Yosua 12
12
Ap ’gain-’gain mabenap enebegesa a’ge ononuk ’belak wene
1 #
Bil. 21:21-35; Ula. 2:26–3:11 Is aphwami Israel a’ge en ap ’gain-’gain mabenap onoboluk, ono’gwiang o Yordan no’gorlogo enebegesema do’go hwat legenakma ik Yordan o mo liplau wago akhit ik etli pam orogobu de ik Arnon horok lai lotluk, erei akhit dom Hermon hwerli hwerlegesa ano ebe yuat.
2-3Is aphwami Amori a’ge onue ’gain Sihon ano o Hesybon welat, O Aroer ik Arnon ho’gorlakma ’burl eba en o Gilead ado logon emin la’bulogo ik Yabok ap a’gul Amon a’ge ono’gwiang ’belak a’ge hwerli pam emin, o Yordan dogo erang duelak pesimu mo liplau wago akhit ik ye’gelak a’ge Kinerot ebano en ’bekhit, orogobu akhit ik ye’gelak mayu egeik o Bet-Yesimot en ’bekhit ogobu akhit o abel akhit dom Pisga e’biang ’balogo pil lagama emin, at eiye welagoma ebano ’berlegat delhorlogulat,
4Ye, aphwami Refaim a’ge ’bullak ap mesik o Basan a’ge ’gain Og en owi ’biren Asytarot Edrei welat, 5O Basan ’berlegat oduk Hermon emin, o Salkha emin hwerli en ’bekhit, o aphwami Gesur a’ge emin, aphwami Maakha a’ge emin, ono’gwiang hwerli en ’bekhit Gilead logon me’gerik ap ’gain Sihon o’gwiang eiye welago a’ge onuk Hesybon hwerli a’bigat at nak eiye welaga a’ge ano delhorlogulat tegisa.
6 #
Bil. 32:33; Ula. 3:12 At Allah eragam a’ge Musa aphwami Israel a’ge emin en onoweim eneselei a’ge ’berlegat sebelak onoboluk, ono’gwiang ebano at Allah eragam a’ge Musa en is Ruben a’ge emin, Gad a’ge emin, ena’gul onuk Manasye ado me’gerik emin, eiye otluk welemagoluk, so’burentesi.
Ap ’gain-’gain mabenap onoboluk sebelak enebegesa wene
7-8At Yosua aphwami Israel a’ge emin, en ap ’gain a’ge mabenap onoboluk, ono’gwiang delhwerlegesa ano re, ik Yordan o mo obuk ilasu akhit hwerli Yu akhit Baal-Gad o Libanon dogoma en ’bekhit, dom-dom emin dom Gundul Seir en ’bekhit dom edip-edip pil laga o’gwe ’berlegat aphwami Het emin, Kanaan emin, Feris emin, Hewi emin, Yebus emin, ono’gwiang dom-dom emin, dom-petne o mo obuk ilasu hwerli welagai a’ge emin, o Yordan no’gorlogo ukpegesema erang pesimu eba emin, dom e’biang ’balil lagama eba emin, o lei lok o abel akhit emin, ’berlegat ono’gwiang sebelhwerlegesarik, aphwami Israel ena’gul onuk dogo a’ge ’gela’geat enemining a’ge wogontogwiam eiye otluk welagai ai ’gela’ge ’gwiang ai eiye otluk welemagoluk, so’busogo wogentesi ano ebe re yuat, o,
9ap ’gain mesik e o Yerikho a’ge, mesik e o Betel o’borlma a’ge mesik e o Ai a’ge,
10mesik e o Yerusalem a’ge, mesik e o Hebron a’ge,
11mesik e o Yarmut a’ge, mesik e o Lakhis a’ge
12mesik e o Eglon a’ge, mesik e o Gezer a’ge
13mesik e o Debir a’ge, mesik e o Geder a’ge,
14mesik e o Horma a’ge, mesik e o Arad a’ge,
15mesik e o Libna a’ge, mesik e o Adulam a’ge,
16mesik e o Makeda a’ge, mesik e o Betel a’ge,
17mesik e o Tapuah a’ge, mesik e o Hefer a’ge,
18mesik e o Afek a’ge, mesik e o Lasaron a’ge,
19mesik e o Madon a’ge, mesik e o Hazor a’ge,
20mesik e o Simron-Meron a’ge, mesik e o Akhsaf a’ge,
21mesik e o Taanakh a’ge, mesik e o Megido a’ge,
22mesik e o Kedes a’ge, mesik e o Yokneam dom Karmel horoksogo a’ge,
23mesik e o Dor dom Nabot Dor a’ge mesik e, o Galilea owi Goyim a’ge,
24mesik e o Tirza a’ge, ap ’gain enebe a’bik ai, enebe re, a’geatma re, ono’gwiang delogo aphwami Israel a’ge so’burentegisa aiat o.
Currently Selected:
Yosua 12: Wul
Highlight
Share
Copy
Want to have your highlights saved across all your devices? Sign up or sign in
