Imamat 14
14
Yebil enebam ago erlak a’ge holuk, enagap un welat no’gulemagoluk, togulom wene
1At Allah en Musa mo’guleselat,
2 #
Mat. 8:4; Mrk. 1:44; Luk. 5:14; 17:14 “Ap mesik yebil ’burak a’ge ebam agalomtik, erlak ago holuk, ap an nebe eiye a’ge eneragam pei lagaiam e, ap enagap un a’ge oruakma enemin nese lemagoluk togulom a’ge wene re yuat o. 3Enebei lagaiam e, ap an nebe eiye a’ge ebano aphwami onowi saboma en odipmu liplai lasu lomtik ap yebil ’burak ebam ago a’ge ano ’gwelakholuk, yebil ’burak ebano erlak om a’ge il ’gwelakholuk e, 4ap yebil op om a’ge ano, ap enagap un welagaimu ebano enemin nese lemagoluk, ap an nebe eiye a’ge ano en sue no a’ge asua erlak enelaluk ’biren emin, e aras emin, domba asu sualogo ’gut ’belak a’ge emin, ’go’gop e’gela emin, woluk wemak oluk, mo’gulontoluk, woluk wagaiam e, 5sogoluak ’gwiang a’ge hele’gik a’ge ano pam ik elaruk il hurle lebago a’ge ano ne’gak poluk, sue ekhen ano ik ne’gak a’ge o’borl pam poluk, woruak oluk, ap an nebe eiye a’ge en mo’gulentasuam togukhwe, 6at an nebe eiye a’ge en sue elaluk welago a’ge ano emin, e laik emin, domba asu honogo ’gut op a’ge emin, ’go’gop e’gela emin, wokho sue ik il hurle a’ge sogoluak emdema o’borl pam werak a’ge emep ano pam egilogo poluk, 7ap yebil op om a’ge holuk ap enagap un welagai a’ge eba enemin no’gulemagoluk, agauwa 7 a’ge pam ap iebil erlak om a’ge ano emep ebam herlelik poluk, hebe modok op e’genma re, aphwami oruak o’gwe yogunat denaga lomup o, oluk, sue elaluk welago a’ge ano wokho parema o leimu eba perakpouwak o.
8Asogo tisoam e, ap yebil erlak om a’ge ano en osum emet hwerlasulat, asu a’bik a’ge ano ’baliselat, ik pam ebe ’gume weriselat, taga lemarik holuk e, ebe ano modok op emarik is enagap un oruakma onowi sabo ano odipmu ’guom obat a’geat de, at owi saboma ano ’guom erlakma en odipmu oruakhwe nak agauwa 7 emak o. 9Agauwa 7 wolotluk, loruk o’gwe asu emin, emde asu emin, il asu emin, ebe pam a’ge omutaruk ’berlegat ’baliselat, o’bogoyum ik pam ho tagalat, ebe’gume weriselat, tagoam e, ebe modok obat ema o.
10Modok obat ago holuk e, hup nogo 7 nogoluk, hubet o’gwe domba ierak a’ge ’biren emin, domba holou a’ge dogokhwe tahun mesik nak tak a’ge emin, aik ’belak erlak a’ge holuk nak wogulat, gandum e’gen modok op a’ge nak e’gen wogo a’ge a’bosu emin ne’garlok-he’garloktak a’ge 3 liter ’gela’ge Allah ebaget pouwagoluk wasulat, e zaitun a’bosu setengah liter ’gela’ge ne’gak a’ge wasulat, takpoluk woluk 11at iebil erlagapsogo po a’ge ap an nebe eiye a’ge ano eragam pou wagoam e, ap an nebe eiye a’ge ano en ap ano op emak oluk, wom a’ge ano ebe emin, di a’ge yu a’ge Allah wogoum a’ge ano emin, wouwarik, an Allah nil pam nemin hwedik togumu nowi sabo werik a’ge ’goduk ’gogumu ’godukmu eria poumak o. 12Poumarik e, ebe wiak tua a’ge o’go an Allah nebaget pou wagai a’ge ebano a’ge pouwagoluk, domba ierak ano emin, e zaitun a’bosu ne’gak ano a’ge emin, ebano wokho, ap ebe wiak tago a’ge ano obapsogo po a’ge