Yosua 19
19
Is ena’gul onuk Simeon a’ge ono’gwiang hwerli ’belak wene
1E’berlik helep e’gen hwikhailowom walhegesa ’gal e, helep ano woroksogo is ena’gul Simeon a’ge en dogo’gwe a’ge dedelik enebe ’berlek ai a’ge eneragam laga. Asogo lagama, is Simeon a’ge ono’gwiang e, is Yehuda a’ge ono’gwiang eiye egesema en ’burl kota-kota ebanoat wogentesi. 2#1Taw. 4:28-33O kota-kota wogentesi a’ge logon onuk e,
Bersyeba, onuk mesik Syeba, Molada, 3Hazar-Sual, Bala, Ezem, 4Eltolad, Betul, Horma. 5Ziklag, Bet-Hamarkabot, Hazar-Susa, 6Bet-Lebaot, Saruhen atma re, la’bulogo 13 kota e’berlik o seli o’borl o’gwe wei-wei a’ge logon eminat wogentasulat,
7Ye, kota Ain, En-Rimon, Eter, Asan, o kota 4 ya e’berlik o seli wei a’ge logon emin wogentasulat e, 8o kota-kota ai, e’berlik o seli wei o’gwe, lok o’gwe ’berlegat wogentil-entil ’bekhit o kota Baalat-Beer ai, o lei lok o sogweik akhit o kota Rama atma, o kota ai horli wogentasulat tegei. A’gul onuk Simeon pam en weiyelak a’ge en dedilogo dogoma a’ge en onowirak ’gela’ge o kota-kota eiye welemagoluk wogentesi ano re, aiat o.
9Is Simeon pam en weiyelak a’ge dogoma a’ge en eiye omtik onowirak ’gela’ge o kota-kota is Yehuda a’ge ono’gwiangma de, ado wogentesi ano re, is Yehuda a’ge ono’gwiang logat yema re, oluk wogentesimu re, is Simeon a’ge en ono’gwiang dogoma a’ge en eiye omtik wolom a’ge ano re, is Yehuda a’ge ono’gwiang ede ’burl ebanoat wogentesi.
Is Zebulon a’ge ono’gwiang hwerli ’belak wene
10Togolik helep pam walhegesa ’gal e, helep ano woroksogo Zebulon a’ge pam en weiyelak dogo ’gwe a’ge dedilogo ’berlegat enebam laga. Asogo lasuam, is ono’gwiang dogoma a’ge en onowirak ’gela’ge eiye emagoluk wogentesi ano hwerli re,
o Sarid horok lai lotluk, 11o mo obuk ilasu akhit o’gwe motluk-motluk o Marala en, o Dabeset, sebelholuk ’bekhit, o Yokneam horok ik hogorlak maat laga. 12Asogo toluk, o Sarid horok lai lotluk ’gi’gobok o mo yegelogo orlu ago akhit o’gwe en ’bekhit, o Khislot-Tabor oruakhwe o Dobrat lai lotluk, eba en o Yafia ligotluk, eba en ’bekhit, 13o mo yegelluk orlu ago akhit o’gwe motluk-motluk-o Gat-Hefer en, o Et-Kazin en, ologun Rimon en olukhwe edenago o Nea at laga. 14Ai pam en togolik olukhwe edenogo o’borl akhit o’gwe erabuno o Hanaton loluk, o Yiftah-El o dogo lagama eba at de welaga. 15Ye, ono’gwiang hwerlirak a’ge oruakhweat-de emin mangnosogo o kota 12 emin, o’borl o’gwe o seli logon emin mangnosogo wogentesi ano o kota logon onuk e, Katat, Nahalal, Simron, Yidala, Betlehem at wogentesi. 16Is ap Zebulon a’ge dogo ’gwe a’ge dedilogo enebe lo’bok o kota-kota emin, kota-kota ai o’borl-o’borl o seli wei o’gwe-lok o’gwe lo’bok emin onowirak ’gela’ge eiye otluk wolom a’ge hwerlegesa ano ebe aiat o.
