabit a’ge pam tanggal 10 pam, an nu’gwarek nowi ai en e, aphwami Israel a’ge emin, aphwami o’borlma a’ge is onowi pam welagai a’ge emin, enemin en e, so’boru no erlakma en hweyang ’gela’ge welat, ene’gik mesik togulom modok mia o. O ai erlige re, aphwami Israel a’ge enebe op enebam horak a’ge nak welemagoluk, is wiak tigisa a’ge ’berlegat ai an en hosogo erlagap pouwagoluk asogo togulom o. Togulom a’ge wene ’balogo pegi a’ge ai hwelakpoluk togwi modok welemak o. 32Ap an eiye a’ge onue ’gain aik ebalema welat, an nu’gwarek nebaget taga lemagoluk, a’gul sebelogo edikpegesa a’ge holuk, at en aphwami wiak tigisa a’ge an en erlagapsogo ho onobuagoluk taga lemak o. At en asogo tagalat sum linen a’ge ’buktu a’ge holugat ’buktak poluk e, 33o an nu’gwarek nowi o ogorlitak a’ge ano paget emin, an nowi o ogorlitak pema akhit a’ge paget emin, wam di a’ge yu a’ge an nebaget wusogo narlnogumu eba paget emin, is ap an henaik ’gain Nonuk Logo a’ge nebe eiye paget emin, aphwami Israel a’ge ’berlegat enebaget emin, enebam horak nak welemagoluk asogoat tagalom o.
34Asogo togulom ai re, aphwami Israel a’ge en wiak togwi a’ge ’berlegat an en erlagapsogo ho onobuagoluk tahun ebe lo’bok e, agauwa mesik erlige togulom o, oluk wene ’balogo pegi a’ge yu hegitsogo hologo togwi modok wolom o, oluk mo’gulomup o,” oluk mo’gulesi.
Asogo mo’gulesimu, at Musa en e, Nenaik ’gain Onuk Logo a’ge en,
“Disogo, asogo tuagoluk mo’gulomup o,” oluk mo’gulesi sogoat mo’gulesimu tegei.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in