paget yuat o, oluk, e’gik ’bilogo an Allah nebaget pouwak o. 13Nebasu lemarik e, an nebaget wusogo e narlogulat, ap onowiak erlagapsogo pouwagoluk, nebaget wusogo woknogulat, togumu o asuama eria en domba ierak a’ge ano wusogo pouwak o. Ap ebe wiak tua a’ge obapsogo po a’ge o’go an woknema ai re, aphwami onowiak erlagapsogo pouwagoluk nebaget wusogo woknogwi ’gela’ge, nebaget polik a’ge modok miayatma re, ap an nebe eiye a’ge ano enat horlouwak o. 14Ye, ap an nebe eiye a’ge ano en, ap ebe wiak tiso a’ge ano obapsogo po a’ge o’go an nebaget pouma a’ge emep ano weisogo wouwarik, ap ano esa’go edip ’bekhit akhit egelik pasulat, e’gik dum ’bekhit akhit emin, oyuk dum ’bekhit akhit emin, egelik pasulat, tuak o. 15Asogo taga lemarik, e zaitun a’bosu ano wokho we weisogoat e’gik hware akhit herlelik poluk, 16e’gik ’bekhit akhit en ’beli’gogo egeliselat, an Allah nil pam nowi sabo werik a’ge eba agauwa 7 pam en egelil louwak o. 17Egelise lemarik, a’bosu pema e’gik pam welaga a’ge ebano weiyat wik-wok ap ebe op emak oluk tago a’ge ebano esa’go ’bekhit akhit edipmu emin, e’gik huap ’bekhit akhit emin, oyuk huap ebe pam emin, ap ebe wiak tua a’ge o’go woluk wema a’ge werak emep herlelik pil legenakma ebano loksogoat egelik pil louwak o. 18Herlelik pil louwarik, a’bosu dedelik e’gik pam a’ge eriano ebesigat wokho ap ano a’gul pam herlelik pouwak o. Asogo togulom ai re, an Allah en ap ai emin hwedik weleik en e, uam wusogo ap an nebe eiye a’ge Imam en an nil pam togulom e, aiat o.
19Asogo taga lemarik, ap ebe wiak ema a’ge obap po ano pam aphwami onowiak erlagapsogo pouwagoluk an nebaget wusogo woknogwi a’ge ebano paget uam worogwi ai ’gela’ge an nebaget wusogo wokneselemarik, an nebaget wusogo e narlogwi ebano ’gela’ge mesik wusogo poluk, 20e narlogumu ebano an nebaget e narliselat, gandum e’gen wogo an nebaget poluk woknomogoluk woluk wom a’ge ano eminat e narluak o. Asogo tu ano re, uam worogwiam e, ap ano obat ema o.
21Asogo tu a’geat de, ap ai e’gik erlakma re asogo tu a’ge a’ge-a’ge erlak holuk nak e, ap ai o wiak erlagapsogo poluk nemin hwedik wolomok oluk, uam worogwi ’gela’ge woknogwi age, ebano a’ge mesik wiak a’gai a’ge o’go e’gik ’beli’gogo an nebaget woknoum a’ge domba ierak a’ge mesik nak wasulat, ye, gandum agap e’gen wogo a’ge an nebaget pouwagoluk gandum agap e’gen wogo modok op a’ge a’bosu 2 liter’gela’ge emin ne’garlok-he’garloktak a’ge ano wasulat, e zaitun a’bosu setengah liter ’gela’ge ne’gak a’ge ano wasulat, 22Ye, op a’ge palu re sue ’berl ’biren a, sue abiang ’biren de a, mesik o wiak erlagapsogo po a’ge paget an nebaget wokneselat, ye, mesik an nebaget wusogo e narliselat, tuak oluk mesik wasulat, takpoluk, 23agauwa 7 wolotluk, loruk o’gwe ap yebil tak welema a’ge ano obap poluk aphwami enagap un welema a’ge ebano enemin yogunat denaga lemagoluk woluk an Allah nilem nowi sabo sum owi werik a’ge ’goduk ’gogumu ap an nebe eiye a’ge oruakma eria poumak o, 24pou wagoam e, ap an nebe eiye a’ge en