Is Isakhar a’ge ono’gwiang hwerli ’belak wene
17Togolik helep pam walhegesa ’gal, helep ano woroksogo Is ap Isakhar pam e weiyelak a’ge en dogoma a’ge dedelik ’berlegat eneragam laga. 18Asogo lagama, Is Isakhar a’ge ono’gwiang ’balogo wogentasulat o kota-kota emin wogentesi a’ge logon onuk e,
Yizreel, Khesulot, Sunem aiat. 19Hafaraim, Sion, Anaharat, 20Rabit, Kisyon, Ebes at, 21Remet, En-Ganim, En-Hada, Bet-Pazes aiat, 22ono’gwiang hwerlirak a’ge ai re, o kota Tabor en, Sahazima en, o kota Bet-Semes en, legesarik ik Yordan hwerli pam en o kota 16 emin, o kota-kota ai o’borl o’gwe o seli logon wei-wei a’ge eminat, wogentesi.
23Is Isakhar pam en dogoma a’ge dedilogo ’berlegat dogoma a’ge en eiye otluk onowirak ’gela’ge o kota-kota emin, o kota e’berlik o seli wei-wei a’ge logon eminsogo hwerlegesa ano re, aiat o.
Is ap a’gul onuk Asyer a’ge ono’gwiang hwerli ’belak wene
24Togolik helep pam walholuk, helep ano woroksogo Is Asyer pam en weiyelak dogoma a’ge dedelik ’berlegat eneragam laga. 25Asogo lagama, is Asyer a’ge ono’gwiang ’belakma o kota-kota wogentesi a’ge logon onuk e, Helkat, Hali, Beten, Akhsaf, aiat o. 26Alamelekh, Amad, Misal aiat. Ye, o mo obuk ilasu akhit o’gwe is ono’gwiang hwerlitak e, dom Karmel pam en ’bekhit, ik Libnat eba loluk, 27-28togolik onolukhwe edenogo o mo pou wago akhit o’gwe motluk-motluk, o Bet-Dagon en, is ap Zebulon a’ge ono’gwiang hwerli pam en ’bekhit, Yiftah-El dogoma loluk, togolik onolukhwe edenogo o o’borl akhit o’gwe motluk-motluk o Bet-Emek en ’bekhit o Nehiel en, o’borl akhit o’gwe motluk-motluk o Kabul erei akhit oruakhwe ’bekhit, Ebron en, Rehob en, Hamon en, Kana en, o Sidon en, lok hwerli werak welaga. 29-30Asogo toluk, o Sidon lokma en togolik edenogo o Rama loluk, eba en o kota helep pakleget wogoma o Tirus en legesarik togolik edenogo kota onuk kota en ’bekhit ologun ik lok Ye’gelak laut tengah pam hwedik welaga. Is Asyer a’ge ono’gwiang ’balogo wogentasulat, o kota 22 emin, o kota-kota ai o’borl-o’gwe o seli wei-wei a’ge logon emin, hwerlegesa a’ge ado logon onuk e, Mahalab, Akhzib, Uma, Afek, Rehob eba at o.
31Is Asyer pam en weiyelak o’gwe en dogoma a’ge dedelik o kota-kota emin, kota ai o’borl o’gwe o seli wei-wei a’ge emin, onowirak ’gela’ge dogoma a’ge en wolomma eiye egesa ano aiat o.
Is ap Naftali a’ge ono’gwiang hwerli ’belak wene
32E’berlik helep pam walhegesa ’gal, helep ono woroksogo is ap Naftali pam en weiyelak dogo’gwe a’ge dedilogo ’berlegat eneragam laga.
33Asogo lasuam, is ono’gwiang wogentesi a’ge ebano hwerli re,
o Helef ai en, o Zaananim, e lok a’ge oruakma ebano horok lai lotluk o Adami-Nekeb en, o Yabneel en ’bekhit, o Lakum hwerli loluk, eba en ik Yordan wagarik welaga.