ap wiak ema a’ge ano obap po a’ge o’go domba nebaget po a’ge ano emin, e zaitun a’bosu ne’gak ano emin, wouwarik, hat Allah hebaget o, oluk, ene’gik ’beli’gogo pogwi ano ’gela’ge, an Allah nil pamat e’gik ’beli’gogo nebaget pouwak o. 25Pou warik e, wiak ema a’ge ano obap pouwa a’ge o’go domba nebaget woknoum a’ge ano woluk wema a’ge ano, wusogo poluk, emep pema wouwarik, ap ano esa’go ebe edipmu egelik pasulat, e’gik ’bekhit akhit huap pam egelik pasulat, oyuk ’bekhit akhit huap pam egelik pasulat, taga lemarik, 26a’bosu ano we e’gik hware akhit wei nak herlilogo poluk, 27e’gik ’bekhit akhit en ’beli’gogo a’bosu e’gik hware akhit welaga a’ge ano we wei nak egil holuk, an Allah nilem agauwa 7 a’ge pam herlelik pouwak o. 28Asogo takpoluk e, a’bosu pema e’gikmu oruak a’ge ebano wokho ap obap po a’ge ano esa’go ’bekhit akhit edipmu egelik pasulat, e’gik ’bekhit akhit huap pam egelik pasulat, oyuk ’bekhit-akhit huap pam egelik pasulat, ap ebe wiak aga a’ge o’go an nebaget pou wom a’ge werak emep wusogo pil loma ebano a’bigat wusogo pil louwak o. 29Asogo taga lemarik, a’bosu dedelik e’gikmu oruak a’ge ebano wokho ap obap po a’ge ano o wiak erlagapsogo poluk, nemin hwedik welemagoluk, an Allah nil pam a’gul pam herlelik pouwak o.
30Asogo tak, poluk ap ai, a’ge erlak holuk, sue ’berl ’biren a, sue abiang ’biren de a, an nebaget pouma a’ge ebano, 31mesik o wiak erlagapsogo poluk, nemin hwedik wolom a’ge paget nebaget po a’ge ano emin, mesik an nebaget wusogo odouk narlu a’ge ano paget emin, pasulat, gandum e’gen wogo a’ge nebaget po a’ge woluk wom a’ge ano emin labulogo an nebaget pouwak o. Ap an nebe eiye a’ge ano en asogo tua ano pam op om a’ge ano an Allah nil pam nemin hwedik welemagoluk, uam worogwi ’gela’ge ebaget tago ano pam ebe obat ema o.
32Ap mesik ’burak aik ’balema a’geat de, ebe op otluk enagap un oruak o’gwe enemin nese leik oluk, an nebaget po a’ge a’ge-a’ge erlak holuk tagalom a’ge wene mo’gulhegis aiat o,” oluk mo’gulesi.
O werik a’ge pobut ago holuk togulom wene
33At Allah en Musa Harun emin mo’gulentasulat e,
34“His eiye welemagoluk, an en hono’gwiang o Kanaan wokhentaikmu eba ’gwi laguptik eba oruakma, honowi lo’gwe o pobut nak louwak oluk, perakpou wagoam e, 35ap owi eiye a’ge ano en e, nowi werik a’ge petne o pobut ’gela’ge nak lagama, hegi o, oluk, at an nebe eiye a’ge mo’gulosumak o. 36Mo’gulosu agoam e, ap an nebe eiye a’ge ano en eselat, an nil hai laik ’gal di a’ge-yu a’ge howi pam oruak a’ge ebano eminat pobut nagat etlil laga, oluk, mo’gulhontogumu no oluk an owan nil hai lo erlakhwe, hat howi pam oruak a’ge eba ’berlegat degelogo odipmu lebikpei lak o, oluk mo’gulorogun mu, lebikpasuam e, il hai louwak o. 37Ap an nebe eiye a’ge ano il ’gogol hil laga ’gal, o pobut otluk damuk-damuk lasulat, orogole sing moli agalat momi o hebat pam ’baliso a’ge il holuk e, 38o ogola ebano en odipmu liplau wotluk, o ano agauwa 1 en ’bekhit agauwa sabit hwerli en ’goduk lasogo welemagoluk ukpogwi o.
39Agauwa hebarligen nogoluk, hubet o’gwe ap an nebe eiye a’ge ano en ’gwelakhail laga ’gal e, o ano hebat ’berlegat pobut etil laga-laga arat takpesimu hesi. 40-41Helep pobut etil laga a’ge ebano ’berlegat moluktogulat, ye, helep pema pobut om erlak a’ge holuk e enokho wogulat, takpoluk, wiak a’ge holuk degelogo pogumu o kota o’borlma ebale degelakma ebanoat hwikhai louwak oluk, mo’gulontouwak o. 42Hwikhai louwarik, helep mu ’get a’ge wokho helep ebano ebalema wogo pogulat, pema mu op a’ge poluk opsogo ’gwiang erik a’ge pam lelagansogo pogulat, tuak o.
43Ye, helep pobut etil laga a’ge ebano moluk holuk ebale ’gwe worogulat, ye pema enokho op holuk ebelogo ’gwiang erik a’ge pam dopnosogo lelagan takpogulat, tua a’geat de, pobuk logon eminat pobut ago holuk e, 44ap an nebe eiye a’ge louwarik, o ano ’gwelakholuk, pobut aga a’ge ebano, o ano ebe ’berlegat pobut nak etil lagama holuk e, o pobut wiak a’geatma re, o yu modogat wiagap pesimu hegi, oluk epasu lemarik, 45o werik e helep ’gwiang lelagan tak a’ge ebano emin, ’berlegat moluksogo woluk o kota o’borl akhit asogo wiak agoam, pei lagaimu ebale hele’gikmu ebanoat hwikhai louwak o.
46Ye, o ano ’goduk lerakma de ap mesik ’gwi lasu holuk e, at ebe wiagat tak pagathorlouwama re, wiak tua a’ge ano oruakma en nak, o mo arat obuk uak o, 47ye, o ano wiak hweat de, aphwami o ebano nogogulat, so’boru nogulat, togu lema holuk o pobut ebano onosum petne, dak egei a’ge erlak emak oluk hosogo emet horlogu lemak o.
48Ye, helep wiak en uk aga a’ge ebalema pobuk opsogo pegesa a’ge ano ap an nebe eiye a’ge ano en ’gwelakholuk, o ano pobut ago modok erlak holuk nak e, o pobut modok erlagatma re, o yu modogat op aga o, oluk mo’gulemak o. 49Asogo mo’gulotluk e, o ano obap pouwagoluk, sue ’biren emin, e aras emin, domba asu tuelak pok mit a’ge emin ’go’gop e’gela emin wouwarik, 50sue ’biren eriano a’ge mesik wik-wok sogoluak ’gwiang a’ge pam hele’gik a’ge ano pam ik elaruk egeik op a’ge ne’gak poluk o’borl pam eria wusogo pouwak o.
51Wusogo poluk, e aras emin, wam asu ’gela’ge sum momi a’ge ano emin, ’go’gop e’gela emin, sue elaluk a’ge ano emin, sogoluak ogola sue werak a’ge emep ik elaruk egeik hurle a’ge emin sogoluak oruakma ebano emep udelak poluk, o werik a’ge ano petne e’gik 7 pam ’gwetesogo pil-pil louwak o. 52Sue werak a’ge emep emin, ik elaruk egeik il hurle a’ge porlolu tagalat lebago a’ge ne’gak a’ge ano emin, sue elaluk a’ge ano emin, e aras ano emin, ’go’gop e’gela emin, wam asu ’gela’ge sum momi a’ge ano emin, ebano a’ge pam o werik a’ge ano op emak oluk, asogo nak taga lemarik. 53Sue elaluk a’ge ano wik-wok o kota o’borl akhit eba hwikhai louwak o. Asogo tisoam e, o wiak ema a’ge ano op at ema o,” oluk, mo’gulentesi.
54-57Aphwami enagap pam yebil ’burak enebam agalat, igani enebam agalat, onosum pam purl ’belakpasulat, onowi werik a’ge pam poburap pasulat, enagap pam periselat, enagap pam ’buga ’belakpasulat, ’burak en enesei horlu takpasulat, takpasuam yu wiak a’ge, yu op a’ge, oluk, togulom a’ge wene op e aiat o. Wene yu egei yu re, yebil ’burak wiak a’ge enebam agalat, onosum purl ’balogo pasulat, onowi werik pam pobut ago a’ge ’balogo pasulat, tagoam e, togulom a’ge paget wene werak woknentesi ano re, aiat o.