34Ye, o mo obuk ilasu akhit o’gwe re, o Aznot-Tabor horogap poluk legesa o, o Hukok legesarik, o sogweik akhit hwerli ai re, is Zebulon a’ge ono’gwiang wogentesi a’ge hwerlirak oruak, eba en motluk-motluk o mo o’buk ilasu akhit o’gwe erabu re, is ap Asyer a’ge ono’gwiang ’balogo wogentesi a’ge hwerliat agalat, ye, o mo orlu-ago akhit o’gwe re, ik Yordan akhit lai lasulat, asogoat tak welaga o. 35O kota-kota helep pakleget wogo a’ge wogentesi ano onuk e, Zidim, Zer, Hamat, Rakat, Kineret aiat, 36Adama, Rama, Hazor 37Kedes, Edrei, En-Hazor, 38Yiron, Migdal-El, Horem, Bet-Anat, Bet-Semes aiatma kota 19 emin en, kota-kota ai, en o o’borl o’gwe o seli wei a’ge logon emin, wogentesi ano re, aiat o.
39Is ap Naftali pam en weiyelak a’ge dogo dedelik en dogoma a’ge en onowirak ’gela’ge wolom a’ge o kota-kota emin, o kota ai e’berlik o seli logon wei-wei a’ge emin, hwerlegesa ano re, aiat o.
Is ap a’gul Dan a’ge ono’gwiang hwerli ’belak wene
40Ye, ologun ’goboksogo helep pam walholuk, helep ano woroksogo Is ap Dan pam en weiyelak a’ge en dogo’gwe a’ge enebe dedelik ’berlegat enebam aga. 41Asogo agama onowirak ’gela’ge eiye emagoluk ono’gwiang wogentesi a’ge o kota-kota ado logon oruak a’ge onuk e, Zora, Esytaol, Ir-Semes aiat,
42Saalabin, Ayalon, Yitla, 43Elon, Timna, Ekron, 44Elteke, Gibeton, Baalat, 45Yehud, Bene-Berak, Gat-Rimon, 46o Me-Yarkon, Rakon aiat wogentasulat, ye, o Yope etle akhit libotluk ’gwiang ik emeik petne ebano logon wogentasulat, tegei.
47 #
Hak. 18:27-29
Asogo tegei a’geat de, is Dan a’ge enanni erlak en, ono’gwiang wogentesimu ebano wolom a’ge mia agama, is Dan a’ge en o kota Lesem a’ge enemin, weim obogu lemagoluk, ligotluk, onowi pam ’goluk, wa’gun pam wusogo onoboluk is onowi o Lesem eba weim sorok ogu legesarik ene’ba onuk tuelak’gela’ge onuk Dan anoat tualigisa 48Is Dan pam en weiyelak dogo’gwe a’ge en dogoma a’ge en onowirak ’gela’ge eiye omogoluk o kota-kota emin o kota ai eberlik o seli wei o’gwe logon emin, hwerlegesa ono re, aiat o.
At Yosua o’gwiang wogegisa wene
49-50’gwiang ebano, Israel a’ge ena’gul onuk motluk nak ono’gwiang dogoma a’ge en eiye om a’ge ono’gwiang ebano arat sobut entesi ebano arat hwerlegesema, at Nun omlogo Yosua ano en o Efraim dom pam o kota Timnat-Serah, woknemis o, oluk, mo’gulentesimu, at Allah en mo’gulentesi a’ge hegitsogo, is aphwami Israel a’ge ene’gerlakma enemin, welemagoluk, o owirak ’gela’ge ’gwiang ai eiye emarik welemagoluk Yosua wogegisema o eba o seli-seli a’ge a’bigat eiyerak pagathorloluk welaga.
51Ye, o Silo Allah emin hwedik tisoma owi werik a’ge ’goduk ’gwi lagaimu eria en ap Allah eiye a’ge Eleazar emin, ap Nun omlogo Yosua emin, ap Israel a’ge ena’gul onuk lo’bok onuelak ebano emin, at Allah il oruakhwe helep e’gen pam walhogulat aphwami Israel a’ge ena’gul onuk motluk onowirak ’gela’ge ono’gwiang ologun ’goboksogo so’but entegisa ano re, aiat o.
Currently Selected:
Yosua 19: Wul
Highlight
Share
Copy
Want to have your highlights saved across all your devices? Sign up or sign in