Currently Selected:
Imamat 14: Wul
Highlight
Copy
Compare
Share
Want to have your highlights saved across all your devices? Sign up or sign in
Imamat 14
14
Yebil enebam ago erlak a’ge holuk, enagap un welat no’gulemagoluk, togulom wene
1At Allah en Musa mo’guleselat,
2 #
Mat. 8:4; Mrk. 1:44; Luk. 5:14; 17:14 “Ap mesik yebil ’burak a’ge ebam agalomtik, erlak ago holuk, ap an nebe eiye a’ge eneragam pei lagaiam e, ap enagap un a’ge oruakma enemin nese lemagoluk togulom a’ge wene re yuat o. 3Enebei lagaiam e, ap an nebe eiye a’ge ebano aphwami onowi saboma en odipmu liplai lasu lomtik ap yebil ’burak ebam ago a’ge ano ’gwelakholuk, yebil ’burak ebano erlak om a’ge il ’gwelakholuk e, 4ap yebil op om a’ge ano, ap enagap un welagaimu ebano enemin nese lemagoluk, ap an nebe eiye a’ge ano en sue no a’ge asua erlak enelaluk ’biren emin, e aras emin, domba asu sualogo ’gut ’belak a’ge emin, ’go’gop e’gela emin, woluk wemak oluk, mo’gulontoluk, woluk wagaiam e, 5sogoluak ’gwiang a’ge hele’gik a’ge ano pam ik elaruk il hurle lebago a’ge ano ne’gak poluk, sue ekhen ano ik ne’gak a’ge o’borl pam poluk, woruak oluk, ap an nebe eiye a’ge en mo’gulentasuam togukhwe, 6at an nebe eiye a’ge en sue elaluk welago a’ge ano emin, e laik emin, domba asu honogo ’gut op a’ge emin, ’go’gop e’gela emin, wokho sue ik il hurle a’ge sogoluak emdema o’borl pam werak a’ge emep ano pam egilogo poluk, 7ap yebil op om a’ge holuk ap enagap un welagai a’ge eba enemin no’gulemagoluk, agauwa 7 a’ge pam ap iebil erlak om a’ge ano emep ebam herlelik poluk, hebe modok op e’genma re, aphwami oruak o’gwe yogunat denaga lomup o, oluk, sue elaluk welago a’ge ano wokho parema o leimu eba perakpouwak o.
8Asogo tisoam e, ap yebil erlak om a’ge ano en osum emet hwerlasulat, asu a’bik a’ge ano ’baliselat, ik pam ebe ’gume weriselat, taga lemarik holuk e, ebe ano modok op emarik is enagap un oruakma onowi sabo ano odipmu ’guom obat a’geat de, at owi saboma ano ’guom erlakma en odipmu oruakhwe nak agauwa 7 emak o. 9Agauwa 7 wolotluk, loruk o’gwe asu emin, emde asu emin, il asu emin, ebe pam a’ge omutaruk ’berlegat ’baliselat, o’bogoyum ik pam ho tagalat, ebe’gume weriselat, tagoam e, ebe modok obat ema o.
10Modok obat ago holuk e, hup nogo 7 nogoluk, hubet o’gwe domba ierak a’ge ’biren emin, domba holou a’ge dogokhwe tahun mesik nak tak a’ge emin, aik ’belak erlak a’ge holuk nak wogulat, gandum e’gen modok op a’ge nak e’gen wogo a’ge a’bosu emin ne’garlok-he’garloktak a’ge 3 liter ’gela’ge Allah ebaget pouwagoluk wasulat, e zaitun a’bosu setengah liter ’gela’ge ne’gak a’ge wasulat, takpoluk woluk 11at iebil erlagapsogo po a’ge ap an nebe eiye a’ge ano eragam pou wagoam e, ap an nebe eiye a’ge ano en ap ano op emak oluk, wom a’ge ano ebe emin, di a’ge yu a’ge Allah wogoum a’ge ano emin, wouwarik, an Allah nil pam nemin hwedik togumu nowi sabo werik a’ge ’goduk ’gogumu ’godukmu eria poumak o. 12Poumarik e, ebe wiak tua a’ge o’go an Allah nebaget pou wagai a’ge ebano a’ge pouwagoluk, domba ierak ano emin, e zaitun a’bosu ne’gak ano a’ge emin, ebano wokho, ap ebe wiak tago a’ge ano obapsogo po a’ge paget yuat o, oluk, e’gik ’bilogo an Allah nebaget pouwak o. 13Nebasu lemarik e, an nebaget wusogo e narlogulat, ap onowiak erlagapsogo pouwagoluk, nebaget wusogo woknogulat, togumu o asuama eria en domba ierak a’ge ano wusogo pouwak o. Ap ebe wiak tua a’ge obapsogo po a’ge o’go an woknema ai re, aphwami onowiak erlagapsogo pouwagoluk nebaget wusogo woknogwi ’gela’ge, nebaget polik a’ge modok miayatma re, ap an nebe eiye a’ge ano enat horlouwak o. 14Ye, ap an nebe eiye a’ge ano en, ap ebe wiak tiso a’ge ano obapsogo po a’ge o’go an nebaget pouma a’ge emep ano weisogo wouwarik, ap ano esa’go edip ’bekhit akhit egelik pasulat, e’gik dum ’bekhit akhit emin, oyuk dum ’bekhit akhit emin, egelik pasulat, tuak o. 15Asogo taga lemarik, e zaitun a’bosu ano wokho we weisogoat e’gik hware akhit herlelik poluk, 16e’gik ’bekhit akhit en ’beli’gogo egeliselat, an Allah nil pam nowi sabo werik a’ge eba agauwa 7 pam en egelil louwak o. 17Egelise lemarik, a’bosu pema e’gik pam welaga a’ge ebano weiyat wik-wok ap ebe op emak oluk tago a’ge ebano esa’go ’bekhit akhit edipmu emin, e’gik huap ’bekhit akhit emin, oyuk huap ebe pam emin, ap ebe wiak tua a’ge o’go woluk wema a’ge werak emep herlelik pil legenakma ebano loksogoat egelik pil louwak o. 18Herlelik pil louwarik, a’bosu dedelik e’gik pam a’ge eriano ebesigat wokho ap ano a’gul pam herlelik pouwak o. Asogo togulom ai re, an Allah en ap ai emin hwedik weleik en e, uam wusogo ap an nebe eiye a’ge Imam en an nil pam togulom e, aiat o.
19Asogo taga lemarik, ap ebe wiak ema a’ge obap po ano pam aphwami onowiak erlagapsogo pouwagoluk an nebaget wusogo woknogwi a’ge ebano paget uam worogwi ai ’gela’ge an nebaget wusogo wokneselemarik, an nebaget wusogo e narlogwi ebano ’gela’ge mesik wusogo poluk, 20e narlogumu ebano an nebaget e narliselat, gandum e’gen wogo an nebaget poluk woknomogoluk woluk wom a’ge ano eminat e narluak o. Asogo tu ano re, uam worogwiam e, ap ano obat ema o.
21Asogo tu a’geat de, ap ai e’gik erlakma re asogo tu a’ge a’ge-a’ge erlak holuk nak e, ap ai o wiak erlagapsogo poluk nemin hwedik wolomok oluk, uam worogwi ’gela’ge woknogwi age, ebano a’ge mesik wiak a’gai a’ge o’go e’gik ’beli’gogo an nebaget woknoum a’ge domba ierak a’ge mesik nak wasulat, ye, gandum agap e’gen wogo a’ge an nebaget pouwagoluk gandum agap e’gen wogo modok op a’ge a’bosu 2 liter’gela’ge emin ne’garlok-he’garloktak a’ge ano wasulat, e zaitun a’bosu setengah liter ’gela’ge ne’gak a’ge ano wasulat, 22Ye, op a’ge palu re sue ’berl ’biren a, sue abiang ’biren de a, mesik o wiak erlagapsogo po a’ge paget an nebaget wokneselat, ye, mesik an nebaget wusogo e narliselat, tuak oluk mesik wasulat, takpoluk, 23agauwa 7 wolotluk, loruk o’gwe ap yebil tak welema a’ge ano obap poluk aphwami enagap un welema a’ge ebano enemin yogunat denaga lemagoluk woluk an Allah nilem nowi sabo sum owi werik a’ge ’goduk ’gogumu ap an nebe eiye a’ge oruakma eria poumak o, 24pou wagoam e, ap an nebe eiye a’ge en ap wiak ema a’ge ano obap po a’ge o’go domba nebaget po a’ge ano emin, e zaitun a’bosu ne’gak ano emin, wouwarik, hat Allah hebaget o, oluk, ene’gik ’beli’gogo pogwi ano ’gela’ge, an Allah nil pamat e’gik ’beli’gogo nebaget pouwak o. 25Pou warik e, wiak ema a’ge ano obap pouwa a’ge o’go domba nebaget woknoum a’ge ano woluk wema a’ge ano, wusogo poluk, emep pema wouwarik, ap ano esa’go ebe edipmu egelik pasulat, e’gik ’bekhit akhit huap pam egelik pasulat, oyuk ’bekhit akhit huap pam egelik pasulat, taga lemarik, 26a’bosu ano we e’gik hware akhit wei nak herlilogo poluk, 27e’gik ’bekhit akhit en ’beli’gogo a’bosu e’gik hware akhit welaga a’ge ano we wei nak egil holuk, an Allah nilem agauwa 7 a’ge pam herlelik pouwak o. 28Asogo takpoluk e, a’bosu pema e’gikmu oruak a’ge ebano wokho ap obap po a’ge ano esa’go ’bekhit akhit edipmu egelik pasulat, e’gik ’bekhit akhit huap pam egelik pasulat, oyuk ’bekhit-akhit huap pam egelik pasulat, ap ebe wiak aga a’ge o’go an nebaget pou wom a’ge werak emep wusogo pil loma ebano a’bigat wusogo pil louwak o. 29Asogo taga lemarik, a’bosu dedelik e’gikmu oruak a’ge ebano wokho ap obap po a’ge ano o wiak erlagapsogo poluk, nemin hwedik welemagoluk, an Allah nil pam a’gul pam herlelik pouwak o.
30Asogo tak, poluk ap ai, a’ge erlak holuk, sue ’berl ’biren a, sue abiang ’biren de a, an nebaget pouma a’ge ebano, 31mesik o wiak erlagapsogo poluk, nemin hwedik wolom a’ge paget nebaget po a’ge ano emin, mesik an nebaget wusogo odouk narlu a’ge ano paget emin, pasulat, gandum e’gen wogo a’ge nebaget po a’ge woluk wom a’ge ano emin labulogo an nebaget pouwak o. Ap an nebe eiye a’ge ano en asogo tua ano pam op om a’ge ano an Allah nil pam nemin hwedik welemagoluk, uam worogwi ’gela’ge ebaget tago ano pam ebe obat ema o.
32Ap mesik ’burak aik ’balema a’geat de, ebe op otluk enagap un oruak o’gwe enemin nese leik oluk, an nebaget po a’ge a’ge-a’ge erlak holuk tagalom a’ge wene mo’gulhegis aiat o,” oluk mo’gulesi.
O werik a’ge pobut ago holuk togulom wene
33At Allah en Musa Harun emin mo’gulentasulat e,
34“His eiye welemagoluk, an en hono’gwiang o Kanaan wokhentaikmu eba ’gwi laguptik eba oruakma, honowi lo’gwe o pobut nak louwak oluk, perakpou wagoam e, 35ap owi eiye a’ge ano en e, nowi werik a’ge petne o pobut ’gela’ge nak lagama, hegi o, oluk, at an nebe eiye a’ge mo’gulosumak o. 36Mo’gulosu agoam e, ap an nebe eiye a’ge ano en eselat, an nil hai laik ’gal di a’ge-yu a’ge howi pam oruak a’ge ebano eminat pobut nagat etlil laga, oluk, mo’gulhontogumu no oluk an owan nil hai lo erlakhwe, hat howi pam oruak a’ge eba ’berlegat degelogo odipmu lebikpei lak o, oluk mo’gulorogun mu, lebikpasuam e, il hai louwak o. 37Ap an nebe eiye a’ge ano il ’gogol hil laga ’gal, o pobut otluk damuk-damuk lasulat, orogole sing moli agalat momi o hebat pam ’baliso a’ge il holuk e, 38o ogola ebano en odipmu liplau wotluk, o ano agauwa 1 en ’bekhit agauwa sabit hwerli en ’goduk lasogo welemagoluk ukpogwi o.
39Agauwa hebarligen nogoluk, hubet o’gwe ap an nebe eiye a’ge ano en ’gwelakhail laga ’gal e, o ano hebat ’berlegat pobut etil laga-laga arat takpesimu hesi. 40-41Helep pobut etil laga a’ge ebano ’berlegat moluktogulat, ye, helep pema pobut om erlak a’ge holuk e enokho wogulat, takpoluk, wiak a’ge holuk degelogo pogumu o kota o’borlma ebale degelakma ebanoat hwikhai louwak oluk, mo’gulontouwak o. 42Hwikhai louwarik, helep mu ’get a’ge wokho helep ebano ebalema wogo pogulat, pema mu op a’ge poluk opsogo ’gwiang erik a’ge pam lelagansogo pogulat, tuak o.
43Ye, helep pobut etil laga a’ge ebano moluk holuk ebale ’gwe worogulat, ye pema enokho op holuk ebelogo ’gwiang erik a’ge pam dopnosogo lelagan takpogulat, tua a’geat de, pobuk logon eminat pobut ago holuk e, 44ap an nebe eiye a’ge louwarik, o ano ’gwelakholuk, pobut aga a’ge ebano, o ano ebe ’berlegat pobut nak etil lagama holuk e, o pobut wiak a’geatma re, o yu modogat wiagap pesimu hegi, oluk epasu lemarik, 45o werik e helep ’gwiang lelagan tak a’ge ebano emin, ’berlegat moluksogo woluk o kota o’borl akhit asogo wiak agoam, pei lagaimu ebale hele’gikmu ebanoat hwikhai louwak o.
46Ye, o ano ’goduk lerakma de ap mesik ’gwi lasu holuk e, at ebe wiagat tak pagathorlouwama re, wiak tua a’ge ano oruakma en nak, o mo arat obuk uak o, 47ye, o ano wiak hweat de, aphwami o ebano nogogulat, so’boru nogulat, togu lema holuk o pobut ebano onosum petne, dak egei a’ge erlak emak oluk hosogo emet horlogu lemak o.
48Ye, helep wiak en uk aga a’ge ebalema pobuk opsogo pegesa a’ge ano ap an nebe eiye a’ge ano en ’gwelakholuk, o ano pobut ago modok erlak holuk nak e, o pobut modok erlagatma re, o yu modogat op aga o, oluk mo’gulemak o. 49Asogo mo’gulotluk e, o ano obap pouwagoluk, sue ’biren emin, e aras emin, domba asu tuelak pok mit a’ge emin ’go’gop e’gela emin wouwarik, 50sue ’biren eriano a’ge mesik wik-wok sogoluak ’gwiang a’ge pam hele’gik a’ge ano pam ik elaruk egeik op a’ge ne’gak poluk o’borl pam eria wusogo pouwak o.
51Wusogo poluk, e aras emin, wam asu ’gela’ge sum momi a’ge ano emin, ’go’gop e’gela emin, sue elaluk a’ge ano emin, sogoluak ogola sue werak a’ge emep ik elaruk egeik hurle a’ge emin sogoluak oruakma ebano emep udelak poluk, o werik a’ge ano petne e’gik 7 pam ’gwetesogo pil-pil louwak o. 52Sue werak a’ge emep emin, ik elaruk egeik il hurle a’ge porlolu tagalat lebago a’ge ne’gak a’ge ano emin, sue elaluk a’ge ano emin, e aras ano emin, ’go’gop e’gela emin, wam asu ’gela’ge sum momi a’ge ano emin, ebano a’ge pam o werik a’ge ano op emak oluk, asogo nak taga lemarik. 53Sue elaluk a’ge ano wik-wok o kota o’borl akhit eba hwikhai louwak o. Asogo tisoam e, o wiak ema a’ge ano op at ema o,” oluk, mo’gulentesi.
54-57Aphwami enagap pam yebil ’burak enebam agalat, igani enebam agalat, onosum pam purl ’belakpasulat, onowi werik a’ge pam poburap pasulat, enagap pam periselat, enagap pam ’buga ’belakpasulat, ’burak en enesei horlu takpasulat, takpasuam yu wiak a’ge, yu op a’ge, oluk, togulom a’ge wene op e aiat o. Wene yu egei yu re, yebil ’burak wiak a’ge enebam agalat, onosum purl ’balogo pasulat, onowi werik pam pobut ago a’ge ’balogo pasulat, tagoam e, togulom a’ge paget wene werak woknentesi ano re, aiat o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in